mumbai ex mayor arrested : मुख्यमंत्री एकनाथ शिंदे यांना शिवीगाळ; मुंबईच्या माजी महापौरांना अटक

paragraph

<p>मुख्यमंत्री एकनाथ शिंदे यांच्याविषयी अपशब्द वापरल्याप्रकरणी मुंबई पोलिसांनी शहराचे माजी महापौर, ठाकरे गटाचे नेते दत्ता दळवी यांना आज सकाळी अटक केली. २६ नोव्हेंबर रोजी भांडुपमध्ये कोकणवासीयांचा मेळावा आयोजित करण्यात आला होता. या मेळाव्यात दत्ता दळवी यांचं भाषण झालं होतं. या भाषणात दळवी यांनी मुख्यमंत्री एकनाथ शिंदे यांचं नाव घेऊन शिवीगाळ केली होती, असा आरोप शिंदे गटाच्या कार्यकर्त्यांनी केला होता. दत्ता दळवींविरोधात शिंदे गटाचे कार्यकर्ते भूषण पलांडे यांनी भांडुंप पोलिस स्टेशनमध्ये तक्रार दाखल केली होती. या तक्रारीची दखल घेत पोलिसांनी ही कारवाई केली. दत्ता दळवी यांच्याविरोधात दंड संहितेच्या कलम १५३ (अ), १५३ (ब), १५३(अ)(१) सी,२९४, ५०४, ५०५ (१) (क) अंतर्गत गुन्हा दाखल करण्यात आला आहे. तक्रारीची दखल घेत पोलिसांनी दत्ता दळवी यांना आज सकाळी त्यांच्या निवासस्थानातून अटक केली.</p>

<p>शिवसेना ठाकरे गटातर्फे रविवारी भांडुपमध्ये ईशान्य मुंबईत राहणाऱ्या कोकणवासियांचा मेळावा आयोजित करण्यात आला होता. या मेळाव्यात दत्ता दळवी यांचे भाषण झाले. राजस्थान विधानसभेच्या प्रचारासाठी गेले असताना बॅनरवर मुख्यमंत्री एकनाथ शिंदे यांच्या नावापुढे ‘हिंदुहृदयसम्राट’ असं लिहिलं होतं. या उपमेवरून माजी महापौर दत्ता दळवी यांनी मुख्यमंत्री एकनाथ शिंदे यांना आपल्या भाषणात लक्ष्य केलं होतं. मुख्यमंत्री शिंदे यांच्यावर टीका करत असताना दळवी यांनी शिवीगाळ केल्याचा आरोप शिंदे गटाच्या कार्यकर्ते पलांडे यांनी केला होता. दत्ता दळवी हे शिवसेना- ठाकरे गटाचे उपनेते असून २००५ ते २००७ दरम्यान ते मुंबईचे महापौर होते.</p>

<h2>भांडुप पोलीस स्टेशनबाहेर शिवसैनिकांची घोषणाबाजी</h2><p>दरम्यान, दत्ता दळवी यांच्या अटकेच्या निषेधार्ह शिवसेना ठाकरे गटाचे नेते, राज्यसभा सदस्य संजय राऊत, आमदार सुनील राऊत आणि स्थानिक कार्यकर्ते भांडुप पोलिस स्टेशन येथे दाखल झाले. ठाकरे गटाच्या कार्यकर्त्यांनी पोलिस स्टेशनबाहेर जमा होऊन यावेळी घोषणाबाजी केली.</p>

Nagpur news : आयएएस-आयपीएस होण्याचं स्वप्न भंगलं! नागपुरात FDA निरीक्षकानं उचललं टोकाचं पाऊल; स्वत: तयार केलं विष

<ul><li>Nagpur Crime : नागपुरात एफडीए निरीक्षकाने विष प्राशन करून आत्महत्या केल्याची धक्कादायक घटना उघडकीस आली आहे. आयएएस आणि आयपीएस होण्याचे स्वप्न भंगल्याने त्याने हे टोकाचे पाऊल उचलले.</li></ul>

makrand anaspure : दूध उत्पादकांसाठी अभिनेते मकरंद अनासपुरे मैदानात! अकोलेतील अंदोलनाला पाठिंबा

<p>makrand anaspure support farmer : दूध दर वाढीसाठी किसान सभेचे राज्य सरचिटणीस डॉ. अजित नवले यांनी अकोले तहसीलदार कचेरीसमोर बेमुदत उपोषण सुरू केले असून या आंदोलनाला मकरंद अभिनेते मकरंद अनासपूर यांनी पाठिंबा दिला आहे.</p>

Bharat Gaurav express : मोठी बातमी! भारत गौरव एक्सप्रेसमधील ४० प्रवाशांना विषबाधा; पुण्यात तातडीचे उपचार

<p>Bharat Gaurav Express food poisoning news : चेन्नई येथून येणाऱ्या भारत गौरव रेल्वेगाडीत प्रवाशांना विषबाधा झाली. या प्रवाशांवर तातडीने पुणे रेल्वे स्थानकावर उपचार करण्यात आले.</p>

Nagpur murder: उपराजधानीत चाललंय काय! ठेला लावण्याच्या किरकोळ कारणावरून भाजी विक्रेत्याला संपवलं

<ul><li>Nagpur crime news : उपराजधानी नागपुरात ठेला लावण्याच्या किरकोळ वादातून एका भाजी विक्रेत्याची हत्या करण्यात आली आहे.</li></ul>

