Loksabha Explainer: महाराष्ट्रात लोकसभेच्या 'या' ५ जागांवर उद्या मतदान; पाचही जागांच्या लढतींची संपूर्ण माहिती
- लोकसभा निवडणुकीच्या पहिल्या टप्प्यात महाराष्ट्रात विदर्भातील नागपूर, भंडारा-गोंदिया, रामटेक, गडचिरोली-चिमूर आणि चंद्रपूर-वणी या पाच जागांवर १९ एप्रिल रोजी मतदान होतय.
- लोकसभा निवडणुकीच्या पहिल्या टप्प्यात महाराष्ट्रात विदर्भातील नागपूर, भंडारा-गोंदिया, रामटेक, गडचिरोली-चिमूर आणि चंद्रपूर-वणी या पाच जागांवर १९ एप्रिल रोजी मतदान होतय.
(1 / 5)
नागपूरमध्ये केंद्रीय मंत्री, विद्यमान भाजप खासदार नितीन गडकरी यांची लढत कॉंग्रेस उमेदवार विकास ठाकरे यांच्यात होत आहे. विदर्भाच्या तडपत्या उन्हात गडकरी आणि ठाकरे या दोन्ही उमेदवारांनी मतदारसंघ पिंजून काढला होता. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी नागपुरात येऊन गडकरींच्या प्रचारात सहभाग घेतला होता. दरम्यान, विकास ठाकरे यांना वंचित बहुजन आघाडीने पाठिंबा जाहीर केला आहे.
(2 / 5)
२०१९ साली मोदी लाट असताना देखील महाराष्ट्रात केवळ चंद्रपूर लोकसभेची एकमेव जागा कॉंग्रेस पक्षाने जिंकली होती. कॉंग्रेस खासदार बाळू धानोरकर यांच्या निधनानंतर त्यांची पत्नी प्रतिभा धानोरकर यांना पक्षाने उमेदवारी दिली आहे. तर भाजपने राज्याचे वन व सांस्कृतिक कार्य मंत्री सुधीर मुनगंटीवार यांना रिंगणात उतरवले आहे. भाजपसाठी ही जागा प्रतिष्ठेची असून पंतप्रधान नरेंद्र मोदी यांनी मुनगंटीवार यांच्यासाठी प्रचारसभा घेतली होती.
(3 / 5)
भंडारा - गोंदिया लोकसभा मतदारसंघात भाजपचे सुनील मेंढे विरुद्ध कॉंग्रेसचे प्रशांत पडोळे यांच्यात लढत होत आहे. मेंढे हे आरएसएस संघटनेशी निगडीत असल्याने भाजपच्या संपूर्ण यंत्रणेद्वारे शिस्तबद्ध पद्धतीने प्रचार करण्यात आला. गोंदिया हा राष्ट्रवादी कॉंग्रेसचे नेते प्रफुल्ल पटेल यांचा गढ मानला जातो. आता पटेल हे महायुतीत गेल्याने त्याचा फायदा भाजपला होऊ शकतो. दरम्यान. प्रशांत पडोळे यांच्यासाठी कॉंग्रेस नेते राहुल गांधी यांनी मतदारसंघात येऊन प्रचारसभा घेतली होती. जिल्ह्याच्या काही भागात नक्षलवाद्यांच्या कारवाया पाहता सुरक्षेच्या दृष्टीने राज्य राखीव, केंद्रीय राखीव दलाच्या तीन तुकड्या आणि कृती दलाचे पथक सज्ज ठेवण्यात आले आहेत.
(4 / 5)
नागपूर शहराला लागूनसलेल्या रामटेक मतदारसंघात कॉंग्रेसमधून शिवसेना (शिंदे गटात) गेलेले आमदार राजू पारवे यांची शाम बर्वे (कॉंग्रेस) यांच्याशी थेट लढत आहे. या मतदारसंघातून कॉंग्रेसने रश्मी बर्वे यांना उमेदवारी दिली होती. परंतु त्यांचे जातप्रमाणपत्र अमान्य झाल्याने त्यांचे पती शाम बर्वे रिंगणात आहेत. रामटेकमध्ये पंतप्रधान नरेंद्र मोदी, मुख्यमंत्री एकनाथ शिंदे, अभिनेता गोविंदा याने पारवे यांच्यासाठी प्रचारसभा घेतल्या. दरम्यान, कॉंग्रेसकडून विद्यार्थी नेता कन्हैय्या कुमार, 'आप'चे खासदार संजय सिंह, कॉंग्रेस नेते, माजी मंत्री सुनील केदार, प्रदेशाध्यक्ष नाना पटोले यांनी बर्वे यांच्यासाठी प्रचार केला.
(5 / 5)
गडचिरोली-चिमूर (एसटी राखीव) मतदारसंघात भाजपचे विद्यमान खासदार अशोक नेते आणि कॉंग्रेस उमेदवार डॉ. नामदेव किरसान यांच्यात थेट लढत होत आहे. नेते यांच्यासाठी मुख्यमंत्री एकनाथ शिंदे उपमुख्यमंत्री शिंदे यांनी प्रचार केला. तर किरसान यांच्यासाठी विजय वडेट्टीवार यांनी संपूर्ण मतदारसंघाचा दौरा केला होता. शिवाय बाळासाहेब थोरात, नाना पटोले या कॉंग्रेस नेत्यांनी सभा घेतल्या.
इतर गॅलरीज