Flamingoes Found Dead: नवी मुंबईच्या सीवूड्सजवळ ५ फ्लेमिंगो मृतावस्थेत आढळले, ७ पक्षी संशयास्पद जखमी
Flamingoes Found Dead In Seawoods: नवी मुंबईच्या सीवूड्सजवळील पाणथळ जागेत ५ फ्लेमिंगो मृतावस्थेत आढळल्याने पर्यावरणप्रेमींनी याप्रकरणाची सखोल चौकशी करण्याची मागणी केली.
Seawoods Flamingoes News: नवी मुंबईच्या सीवूड्सजवळील पाणथळ जागांमध्ये एकूण १२ फ्लेमिंगो जखमी अवस्थेत आढळून आले. यातील पाच फ्लेमिंगोचा मृत्यू झाला आहे. तर, उर्वरित सात जणांवर उपचार सुरू आहेत. एकाच वेळी १२ जखमी फ्लेमिंगो आढळल्याने पक्षीप्रेमी आणि पर्यावरणप्रेमी सखोल चौकशीची मागणी करत आहेत. ठाण्यातील वाइल्डलाइफ वेल्फेअर असोसिएशन या स्वयंसेवी संस्थेची मदत घेण्यापूर्वी मॉर्निंग वॉक करणाऱ्यांना पाणथळ जागेत फ्लेमिंगो जखमी अवस्थेत पडलेले दिसले.
एवढ्या फ्लेमिंगोला संशयास्पद रित्या इजा होण्याची ही पहिलीच वेळ आहे, अशी माहिती पक्षीप्रेमी आणि सामाजिक कार्यकर्त्या रेखा संकला यांनी दिली. गेल्याच आठवड्यात तीन पक्ष्यांचा मृत्यू झाला होता. तर, एक जखमी झाला होता. पक्ष्यांच्या मृत्यूचे गूढ आणि जखमांचे कारण शोधण्याची मागणी केली जात आहे.
Maharashtra Rain Alert: राज्यात विजांच्या कडकडाटांसह पावसाची शक्यता; विदर्भासह 'या' जिल्ह्यांना सतर्कतेचा इशारा
शवविच्छेदनाच्या अहवालाची प्रतीक्षा
मृत पक्ष्यांचे मृतदेह वन विभागाच्या ताब्यात देण्यात आले असून शवविच्छेदन अहवालाची प्रतीक्षा आहे. पाणथळ जागांमध्येच अशा घटना का घडत आहेत? याचा तपास होणे गरजेचे आहे, असे खारघर येथील सामाजिक कार्यकर्त्या ज्योती नाडकर्णी म्हणाल्या.
संभाजीनगर हादरले! बाळ होत नाही म्हणून अघोरी प्रकार, तृतीयपंथीयाचा आत्मा असल्याचं सांगत महिलेच्या अंगावर टोचले खिळे
आवश्यक कार्यवाहीची मागणी
"पाणथळ जागांमध्ये पाण्याची कमतरता हे एक संभाव्य कारण असू शकते, ज्यामुळे पक्षी बाहेर पडू शकतात. “मी सर्व अधिकाऱ्यांना नुकसानीबद्दल सतर्क केले आहे. पाणथळ जागांमध्ये ज्वारीच्या पाण्याचा प्रवाह आहे की नाही? याची खात्री करण्यासह आवश्यक कार्यवाहीची मागणी केली आहे. अधिकाऱ्यांनी जागेची पाहणी करून उपाययोजना करण्याचे आश्वासन दिले आहे”, असे पर्यावरण संरक्षण क्षेत्रातील स्वयंसेवी संस्था नॅटकनेक्ट फाऊंडेशनचे संचालक बी. एन. कुमार यांनी सांगितले.
Mumbai: कारमध्ये आढळले दोन बेपत्ता मुलांचे मृतदेह; मुंबईच्या अँटॉप हिल येथील घटना, पोलीस म्हणाले...
शास्त्रज्ञांनी व्यक्त केली चिंता
गेल्या आठवड्यात पाणथळ जागेपासून दूर जाऊन पामबीच रोडवर चालत असलेल्या फ्लेमिंगोचा भरधाव वाहनाच्या धडकेत मृत्यू झाला होता. दिल्ली पब्लिक स्कूल तलावात पाण्याची कमतरता निर्माण झाली असून दरवर्षी या तलावात पाण्याचा तुटवडा निर्माण होतो. पाण्याची पातळी कमी असण्याबरोबरच शहरी भागात फिरणाऱ्या पक्ष्यांना उंच इमारतींच्या काचावर पडणाऱ्या सूर्यप्रकाशामुळे प्रकाशामुळे अनेक समस्या निर्माण होत असल्याचे फ्लेमिंगोचा अभ्यास करणाऱ्या शास्त्रज्ञांनी सांगितले.
नेरुळमध्ये मोठ्या फलकावर आदळून तीन फ्लेमिंगोंचा मृत्यू
फेब्रुवारी महिन्यात नेरुळ जेट्टीजवळ उड्डाणाच्या मार्गात अडथळा ठरणाऱ्या मोठ्या फलकावर आदळून तीन फ्लेमिंगोंचा मृत्यू झाला होता. अखेर महाराष्ट्र शहर व औद्योगिक विकास महामंडळाने हा फलक काढून टाकला.
विभाग