<p>Ex mayor datta dalvi arrested : मुख्यमंत्री एकनाथ शिंदे यांना भाषणादरम्यान शिवीगाळ केल्याप्रकरणी मुंबई पोलिसांनी शहराचे माजी महापौर, ठाकरे गटाचे नेते दत्ता दळवी यांना आज सकाळी अटक केली.</p>

Fadnavis in Telangana: ‘तेलंगणात केवळ एकाच कुटुंबाचे भले’: देवेंद्र फडणवीस यांचा प्रचारसभांचा धडाका

<p>तेलंगणातील भारत राष्ट्र समिती (Bharat Rashtra Samithi) सरकारने केवळ एकाच कुटुंबाचे भले केले. प्रचंड भ्रष्टाचारातून घर भरले आणि जनतेला वार्‍यावर सोडून दिले, अशी टीका महाराष्ट्राचे उपमुख्यमंत्री देवेंद्र फडणवीस यांनी केली. तेलंगण विधानसभेच्या प्रचाराचा आजचा शेवटचा दिवस होता. फडणवीस यांनी आज तेलंगणातील देवरकोंडा, पालाकुर्ती आणि नरसामपेट मतदारसंघात रोड शो आणि प्रचारसभांना संबोधित केले. यावेळी ते बोलत होते. (Devendra Fadnavis campaign for BJP in Telangana)</p>

<p>फडणवीस म्हणाले, 'तेलंगणाने भ्रष्टाचार, दुराचाराची १० वर्ष अनुभवली आहेत. तेलंगणाचे सरकार केवळ एका कुटुंबासाठी काम करते आहे. एका कुटुंबाला रोजगार मिळाला आणि त्यांचेच केवळ भले झाले. बीआरएस (Bharat Rashtra Samithi) आणि काँग्रेस (Congress) हे एकच आहेत. ते सोबत येऊन पंतप्रधान नरेंद्र मोदी यांना हरवू पाहत आहेत. त्यामुळे आता केवळ भाजपालाच निवडून द्या. भाजपा सत्तेत आल्यानंतर आतापर्यंतच्या सर्व घोटाळ्यांची चौकशी करुन दोषी आढळणार्‍यांना कठोर शिक्षा करण्यात येईल, असं फडणवीस म्हणाले. तेलंगणामध्ये भाजप सत्तेवर आल्यास ओबीसी समाजाच्या व्यक्तीला मुख्यमंत्री पद देण्यात येईल. धर्माच्या आधारावर देण्यात आलेले आरक्षण बंद करुन ते एससी, एसटी, ओबीसींना देण्यात येईल, असंही फडणवीस म्हणाले. घरात मुलीचा जन्म झाल्यानंतर ती २१ वर्षांची होताच तिला २ लाख रुपये देण्यात येईल तसेच गरिबांना आवास पट्टे देण्याचे आश्वासन फडणवीस यांनी या मतदारसंघातील मतदारांना दिले.</p>

<h2>तेलंगणाला पाणी महाराष्ट्राने दिले</h2><p>तेलंगणाला जेव्हा पाण्याची गरज होती, तेव्हा आम्ही पाणी दिले. मेडिगट्टा प्रकल्पाला मदत केली. पण, त्यातही प्रचंड भ्रष्टाचार करण्यात आला. तीनच वर्षांत मेडिगट्टा प्रकल्पाला तडे गेले. संपूर्ण पैसा तेलंगणाच्या मुख्यमंत्र्यांनी स्वत:च्या तिजोरीत टाकला, असा आरोप फडणवीस यांनी केला.</p>

<h2>चार राज्यात फडणवीस यांचा प्रचार सभांचा धडाका</h2><p>चार राज्यातील विधानसभा निवडणुकीदरम्यान राज्याचे उपमुख्यमंत्री देवेंद्र फडणवीस यांनी ९ दिवस विविध राज्यात प्रचार केला. १८ सप्टेंबर आणि १० तसेच १५ नोव्हेंबर या दरम्यान फडणवीस यांनी मध्यप्रदेशात धार, इंदूर, महू, बुरहानपूर, पांढुर्णा, सौंसर या ठिकाणी प्रचार सभा घेतल्या. ३० ऑक्टोबर रोजी छत्तीसगडच्या दौर्‍यावर असताना धमतरी, रायपूर येथे रोड शो आणि प्रचारसभा घेतल्या. १४ सप्टेंबर आणि २३ नोव्हेंबर रोजी राजस्थानच्या दौर्‍यावर असताना फडणवीस यांनी केसरी, नासिराबाद, किशनगड, अजमेर उत्तर, सांगानेर, आदर्शनगर येथे एकूण ७ सभा घेतल्या होत्या. तेलंगणात त्यांनी २१ आणि २८ नोव्हेंबर रोजी डोमलगौडा, हैदराबाद येथे रोड शो घेतले तसेच नरसामपेट, देवलकोंडा, पालाकुर्ती येथे सभा आणि रोडशो केले आहे.</p>

Saudi Arabia : सौदी अरेबियात परदेशी कामगारांसाठी ‘या’ नियमात बदल, भारतावर काय होणार परिणाम?

