आयपीएलचा इतिहास

आयपीएल स्पर्धा आणि त्याच्याशी संबंधित प्रत्येक गोष्टीबद्दल भारतीय क्रिकेटप्रेमींमध्ये प्रचंड क्रेझ असते. त्यामुळंच फ्रँचायझी आपापले संघ मजबूत करण्याच्या प्रयत्नात असतात. त्यासाठी दरवर्षी खेळाडूंचे लिलाव होतात. आयपीएलमधील खेळाडू व त्यांच्या आंतरराष्ट्रीय संघांचा भविष्यातील कृती आराखडा ठरवण्यासाठी प्रत्येक वर्षी अनेक गोष्टी केल्या जातात. मागील १५ वर्षांच्या इतिहासावर नजर टाकल्यास मुंबई इंडियन्स ही आयपीएल इतिहासातील सर्वात यशस्वी फ्रँचायझी ठरली आहे. या संघानं पाच वेळा विजेतेपद पटकावलं आहे. त्यामुळं मुंबई इंडियन्सचा कर्णधार रोहित शर्मा हा लीगमधील सर्वात यशस्वी कर्णधार ठरला आहे. त्याच्या पाठोपाठ महेंद्रसिंह धोनीचा नंबर लागतो. धोनीनं आपल्या चेन्नई सुपरकिंग्स या संघाला चार वेळा आयपीएलचं विजेतेपद मिळवून दिलंय. कोलकाता नाईट रायडर्सनं एकदा ही ट्रॉफी जिंकलीय, तर सनरायझर्स हैदराबाद, राजस्थान रॉयल्स आणि गुजरात टायटन्सनं प्रत्येकी एक वेळा विजेतेपदावर नाव कोरलंय. दिल्ली कॅपिटल्स, रॉयल चॅलेंजर्स बंगळुरू आणि पंजाब किंग्स यांना एकदाही यशाची चव चाखता आलेली नाही.