pune rain update : खडकवासला धरणातून विसर्ग वाढवला; नदीपत्रातील वाहने काढण्याचे जलसंपदा विभागाचे आवाहन

paragraph

पुणे : पुण्यात खडकवासला धरण साखळीत सुरू असलेल्या पावसामुळे पानशेत आणि वरसगाव धरणातून विसर्ग वाढवण्यात आला आहे. यामुळे खडकवासला धारणातूनही मोठ्या प्रमाणात विसर्ग सुरू करण्यात आला आहे. यामुळे पुन्हा भिडे पुल हा पाण्याखाली जाणार असून नागरिकांनी नदी पात्रात लावलेली त्यांची वाहने काढण्याचे आवाहन जलसंपदा विभागाने केले आहे.

पुण्यात धरण परिसरात पावसाची संतंत धार ही सुरच आहे. यामुळे खडकवासला धरण साखळीतील पानशेत, वरसगाव, टेमघर आणि खडकवासला धरण हे १०० टक्के भरले आहे. यामुळे, वरसगाव धरणाच्या सांडव्यावरून नदीपात्रामध्ये सुरू असणारा २ हजार ३४६ क्यूसेक विसर्ग वाढवून सायं.७ वाजता ५ हजार ७१० क्यूसेक करण्यात येत आहे.

तर, खडकवासला धरणाच्या सांडव्यावरून मुठा नदी पात्रामध्ये सुरू असणारा विसर्ग वाढवून सायं. ७ वाजता ८ हजार ५६० क्यूसेक करण्यात येत आहे. पावसाच्या प्रमाणानुसार व येव्यानूसार विसर्ग पुन्हा कमी/जास्त करण्याची शक्यता आहे. नागरिकांनी नदीपात्रात उतरू नये आणि दक्षता घ्यावी, असे आवाहन सहायक अभियंता यो.स.भंडलकर यांनी केले आहे.

Dahi Handi : कोल्हापूरच्या राजकारणात इथून पुढं महाभारतच होणार; धनंजय महाडिकांचा सतेज पाटलांना इशारा

मुन्ना महाडिक व सतेज पाटील

<ul><li>Kolhapur politics : भाजपचे राज्यसभा खासदार धनंजय महाडिक (Dhananjay mahadik) यांनी सतेज पाटील (satej patil) यांना इशारा देत म्हटले की, जिल्ह्याच्या राज्याच्या राजकारणात आता इथून पुढे महाभारतच होणार तसेच पुढच्या सर्व निवडणुकात भाजप व मित्रपक्षच विजयी होणार.</li></ul>

प्रेमात अडथळा ठरणाऱ्या आईचा मुलीनेच काढला काटा, प्रियकराच्या मदतीने दाबला जन्मदात्रीचा गळा

आईची हत्या

<ul><li>प्रेमाला विरोध करणाऱ्या आईचा मुलीने आपल्या प्रियकराच्या मदतीने गळा दाबून खून केला आहे. ही धक्कादायक घटना गडचिरोली जिल्ह्यातील अहेरी येथे घडली.</li></ul>

कृषीमंत्री अब्दुल सत्तार विदर्भात अतिवृष्टीबाधित शेतकऱ्यांना भेटले; तत्काळ मदतीचे आश्वासन

<ul><li>राज्याचे कृषीमंत्री अब्दुल सत्तार यांनी विदर्भातील वर्धा आणि अमरावती जिल्ह्याचा दौरा केला. सत्तार यांनी दोन्ही जिल्ह्यातील अतिवृष्टीबाधित शेतकऱ्यांना तत्काळ मदत मिळवून देण्याचे आश्वासन दिले.</li></ul>

Dahi Handi 2022: मुंबई महापालिकेतील भ्रष्टाचाराची हंडी फोडणार, फडणवीसांचे शिवसेनेला आव्हान

फडणवीसांचे शिवसेनेला आव्हान

<ul><li>मुंबई महापालिकेतली (BMC Election) भ्रष्टाचाराची हंडी फोडणार म्हणत उपमुख्यमंत्री देवेंद्र फडणवीस यांनी ठाकरे व शिवसेनेला आव्हान दिले आहे.</li></ul>