Saudi Arabia 

<p>Saudi Arabia : सौदी अरेबियात कामासाठी जाणाऱ्या लोकांना व्हिसा मिळवण्यात आता थोडी अडचण येणार आहे. सौदी सरकारने व्हिसा नियमात बदल केला आहे.</p>

Uttarkashi Tunnel: ४१ मजुरांना प्रत्येकी १ लाख रुपये अन् बोगद्याबाहेर बाबा बौख नाग देवतेचे मंदिर; मुख्यमंत्र्यांची घोषणा

पुष्कर धामी

<p>Uttarkashi Tunnel Rescue : मुख्यमंत्री धामी यांनी घोषणा केली की, बोगद्याच्या बाहेर बाबा बौख नाग देवतेचे मंदिर बांधले जाणार असून ४१ मजुरांना प्रत्येकी १ लाख रुपयांची मदत दिली जाणार आहे.</p>

Uttarkashi Tunnel Rescue : देशवासीयांचा सुटकेचा नि:श्वास..  अखेर ४१ कामगारांची सुटका, १७ व्या दिवशी बचाव पथकाला यश

Uttarkashi tunnel rescue

<p>Uttarkashi tunnel rescue : उत्तरकाशी बोगद्यात अडकलेल्या मजुरांची अखेर सुटका करण्यात आली. या बोगद्यात ४१ कामगार अडकले होते, त्यांची १७ दिवसांनी सुटका करण्यात आली</p>

Uttarkashi Tunnel: बोगद्यात अडकलेल्या कामगारांच्या घरात आज साजरी होणार दिवाळी! १७ दिवस अडकलेले ३-४ तासात येणार बाहेर

Uttarkashi Tunnel Rescue 

<p>Uttarkashi Tunnel Rescue : उत्तरकाशी बोगद्यात अडकलेल्या ४१ कामदारांचे बचावकार्य अंतिम टप्प्यात असून येत्या ३ ते ४ तासात कामगारांना बाहेर काढले जाणार आहे.</p>

<p>Devendra Fadnavis campaign in Telangana - राज्याचे उपमुख्यमंत्री देवेंद्र फडणवीस यांनी आज तेलंगणातील देवरकोंडा, पालाकुर्ती आणि नरसामपेट मतदारसंघात रोड शो आणि प्रचारसभांना संबोधित केले.&nbsp;</p>

Maharashtra Rain: अवकाळी पावसाने शेतकऱ्यांचे कंबरडे मोडले; तातडीने मदत करण्याची कॉंग्रेसची मागणी

<p>अस्मानी व सुलतानी संकटात सापडलेला राज्यातला शेतकरी सत्ताधारी भाजपा सरकारकडे मदतीसाठी याचना करत आहे. परंतु सरकारला शेतकऱ्यांचे दुःख दिसत नसल्याने त्याच्यावर स्वतःचे अवयव विकण्याची वेळ आली असल्याचं कॉंग्रेसचे प्रदेशाध्यक्ष नाना पटोले यांनी म्हटलं आहे. सरकारकडे जाहीरबाजी व इव्हेंटबाजीवर उधळपट्टी करण्यासाठी पैसे आहेत परंतु शेतकऱ्यांना द्यायला नाहीत का, असा सवाल कॉंग्रेसने विचारला आहे. काँग्रेस प्रदेशाध्यक्ष नाना पटोले यांच्या अध्यक्षतेखाली काँग्रेस पक्षाच्या लीडरशीप डेव्हलपमेंट मिशन अभियानाची बैठक आज पार पडली. या कार्यक्रमानंतर पटोले मुंबईत पत्रकारांशी बोलत होते.</p>

<p>ते पुढे म्हणाले, ‘मुंबईत सरकार दरबारात शेतकरी मदतीची वाट पहात आहेत. शेतकऱ्यांसाठी केंद्र सरकारकडे २५०० कोटी रुपयाची मागणी केली असल्याचं राज्याचे अर्थमंत्री अजित पवार यांनी सांगितले. परंतु सरकारकडे उधळपट्टी करण्यासाठी पैसे आहेत, शेतकऱ्यांना द्यायला नाही, असा आरोप पटोले यांनी केला. दुष्काळामुळे महाराष्ट्रात शेतकऱ्यांचे कंबरडे मोडले असताना गेले दोन दिवस राज्यात अवकाळी पाऊस पडत आहे. या पावसाने शेतकऱ्यांचे मोठे नुकसान केले आहे. यावर्षीचे दोन्ही हंगाम वाया गेल्याने शेतकरी पुरता हतबल झाला आहे. दुष्काळ जाहीर करण्यातही भाजपा सरकार राजकारण करत असल्याचा आरोप पटोले यांनी केला.</p>

<p>संकटात सापडलेल्या शेतकऱ्याला भरीव मदत देऊन सरकारने त्यांना संकटातून बाहेर काढले पाहिजे. परंतु शेतकऱ्याला मदत करतानाच सरकार हात आखडता घेत असल्याचं पटोले म्हणाले.</p>

<h2>भाजपा सरकार हे शेतकरीविरोधी सरकारः पटोले</h2><p>सत्ताधारी भाजपा सरकार हे शेतकरीविरोधी सरकार असून या सरकारला नागपूर हिवाळी अधिवेशनात जाब विचारून शेतकऱ्यांना मदत देण्यासाठी काँग्रेस पक्षातर्फे पाठपुरावा केला जाईल. त्यामुळे राज्यातील शेतकऱ्यांनी कोणतेही टोकाचे पाऊल उचलू नये असे आवाहन पटोले यांनी केले आहे.</p>

<h2>राज्यात मराठा-ओबीसी वादाला सरकारचे खतपाणी</h2><p>मराठा आरक्षणाचा प्रश्न सरकारला सोपा वाटतो काय, असा प्रश्न उपस्थित करत मराठा-ओबीसी वादाला सरकार जाणीवपूर्वक खतपाणी घालत असल्याता आरोप पटोले यांनी केला. मराठा-ओबीसी वाद पुढच्या पिढ्यांसाठीही घातक ठरणारा असून भाजपा सरकारने आरक्षणप्रश्नी स्पष्ट व ठोस भूमिका घ्यावी तसेच जातनिहाय जनगणना करावी, असं पटोले म्हणाले.</p>

