KKR vs PBKS: पंजाब किंग्जची टी-२० क्रिकेटच्या इतिहासात नोंद; केकेआरविरुद्धच्या सामन्यात पाडला विक्रमांचा पाऊस
Punjab Kings Create History: पंजाब किंग्जने शुक्रवारी आयपीएल २०२४ मधील विक्रमी लक्ष्य गाठत कोलकाता नाईट रायडर्सवर विजय मिळवला
IPL 2024: पंजाब किंग्जने (Punjab Kings) शुक्रवारी टी-२० च्या इतिहासात आपले नाव कोरले आणि सर्वात छोट्या फॉरमॅटमध्ये सर्वात मोठे लक्ष्य गाठले. कोलकाता नाईट रायडर्सविरुद्ध (KKR) त्यांनी २६२ धावांचे आव्हान सहज पार करत आठ विकेट्स राखून दणदणीत विजय मिळवला.
सलामीवीर जॉनी बेअरस्टोच्या धडाकेबाज खेळीच्या जोरावर पंजाब किंग्जसंघाने ईडन गार्डन्सवर अप्रतिम कामगिरी करत आपल्या विस्फोटक फलंदाजीचे दर्शन घडवले. आठ चौकार आणि नऊ षटकारांसह बेअरस्टोच्या खेळीमुळे पीबीकेएसला विजयासाठी आवश्यक प्रेरणा मिळाली आणि प्रभावपटू प्रभसिमरन सिंगनेही २० चेंडूत ५४ धावांची धडाकेबाज खेळी करत संघाच्या विजयाचा पाया रचला. संघाची २ बाद २६२ धावांची मोठी धावसंख्या ही आयपीएलमधील त्यांची सर्वोच्च खेळी आहे.
केकेआरविरुद्धच्या विजयासह पंजाब किंग्जने पाच सामन्यांतील पहिला विजय मिळवत आयपीएल गुणतालिकेत आठव्या स्थानावर झेप घेतली. पंजाबचे सध्या सहा गुण आहेत. पीबीकेएसने दक्षिण आफ्रिकेचा टी-२० इतिहासातील सर्वाधिक यशस्वी धावांचा पाठलाग करण्याचा विक्रम मोडला. गेल्या वर्षी वेस्ट इंडिजच्या २५८ धावांच्या धावसंख्येचा पाठलाग करताना दक्षिण आफ्रिकेने हा विक्रम रचला होता.
KKR vs PBKS Highlights : पंजाबच्या वादळात केकेआर उडाली, बेयरस्टॉ-शशांकने १८ षटकात गाठलं २६२ धावांचं लक्ष्य
टी-२० मध्ये मोठी धावसंख्या गाठण्याचा विक्रम
- २६२ - पंजाब किंग्ज विरुद्ध कोलकाता नाईट रायडर्स, कोलकाता, आयपीएल २०२४
- २५९ - दक्षिण आफ्रिका विरुद्ध वेस्ट इंडिज, सेंच्युरियन, २०२३
- २५३ - मिडलसेक्स विरुद्ध सरे, द ओव्हल, टी-२० ब्लास्ट २०२३
- २४४ - ऑस्ट्रेलिया विरुद्ध न्यूझीलंड, ऑकलंड, २०१८
- २४३ - बल्गेरिया विरुद्ध सर्बिया, सोफिया, २०२२
Rohit Sharma : ‘रोहित शर्मा हा सर्वात मोठा अडथळा, त्याला कर्णधारपदावरूनच नव्हे टी-२० संघातूनही काढून टाका’
पंजाब किंग्जने आयपीएलच्या एका डावात सर्वाधिक षटकार मारण्याचा विक्रमही मोडला. २६२ धावांचा पाठलाग करताना पीबीकेएसच्या फलंदाजांनी २४ षटकार ठोकले; यापैकी प्रभसिमरन सिंगने ५, जॉनी बेअरस्टोने ९, रिली रुसूने दोनदा, तर नाबाद ६८ धावांवर राहिलेल्या शशांक सिंहने ८ षटकार लगावले.
IPL 2024 Record : सनरायझर्स हैदराबादने पाडला षटकारांचा पाऊस, आयपीएलमध्ये पहिल्यांदाच केली अशी कामगिरी
आयपीएल डावातील सर्वाधिक षटकार:
- पंजाब किंग्ज (२४ षटकार) विरुद्ध केकेआर (२०२४)
- सनरायझर्स हैदराबाद (२२ षटकार) विरुद्ध आरसीबी (२०२४)
- सनरायझर्स हैदराबाद (२१ षटकार) विरुद्ध दिल्ली कॅपिटल्स (२०२४)
- आरसीबी (२१ षटकार) विरुद्ध पुणे वॉरियर्स (२०१३)
आयपीएलच्या एकाच सामन्यात सर्वाधिक धावा
- ५४९ - आरसीबी विरुद्ध एसआरएच, बंगळुरू, २०२४
- ५२३ - एसआरएच विरुद्ध एमआय, हैदराबाद, २०२४
- ५२३ - केकेआर विरुद्ध पीबीकेएस, कोलकाता, २०२४
- ४६९ - सीएसके विरुद्ध आरआर, चेन्नई, २०१०
- ४६५- डीसी विरुद्ध एसआरएच, दिल्ली, २०२४
संबंधित बातम्या