MI Vs SRH : वानखेडेवर मुंबईचा शानदार विजय, सूर्यकुमार यादवचं शतक

या सामन्यात हैदराबादने प्रथम फलंदाजी करताना १७३ धावा केल्या होत्या. प्रत्युत्तरात मुंबईने १७.२ षटकांत लक्ष्य गाठले. मुंबईकडून सूर्यकुमार यादवने नाबाद शतक झळकावले. सूर्याने ५१ चेंडूत नाबाद १०२ धावा केल्या. त्याने १२ चौकार आणि ६ षटकार मारले. तिलक वर्माने नाबाद ३७ धावा केल्या. रोहित शर्मा ४ धावा करून बाद झाला. इशान किशन ९ धावा करून पॅव्हेलियनमध्ये परतला.

मुंबई वि. हैदराबाद क्रिकेट स्कोअर

सूर्यकुमार यादवचे अर्धशतक

सूर्यकुमार यादवने दमदार कामगिरी करत अर्धशतक झळकावले. ३३ चेंडूत ५९ धावा केल्यानंतर तो खेळत आहे. तिलक वर्मा २७ धावा करून खेळत आहे. या दोघांमध्ये ८८ धावांची भागीदारी आहे.

मुंबईने १३ षटकांत ३ गडी गमावून ११९ धावा केल्या आहेत. त्याला विजयासाठी ५५ धावांची गरज आहे.

मुंबई इंडियन्सला मोठा धक्का

मुंबई इंडियन्सला मोठा धक्का बसला. रोहित शर्मा ४ धावा करून बाद झाला. पॅट कमिन्सने त्याला पॅव्हेलियनचा रस्ता दाखवला.

इशान किशन बाद

मार्को यान्सनने दुसरे षटक टाकले. ओव्हरच्या चौथ्या चेंडूवर ९ धावा काढून इशान किशन बाद झाला. मयंक अग्रवालने त्याचा झेल टिपला

हैदराबादच्या १७३ धावा

सनरायझर्स हैदराबादने मुंबई इंडियन्सला विजयासाठी १७४ धावांचे लक्ष्य दिले आहे. हैदराबादकडून ट्रॅव्हिस हेडने ४८ धावांची खेळी केली. नितीश रेड्डी २० धावा करून बाद झाला. यानेसन १७ धावा करून पॅव्हेलियनमध्ये परतला. पॅट कमिन्स ३५  धावा करून नाबाद राहिला.

मुंबईकडून गोलंदाजी करताना पियुष चावला आणि हार्दिक पांड्याने ३-३ बळी घेतले. अंशुल कंबोज आणि बुमराहला एक विकेट मिळाला.

हैदराबादला आठवा धक्का

पियुष चावलाने हैदराबादला आठवा धक्का दिला. त्याने अब्दुल समदला एलबीडब्ल्यू आऊट केले. त्याला केवळ ३ धावा करता आल्या. सनवीर सिंग दहाव्या क्रमांकावर फलंदाजीसाठी आला आहे. त्याला साथ देण्यासाठी पॅट कमिन्स आहे. १७ षटकांनंतर संघाची धावसंख्या १३६/८ आहे.

हैदराबादला सातवा धक्का

मार्को यानसेन १७ धावा करून बाद झाला. त्याला हार्दिक पांड्याने बोल्ड केले. पंड्याने १६व्या षटकात ही दुसरी विकेट घेतली. १६ षटकांनंतर संघाची धावसंख्या १२५/७ आहे.

हैदराबादला तिसरा धक्का

पियुष चावलाने हैदराबादला तिसरा धक्का दिला. त्याने ट्रॅव्हिस हेडला १९ धावांवर बाद केले. या सामन्यात सलामीच्या फलंदाजाला ४८ धावा करता आल्या. त्याचे सत्रातील चौथे अर्धशतक दोन धावांनी हुकले. हेन्रिक क्लासेन पाचव्या क्रमांकावर फलंदाजीसाठी आला आहे. ११ षटकांनंतर संघाची धावसंख्या ९३/३ आहे.

हैदराबादला पहिला धक्का

जसप्रीत बुमराहने हैदराबादला पहिला धक्का दिला. सहाव्या षटकाच्या पाचव्या चेंडूवर त्याने अभिषेक शर्माला जसप्रीत बुमराहकरवी झेलबाद केले. युवा फलंदाज आणि हेड यांच्यात पहिल्या विकेटसाठी ५६ धावांची भागीदारी झाली. शर्मा ११ धावा करून पॅव्हेलियनमध्ये परतला. यासह पॉवरप्लेही संपला. मयंक अग्रवाल तिसऱ्या क्रमांकावर फलंदाजीसाठी आला आहे. सहा षटकांनंतर संघाची धावसंख्या ५६/१ आहे.

दोन्ही प्लेइंग इलेव्हन

मुंबई इंडियन्स : इशान किशन (यष्टीरक्षक), रोहित शर्मा, नमन धीर, सूर्यकुमार यादव, तिलक वर्मा, हार्दिक पांड्या (कर्णधार), टीम डेव्हिड, अंशुल कंबोज, पियुष चावला, जसप्रीत बुमराह, नुवान तुषारा.

इम्पॅक्ट सब: नेहल वढेरा, शम्स मुलानी, शिवालिक शर्मा, डिवाल्ड ब्रेविस, रोमॅरियो शेफर्ड.

सनरायझर्स हैदराबादः अभिषेक शर्मा, ट्रॅव्हिस हेड, मयंक अग्रवाल, नितीश रेड्डी, हेनरिक क्लासेन (विकेटकीपर), अब्दुल समद, शाहबाज अहमद, मार्को जॉन्सन, पॅट कमिन्स (क), भुवनेश्वर कुमार, टी नटराजन.

इम्पॅक्ट सब: मयंक मार्कंडे, ग्लेन फिलिप्स, सनवीर सिंग, जयदेव उनाडकट, उमरान मलिक.

मुंबईने टॉस जिंकला

मुंबई इंडियन्सने नाणेफेक जिंकून प्रथम गोलंदाजी करण्याचा निर्णय घेतला आहे. सनरायझर्स हैदराबाद प्रथम फलंदाजी करताना दिसणार आहे. कर्णधार हार्दिक पंड्याने सांगितले की, या सामन्यात त्यांचा संघ एका बदलासह खेळताना दिसेल. अंशुल कंबोजला पदार्पणाची संधी मिळाली आहे.

गेराल्ड कोएत्झी या सामन्यात दिसणार नाही. त्याचवेळी मयंक अग्रवाल हैदराबादच्या प्लेइंग ११ मध्ये परतला आहे, तो तिसऱ्या क्रमांकावर फलंदाजी करताना दिसणार आहे.