<p>Maharashtra Rain: अवकाळी पावसामुळे महाराष्ट्रात अनेक जिल्ह्यात शेतकऱ्यांचे नुकसान झाले आहे. सरकारने शेतकऱ्यांना तातडीने मदत करण्याची मागणी कॉंग्रेस पक्षाने केली आहे.</p>

Wildlife Photo : निष्णात हार्ट सर्जनच्या कॅमेऱ्याने टिपली जंगलाची स्पंदनं

मुंबईत जहांगीर आर्ट गॅलरी येथे हृदय शल्यचिकित्सक डॉ. रमाकांत पांडा यांच्या ‘हार्टबिट्स’ या वाईल्डलाईफ फोटोग्राफीचे प्रदर्शन आयोजित करण्यात आले आहे.

डॉ. रमाकांत पांडा यांच्या छायाचित्रांचे जहांगीर कला दालनात हार्टबीट्स प्रदर्शन

पाणवठ्यावर आलेल्या प्राण्यांचे देखणे फोटो प्रदर्शनात मांडले आहेत. 

मुंबईच्या एशियन हार्ट इन्स्टिट्यूटच्या माध्यमातून ‘द एशियन वाइल्डलाइफ ट्रस्ट’ उभारण्यात आला आहे.

डॉ. रमाकांत पांडा हे मुंबई शहरातील निष्णात हार्ट सर्जन आहेत.

मुंबईत जहांगीर आर्ट गॅलरी येथे प्रसिद्ध हृदय शल्यचिकित्सक डॉ. रमाकांत पांडा यांनी कॅमेऱ्यातून टिपलेल्या जंगली प्राणी आणि पक्ष्यांचे ‘हार्टबिट्स’ या वाईल्डलाईफ फोटोग्राफीचे प्रदर्शन आयोजित करण्यात आले आहे. या प्रदर्शनाचे उदघाटन माजी मुख्यमंत्री उद्धव ठाकरे यांच्या हस्ते करण्यात आले होते.

Mahaparinirvan Diwas: महापरिनिर्वाण दिनासाठी रेल्वेच्या १४ विशेष गाड्या धावणार

<p>महापरिनिर्वाण दिनानिमित्त मुंबईत चैत्यभूमीवर भारतरत्न डॉ बाबासाहेब आंबेडकर यांना आदरांजली अर्पण करण्यासाठी देशभरातून लाखो लोक येत असतात. या दिवशी प्रवाशांची होणारी अतिरिक्त गर्दी लक्षात घेऊन मध्य रेल्वे १४ अनारक्षित विशेष गाड्या चालवणार आहे. डॉ. बाबासाहेब आंबेडकर यांचा महापरिनिर्वाण दिवस ६ डिसेंबर २०२३ रोजी आहे. या दिवसासाठी नागपूर ते छत्रपती शिवाजी महाराज टर्मिनस, मुंबईदरम्यान ३ विशेष ट्रेन चालवण्यात येणार आहेत. छत्रपती शिवाजी महाराज टर्मिनस मुंबई/दादर ते सेवाग्राम/अजनी/नागपूरदरम्यान ६ विशेष ट्रेन चालवण्यात येणार आहेत. कर्नाटकातील कलबुर्गी आणि छत्रपती शिवाजी महाराज टर्मिनस, मुंबई दरम्यान दोन विशेष चालवण्यात येतील. सोलापूर ते छत्रपती शिवाजी महाराज टर्मिनस, मुंबई दरम्यान दोन विशेष ट्रेन चालवण्यात येणार आहेत. तसेच नागपुरातील अजनी स्टेशन ते छत्रपती शिवाजी महाराज टर्मिनस, मुंबई दरम्यान १ विशेष ट्रेन चालविण्यात येईल, अशी माहिती मध्य रेल्वेकडून देण्यात आली आहे.</p>

<h2>विशेष गाड्यांचा तपशील खालीलप्रमाणे</h2><h2>(अ) नागपूर- मुंबई अनारक्षित विशेष (३)</h2><p>१. विशेष ट्रेन (क्रमांक ०१२६२) नागपूर येथून ४ डिसेंबर २०२३ रोजी रात्री ११.५५ वाजता सुटेल आणि छत्रपती शिवाजी महाराज टर्मिनस, मुंबई येथे दुसऱ्या दिवशी दुपारी ३.३० वाजता पोहोचेल.</p>

<p>२. विशेष ट्रेन (क्रमांक ०१२६४) दिनांक ५ डिसेंबर २०२३ रोजी नागपूर येथून सकाळी ०८.०० वाजता सुटेल आणि छत्रपती शिवाजी महाराज टर्मिनस, मुंबई येथे त्याच दिवशी रात्री ११.४५ वाजता पोहोचेल.</p>

<p>३. विशेष ट्रेन (क्रमांक ०१२६६) दिनांक ५ डिसेंबर २०२३ रोजी नागपूर येथून दुपारी ३.५० वाजता सुटेल आणि छत्रपती शिवाजी महाराज टर्मिनस मुंबई येथे दुसऱ्या दिवशी सकाळी १०.५५ वाजता पोहोचेल.</p>

<p>या रेल्वे गाडीचे थांबे: नागपूर, अजनी, सेवाग्राम, वर्धा, पुलगाव, धामणगाव, बडनेरा, मुर्तिजापूर, अकोला, जलंब, मलकापूर, भुसावळ, जळगाव, चाळीसगाव, मनमाड, नाशिक रोड, इगतपुरी, कसारा, कल्याण, दादर आणि छत्रपती शिवाजी महाराज टर्मिनस मुंबई.</p>

