UP Mobile Blast News: ईअरफोन लावून बाईक चालवत होती महिला, तितक्यात मोबाईलचा स्फोट झाला अन्...
Apr 26, 2024, 11:55 PM IST
- UP Women Dies After Mobile Blast: उत्तर प्रदेशच्या कानपूर येथे ईअरफोन लावून बाईक चालवताना मोबाईलचा स्फोट झाल्याने महिलेचा मृत्यू झाला आहे.
UP Women Dies After Mobile Blast: उत्तर प्रदेशच्या कानपूर येथे ईअरफोन लावून बाईक चालवताना मोबाईलचा स्फोट झाल्याने महिलेचा मृत्यू झाला आहे.
- UP Women Dies After Mobile Blast: उत्तर प्रदेशच्या कानपूर येथे ईअरफोन लावून बाईक चालवताना मोबाईलचा स्फोट झाल्याने महिलेचा मृत्यू झाला आहे.
Uttar Pradesh Mobile Phone Blasts: उत्तर प्रदेशातील (Uttar Pradesh) कानपूरमध्ये (Kanpur) स्कूटरवरून जात असताना खिशातील मोबाईलचा अचानक स्फोट (Mobile Phone Blasts) झाल्याने एका महिलेचा मृत्यू झाला. खिशातील मोबाईलचा स्फोट झाल्याने महिलेचे दुचाकीवरील नियंत्रण सुटले. त्यानंतर तिची दुचाकी रस्त्यावरील दुभाजकावर धडकली. या महिलेने हेल्मेट न घातल्यामुळे तिच्या डोक्याला गंभीर दुखापत झाली. उपचारापूर्वीच या महिलेचा मृत्यू झाला. या घटनेने परिसरात एकच खळबळ माजली आहे. याप्रकरणी पोलीस अधिक तपास करीत आहेत.
Woman Dead Body Found: नवी मुंबईच्या उरणमध्ये पोत्यात आढळला अज्ञात महिलेचा मृतदेह, परिसरात खळबळ!
मिळालेल्या माहितीनुसार, मृत महिलेची दुचाकी दुभाजकाला धडकल्यानंतर घटनास्थळी लोकांची मोठी गर्दी जमा झाली. त्यांनी त्वरीत स्थानिक पोलिसांना याबाबत माहिती दिली आणि जखमी महिलेला जवळच्या रुग्णालयात दाखल केले. मात्र, उपचारपूर्वीच रुग्णालय प्रशासनाने महिलेला मृत घोषित केले.
Flamingoes Found Dead: नवी मुंबईच्या सीवूड्सजवळ ५ फ्लेमिंगो मृतावस्थेत आढळले, ७ पक्षी संशयास्पद जखमी
मुंबईला जाण्यासाठी ट्रेन पकडण्यासाठी जाताना अपघात
पूजा (वय, २८) असे मृत महिलेचे नाव असून ती फारुखाबाद जिल्ह्यातील नेहरारिया गावातील रहिवासी आहे. बुधवारी (२४ एप्रिल) सकाळी १० वाजण्याच्या सुमारास महिला दुचाकीवरून कानपूरच्या दिशेने जात असताना ही घटना घडली. ही महिला कानपूर रेल्वे स्थानकावरून मुंबईला जाण्यासाठी ट्रेन पकडण्यासाठी निघाली होती. मात्र, रस्त्यातच तिचा अपघाती मृत्यू झाला.
UP : उत्तर पत्रिकेत 'जय श्रीराम' आणि क्रिकेटपटूंची नावं लिहिणाऱ्या विद्यार्थ्यांना पास केलं; प्राध्यापकांची हकालपट्टी
हेल्मेट न घातल्याने महिलेच्या डोक्याला दुखापत
कानपूर-अलिगड महामार्गावर चौबेपूर पोलिस स्टेशन हद्दीत येणाऱ्या मानपूर गावाजवळ असलेल्या पेट्रोल पंपासमोर ही दुःखद घटना घडली. महिलेने हेल्मेट घातले नव्हते आणि तिच्या कानात इअरफोन होते, अशी माहिती पोलिसांनी दिली. याशिवाय, मृत महिला भरधाव वेगाने स्कूटर चालवत होती, त्यामुळे दुभाजकावर आदळल्यानंतर तिच्या डोक्याला मोठी दुखापत झाली, असेही सांगितले जात आहे.
या प्रकरणाचा तपास सुरू
या घटनेची माहिती मिळताच पोलिसांनी घटनास्थळी धाव घेत पंचनामा केला. पोलिसांनी महिलेचा मृतदेह शवविच्छेदनासाठी शासकीय रुग्णालयात पाठवण्यात आला आहे. या घटनेत दुचाकीसह मोबाईलचेही नुकसान झाले आहे. याप्रकरणी पोलीस अधिक तपास करीत आहेत.
विभाग