<p>गाडीची संरचना:</p>

<p>विशेष ट्रेन क्रमांक ०१२६२ - १६ सामान्य द्वितीय श्रेणीचे डबे</p>

<p>विशेष ट्रेन क्रमांक ०१२६४ आणि ०१२६६ - १२ सामान्य द्वितीय श्रेणीचे डबे</p>

<h2>(ब) मुंबई/दादर ते सेवाग्राम/अजनी/नागपूर अनारक्षित विशेष (६)</h2><p>१. विशेष ट्रेन (क्रमांक ०१२४९) दिनांक ६ डिसेंबर २०२३ रोजी दुपारी ४.४५ वाजता छत्रपती शिवाजी महाराज टर्मिनस, मुंबई येथून सुटेल आणि दुसऱ्या दिवशी सकाळी ०९.३० वाजता नागपूर येथील अजनी स्टेशन येथे पोहोचेल.</p>

<p>२. विशेष ट्रेन (क्रमांक ०१२५१) दिनांक ६ डिसेंबर २०२३ रोजी संध्याकाळी ६.३५ वाजता छत्रपती शिवाजी महाराज टर्मिनस, मुंबई येथून सुटेल आणि दुसऱ्या दिवशी सकाळी १०.३० वाजता सेवाग्राम येथे पोहोचेल.</p>

<p>३. विशेष ट्रेन (क्रमांक ०१२५३० दिनांक ७ डिसेंबर २०२३ रोजी (६ व ७ डिसेंबर २०२३ च्या मध्यरात्री) दादर, मुंबई येथून मध्यरात्री १२.४० वाजता सुटेल आणि अजनी येथे त्याच दिवशी दुपारी ३.५५ वाजता पोहोचेल.</p>

<p>४. विशेष ट्रेन (क्रमांक ०१२५५) दिनांक ७ डिसेंबर २०२३ रोजी १२.३५ वाजता छत्रपती शिवाजी महाराज टर्मिनस मुंबई येथून सुटेल आणि नागपूर येथे दुसऱ्या दिवशी ०३.०० वाजता पोहोचेल.</p>

<p>५. विशेष गाडी (क्रमांक ०१२५७) दिनांक ८ डिसेंबर २०२३ रोजी संध्याकाळी ६.३५ वाजता छत्रपती शिवाजी महाराज टर्मिनस, मुंबई येथून सुटेल आणि नागपूर येथे दुसऱ्या दिवशी दुपारी १२.१० वाजता पोहोचेल.</p>

<p>६. विशेष ट्रेन (क्रमांक ०१२५९) दिनांक ८ डिसेंबर २०२३ रोजी (७ व ८ डिसेंबर २०२३ च्या मध्यरात्री) दादर येथून मध्यरात्री १२.४० सुटेल आणि अजनी येथे त्याच दिवशी दुपारी ३.५५ वाजता पोहोचेल.</p>

<p>या गाडीचे थांबे: छत्रपती शिवाजी महाराज टर्मिनस मुंबई, दादर, कल्याण, कसारा, इगतपुरी, नाशिक रोड, मनमाड, चाळीसगाव, जळगाव, भुसावळ, मलकापूर, जलंब, अकोला, मूर्तिजापूर, बडनेरा, धामणगाव, पुलगाव, वर्धा, सेवाग्राम, अजनी आणि नागपूर.</p>

<p>विशेष ट्रेन क्रमांक ०१२४९, ०१२५५, ०१२५७ आणि ०१२५९ या विशेष ट्रेनला १६ सामान्य द्वितीय श्रेणीचे डबे असतील.</p>

<p>विशेष ट्रेन क्रमांक ०१२५१ आणि ०१२५३ - १२ सामान्य द्वितीय श्रेणीचे डबे</p>

<h2>(क) कलबुर्गी ते मुंबई अनारक्षित विशेष (२)</h2><p>१. विशेष ट्रेन (क्रमांक ०१२४५) कर्नाटकातील कलबुर्गी येथून दिनांक ५ डिसेंबर २०२३ रोजी संध्याकाळी ६.३० वाजता सुटेल आणि छत्रपती शिवाजी महाराज टर्मिनस, मुंबई येथे दुसऱ्या दिवशी सकाळी ८.२० वाजता पोहोचेल.</p>

<p>२. विशेष ट्रेन (क्रमांक ०१२४६) दिनांक ७ डिसेंबर २०२३ रोजी (६ व ७ डिसेंबर २०२३ च्या मध्यरात्री) १२.२५ वाजता छत्रपती शिवाजी महाराज टर्मिनस, मुंबई येथून सुटेल आणि कलबुर्गी येथे त्याच दिवशी सकाळी ११.३० वाजता पोहोचेल.</p>

<p>या गाडीचे थांबे: कलबुर्गी, गंगापूर रोड, अक्कलकोट रोड, सोलापूर, कुर्डूवाडी, दौंड, पुणे, लोणावळा, कल्याण, दादर आणि छत्रपती शिवाजी महाराज टर्मिनस मुंबई.</p>

<p>संरचना: ८ सामान्य द्वितीय श्रेणी</p>

<h2>(ड) सोलापूर-मुंबई अनारक्षित विशेष (२)</h2><p>१. विशेष ट्रेन क्रमांक ०१२४७</p>

<p>हा ट्रेन दिनांक ५ डिसेंबर २०२३ रोजी रात्री १०.२० वाजता सोलापूर येथून सुटेल आणि छत्रपती शिवाजी महाराज टर्मिनस, मुंबई येथे दुसऱ्या दिवशी सकाळी ०८.२० वाजता पोहोचेल.</p>

<p>२. विशेष ट्रेन (क्रमांक ०१२४८) दिनांक ७ डिसेंबर २०२३ रोजी (६ व ७डिसेंबरच्या मध्यरात्री) १२.२५ वाजता छत्रपती शिवाजी महाराज टर्मिनस, मुंबईहून सुटेल आणि सोलापूर येथे त्याच दिवशी सकाळी ०९.०० वाजता पोहोचेल.</p>

<p>या गाडीचे थांबे: सोलापूर, कुर्डूवाडी, दौंड, पुणे, लोणावळा, कल्याण, दादर आणि छत्रपती शिवाजी महाराज टर्मिनस मुंबई.</p>

<p>संरचना: ९ सामान्य द्वितीय श्रेणी.</p>

<h2>(इ) अजनी-मुंबई वन-वे सुपरफास्ट अनारक्षित विशेष (१)</h2><p>१. सुपरफास्ट स्पेशल ट्रेन क्रमांक ०२०४० अजनी येथून दिनांक ७ डिसेंबर २०२३ रोजी दुपारी १.३० वाजता सुटेल आणि छत्रपती शिवाजी महाराज टर्मिनस मुंबई येथे दुसऱ्या दिवशी दुपारी ४.१० वाजता पोहोचेल.</p>

<p>या गाडीचे थांबे: अजनी, वर्धा, पुलगाव, धामणगाव, बडनेरा, अकोला, शेगाव, मलकापूर, भुसावळ, नाशिक रोड, इगतपुरी, कल्याण, दादर आणि छत्रपती शिवाजी महाराज टर्मिनस मुंबई.</p>

<p>संरचना: १६ सामान्य द्वितीय श्रेणी.</p>

<p>मध्य रेल्वेने दिनांक ६ डिसेंबर २०२३ रोजी सुरू होणार्‍या ट्रेन क्रमांक ११४०१ छत्रपती शिवाजी महाराज टर्मिनस मुंबई -आदिलाबाद एक्स्प्रेसचा प्रवास महापरिनिर्वाण दिनानिमित्त प्रवास करणार्‍या प्रवाशांच्या फायद्यासाठी १ सामान्य द्वितीय श्रेणी कोचसह वाढवण्याचा निर्णय घेतला आहे.</p>

<p>प्रवासादरम्यान कोणतीही गैरसोय होऊ नये यासाठी प्रवाशांनी वैध तिकीट घेऊन प्रवास करण्याचे आवाहन रेल्वे प्रशासनाकडून करण्यात आले आहे.</p>

<p>Mahaparinirvan Diwas : महापरिनिर्वाण दिनानिमित्त प्रवाशांची होणारी अतिरिक्त गर्दी लक्षात घेऊन मध्य रेल्वे १४ अनारक्षित विशेष गाड्या चालवणार आहे.</p>

Israel-Hamas War: गाझामध्ये ४ दिवस युद्धविराम; ५० इस्त्रायली ओलिसांना सोडण्यास हमास तयार

A four-day truce in the Israel-Hamas war, brokered by Qatar, took effect early Friday, marking the first break in a conflict that began on October 7. 

युद्धविरामदरम्यान हमास टप्याटप्यात ५० इस्त्रायली ओलिसांची सुटका करणार आहे. 

‘हमास’ने ७ ऑक्टोबर रोजी इस्त्रायलवर केलेल्या हल्ल्यानंतर २४० इस्त्रायली नागरिकांना पकडून ओलिस ठेवले आहे.

ओलिसांच्या सुटकेच्या पहिल्या टप्यात हमासकडून १३ इस्त्रायली ओलिस महिला आणि एक लहान मुला सोडण्यात येणार आहे, अशी माहिती कतरच्या परराष्ट्र खात्याचे प्रवक्ते माजिद अल अंसारी यांनी दिली.

हमास आणि इस्त्रायलकडून सर्वप्रथम महिला आणि लहान मुलांची सुटका करण्यात येणार आहे. 

Israel-Hamas War - इस्त्रायल आणि हमासदरम्यान गाझा पट्टीत सुरु असलेलं युद्ध चार दिवस थांबविण्याबाबत दोन्ही पक्षांत समझोता झाला आहे. आज, शुक्रवारपासून पुढील चार दिवस युद्ध थांबवण्यात येणार असून यादरम्यान इस्त्रायल आणि हमास त्यांच्याकडे असलेल्या ओलिसांची सुटका करणार आहे.

Photos : मुंबईकरांना दिलासा; लोअर परळचा वादग्रस्त डिलाइल पूल वाहनांसाठी अखेर खुला!

मुंबईतील लोअर परळ भागातील ना. म. जोशी मार्ग आणि गणपतराव कदम मार्गावरील डिलाईल पूल अखेर वाहन चालकांसाठी खुला करण्यात आला.

शिवसेनेचे वरळीचे आमदार आदित्य ठाकरे यांनी १६ नोव्हेंबर रोजी रात्री स्वतः या पुलाचे उदघाटन केल्याचे जाहीर केले होते. 

मुंबईतील लोअर परळ येथील डिलाइल रोडवरील पुलाच्या उदघाटनाचा कार्यक्रम गेल्या दोन वर्षात पाच वेळा पुढे ढकलण्यात आला होता. 

उत्तर मुंबईतून दक्षिण मुंबईत जाण्यासाठी अत्यंत महत्वाचा दुवा असलेला हा पूल २०१८ सालापासून दुरूस्तीसाठी बंद ठेवण्यात आला होता.

Delisle Bridge opened - दक्षिण मुंबईला जोडणारा लोअर परळस्थित डिलाइन पूल वाहनचालकांसाठी खुला करण्यात आल्याने मुंबईकरांना दिलासा मिळाला आहे.

भाजपकडून समाजात फूट पाडण्याचं काम सुरू: मल्लिकार्जुन खर्गे

<p>भारतीय जनता पक्ष समाजात ध्रुवीकरण निर्माण करत असून तुष्टीकरणाचे राजकारण करत असल्याचा आरोप कॉंग्रेस पक्षाचे राष्ट्रीय अध्यक्ष मल्लिकार्जुन खर्गे यांनी गुरुवारी केला. काँग्रेस पक्ष देशात सातत्याने धर्मनिरपेक्षतेचे समर्थन करत असल्याचं खार्गे यांनी सांगितलं. कॉंग्रेस पक्षाचे राष्ट्रीय सरचिटणीस, माजी राज्यसभा खासदार अविनाश पांडे यांच्या मुलाच्या लग्नात उपस्थित राहण्यासाठी खर्गे आज नागपुरात दाखल झाले. यावेळी नागपूर विमानतळावर ते पत्रकारांशी बोलत होते. काँग्रेस पक्ष केंद्रात सत्तेवर आल्यास देशात तातडीने जात जनगणना करण्याचा निर्णय घेण्यात येईल, असंही ते म्हणाले.</p>

<p>यावेळी बोलताना खर्गे म्हणाले, ‘बिहारमध्ये अलीकडे करण्यात आलेल्या जात सर्वेक्षणात अत्यंत मागास वर्ग (EBCs) आणि इतर मागास वर्ग (OBCs) मिळून राज्याच्या एकूण १३ कोटी लोकसंख्येपैकी जवळजवळ ६३ टक्के असल्याचे दिसून आले आहे. त्यामुळे ईबीसी आणि ओबीसी हा सर्वात मोठा जात समूह बनला आहे.’ असं खर्गे यांनी सांगितलं. 'सत्तेत आल्यानंतर देशात जातनिहाय जनगणना करण्यासाठी कॉंग्रेस पक्ष कटिबद्ध असल्याचं खर्गे म्हणाले.&nbsp;</p>

<p>राहुल गांधी यांच्या भारत जोडो यात्रेचा संदर्भ देत खर्गे म्हणाले, 'कॉंग्रेस आणि भाजपच्या दृष्टिकोनात फरक आहे. भाजप धार्मिक फूट पाडून तुष्टीकरण करण्याचं राजकारण करतात तर आम्ही धर्मनिरपेक्षतेचे रक्षण करतो, असं ते म्हणाले.&nbsp;</p>

<p>राहुल गांधी थेट निवडणूक आयोगाला उत्तर देतील</p>

<p>राजस्थानमध्ये एका निवडणूक प्रचारसभेत पंतप्रधान नरेंद्र मोदी यांचा ‘पनौती’ म्हणून उल्लेख केल्याबद्दल भाजपने राहुल गांधी यांच्या विरोधात निवडणूक आयोगाकडे तक्रार दाखल केली आहे. याबद्दल पत्रकारांनी खर्गे यांना प्रश्न विचारला. दरम्यान, राहुल गांधी थेट निवडणूक आयोगाला उत्तर देतील, असं खर्गे म्हणाले.</p>

<h2>नागपुरात लग्नाला नेत्यांची मांदियाळी</h2><p>नागपूर शहरात अविनाश पांडे यांच्या मुलगा गौरांग पांडे यांच्या लग्नासाठी कॉंग्रेस राष्ट्रीय अध्यक्ष मल्लिकार्जुन खर्गे यांच्यासोबत झारखंडचे मुख्यमंत्री हेमंत सोरेन, राज्याचे माजी मुख्यमंत्री अशोक चव्हाण आणि अनेक नेते उपस्थित होते. अविनाश पांडे हे राहुल गांधी यांच्या जवळचे नेते मानले जातात.</p>

<ul><li>भारतीय जनता पक्ष समाजात ध्रुवीकरण निर्माण करत असून तुष्टीकरणाचे राजकारण करत असल्याचा आरोप कॉंग्रेस पक्षाचे राष्ट्रीय अध्यक्ष मल्लिकार्जुन खर्गे यांनी गुरुवारी केला.</li></ul>

Photo : देवेंद्र फडणवीस आणि अमृता फडणवीस यांनी केली विठुराया आणि रखुमाईची पूजा

कार्तिकी एकादशीनिमित्त उपमुख्यमंत्री देवेंद्र फडणवीस आणि अमृता फडणवीस यांनी पंढरपूर येथे श्री विठुराया आणि रखुमाईची पूजा केली. 

पंढरपुरात श्री विठ्ठल-रुक्मिणी मुख्य मंदिर व संकुल जतन तसेच दुरुस्ती व संवर्धन प्रकल्प कामाचे भूमिपूजन

बबन विठोबा घुगे व सौ. वत्सला घुगे या वारकरी दांपत्याला पुजेचा मान 

देवेंद्र फडणवीस यांनी त्यांच्या कुटुंबीयांचे कुलदैवत श्री लक्ष्मी नृसिंह देवस्थान, नीरा-नरसिंहपूर येथे जाऊन सपत्नीक श्री लक्ष्मी नृसिंहाचे दर्शन घेऊन अभिषेक केले.

Kartiki Ekadashi Pooja - उपमुख्यमंत्री देवेंद्र फडणवीस आणि त्यांची पत्नी अमृता फडणवीस यांनी आज कार्तिकी एकादशीनिमित्त पंढरपुरात जाऊन विठुराया आणि रखुमाईची पूजा केली.

Special Train : दिवाळीनंतर तुफान गर्दी… नागपूरहून मुंबई, पुणे प्रवासासाठी ‘या’ स्पेशल ट्रेन पकडा

<p>दिवाळीच्या सुट्ट्या संपत आल्याने मुंबई, पुण्याहून आपआपल्या गावी उत्सव साजरा करण्यासाठी आलेले नागरिक मोठ्या प्रमाणावर मुंबई आणि पुणे येथे परतण्यास सुरूवात झाली आहे. नागरिकांची एकदम गर्दी वाढल्याने सर्व ट्रेन गाड्या फुल्ल झाल्या आहेत. परिणामी ऐन वेळी प्रवास करण्यासाठी रेल्वे गाडीचे तिकीट उपलब्ध नसल्याचे चित्र आहे. अशातच खासगी ट्रॅव्हल बसने प्रवास करण्याकडे लोकांचा कल दिसतो आहे. परंतु ट्रॅव्हल गाड्याही फुल्ल आहेत. अशावेळी प्रवाशांच्या सुविधेसाठी मध्य रेल्वेने विशेष रेल्वे गाड्यांच्या एकूण ६० फेऱ्या वाढवण्याचा निर्णय घेतला आहे. या विशेष रेल्वे गाड्यांद्वारे गावी अडकलेल्या प्रवाशांना आता मुंबई आणि पुण्याला जाणे सोपे होणार आहे. या गाड्या खालीलप्रमाणेः</p>

<h2>नागपूर - मुंबई स्पेशल ट्रेन</h2><p>छत्रपती शिवाजी महाराज टर्मिनस, मुंबई ते नागपूर (ट्रेन क्र.०२१३९) ही आठवड्यातून दोन दिवस धावणारी विशेष रेल्वे गाडी आता २८ डिसेंबर २०२३ पर्यंत वाढवण्यात आली आहे.</p>

<p>तर नागपूर ते छत्रपती शिवाजी महाराज टर्मिनस, मुंबई (ट्रेन क्रमांक ०२१४०) ही आठवड्यातून दोन दिवस धावणारी विशेष रेल्वेगाडी ३० डिसेंबर २०२३ पर्यंत वाढवण्यात आली आहे. या गाडीला चाळीसगाव आणि जळगाव येथे अतिरिक्त थांबे देण्यात आले आहे.</p>

<h2>नागपूर - पुणे स्पेशल ट्रेन</h2><p>नागपूर ते पुणे (ट्रेन क्र. ०२१४४) ही आठवड्यातून एक दिवस धावणारी विशेष ट्रेन आता २८ डिसेंबर २०२३ पर्यंत वाढवण्यात आली आहे.</p>

<p>पुणे ते नागपूर (ट्रेन क्रमांक ०२१४३) ही आठवड्यातून एक दिवस धावणारी विशेष ट्रेन २९ डिसेंबर २०२३ पर्यंत वाढवण्यात आली आहे.</p>

<h2>चंद्रपूर मुंबई स्पेशल ट्रेन</h2><p>लोकमान्य टिळक टर्मिनस, मुंबई ते बल्हारशाह (ट्रेन क्रमांक ०११२७) ही साप्ताहिक विशेष ट्रेन आता २६ डिसेंबर २०२३ पर्यंत वाढवण्यात आली आहे.</p>

<p>तर, बलहारशाह ते लोकमान्य टिळक टर्मिनस, मुंबई (ट्रेन क्रमांक ०११२८) ही साप्ताहिक विशेष ट्रेन आता २७ डिसेंबर २०२३ पर्यंत धावण्यासाठी वाढविण्यात आली आहे.</p>

<h2>अमरावती - पुणे स्पेशल ट्रेन</h2><p>पुणे ते अमरावती (ट्रेन क्र. ०१४३९) ही आठवड्यातून दोन वेळा धावणारी विशेष ट्रेन ३१ डिसेंबर २०२३ पर्यंत वाढविण्यात आली आहे.</p>

<p>तर, अमरावती ते पुणे (गाडी क्रमांक ०१४४०) ही आठवड्यातून दोन वेळा धावणारी स्पेशल ट्रेन आता १ जानेवारी २०२४ पर्यंत वाढविण्यात आली आहे.</p>

<p>वर नमूद केलेल्या गाड्यांच्या वेळा, संरचना आणि थांब्यांमध्ये कोणताही बदल झालेला नसल्याचे रेल्वेकडून सांगण्यात आले आहे.</p>

<h2>स्पेशल ट्रेनचे आरक्षण कसे कराल</h2><p>विशेष ट्रेन क्रमांक ०२१३९/०२१४० च्या सर्व विस्तारित सेवांचे विशेष शुल्कासह बुकिंग त्वरित उघडले जाणार आहे. विशेष ट्रेन क्रमांक ०२१४४/०२१४३, ०११२७/०११२८ आणि ०१४३९/०१४४० विशेष शुल्कासह २३ नोव्हेंबर २०२३ रोजी सर्व संगणकीकृत केंद्रावर आणि www.irctc.co.in या संकेतस्थळावर उघडतील, अशी माहिती रेल्वेकडून देण्यात आली आहे.</p>

<p>Special trains - नागपूर ते मुंबई आणि पुणे दरम्यान प्रवाशांच्या सुविधेसाठी मध्य रेल्वेने विशेष रेल्वे गाड्यांच्या एकूण ६० फेऱ्या वाढवण्याचा निर्णय घेतला आहे.</p>

Haaris Rahim Shaikh