<ul><li>पुण्यात खडकवासला धरण साखळीत सुरू असलेल्या पावसामुळे पानशेत आणि वरसगाव धरणातून विसर्ग वाढवण्यात आला आहे.</li></ul>

pune crime: दुचाकी चोरणारी मोठी टोळी जेरबंद; दोन टेम्पो भरुन २७ दुचाकी केल्या पोलिसांनी हस्तगत

पुणे : बारामती तालुक्यात गेल्या काही दिवसांपासून दुचाकी चोरी जाण्याचे प्रमाण वाढले होते. या घटना थांबविण्याचे मोठे आव्हान पोलीसांपुढे होते. चोरट्यांचा शोध घेण्यासाठी पोलिसांनी तपास पथक बनवत सीसीटीव्ही तपासत ४ आरोपींना अटक केली आहे. त्यांच्या कडून तब्बल विविध कंपन्यांच्या १३ लाख ५० हजार रुपयांच्या दोन टेम्पो भरुन २७ दुचाकी या जप्त केल्या आहेत. आता पर्यन्तची ही मोठी कारवाई समजली जाते.

या प्रकरणी पोलिसांनी विजय अशोक माने (वय १९), प्रदीप रघुनाथ साठे (वय २२, रा. शिरवळ, खंडाळा, जि . सातारा), प्रेम सुभाष इटकर(वय १९, रा. मिलिंदनगर, जमखेड, जि. अहमदनगर, संतोष तुकाराम गाडे (वय ४२) अशी अटक करण्यात आलेल्या आरोपीची नवे आहेत.

पोलिसांनी दिलेल्या माहितीनुसार, बारामती शहरातील सुभद्रा मॉल, महिला हॉस्पिटल, व्ही. पी कॉलेज, पेन्सिल चौक या परिसरातून मोठ्या प्रमाणात दुचाकी चोरी गेल्या होत्या. पोलिसांना चोरट्यांचा शोध लागत नव्हता. या चोरट्यांचा शोध घेण्यासाठी पोलिस निरीक्षक महेश ढवाण यांनी सहायक पोलिस निरीक्षक योगेश लुंगटे, गुन्हे शोध पथकाचे पोलिस अमलदार राम कानगुडे, पोलिस नाईक अमोल नरुते, पोलिस कॉन्स्टेबल दत्तात्रय माने, शशिकांत दळवी, दीपक दराडे यांना दिली. या पथकाने शहरातील सर्व सीसीटीव्ही यांची कसून तपासणी केली. यात चोरटे हे चोरी करत असताना आढळले. सीसीटीव्ही फुटेज वरुन पोलिसांनी चोरट्यांचा शोध घेऊन त्यांना शिताफीने अटक केली. त्यांच्या कडून तब्बल दोन टेम्पो भरुन २७ दुचाकी जप्त करण्यात आल्या आहेत. या गाड्यांची किंमत ही तब्बल १३ लाख ५० हजार रुपये एवढी आहे.

<ul><li>पुणे जिल्ह्यातील बारामती तालुक्यातून मोठ्या प्रमाणात दुचाकी चोरणाऱ्या टोळीला बारामती पोलिसांनी गजाआड केले आहे. त्यांच्या कडून तब्बल १३ लाख रुपयांच्या २७ दुचाकी जप्त करण्यात आल्या आहेत.</li></ul>

Pune news : नशा छोडो बोतल तोडोचा नारा देत पुण्यात फोडली व्यसनमुक्तीची दहीहंडी

पुणे : पुण्यात सर्वत्र दहीहंडीची धामधूम सुरू असताना पुण्यात चंदन नगर येथील आनंदवन व्यसनमुक्ती केंद्रात अनोखी दहीहंडी साजरी करण्यात आली. येथे असणाऱ्यांनी व्यसनमुक्तीचा नारा देत व्यसनमुक्तीची शपथ घेतली. यावेळी व्यसन मुक्तीचा एकच नारा... आयुष्यात व्यसनाला नका देवू थारा... अशा घोषणा त्यांनी देत व्यसनमुक्तीचा पुरस्कार केला.

चंदननगर येथील आनंदवन व्यसनमुक्ती केंद्रामध्ये व्यसनमुक्तीची दहीहंडी फोडण्यात आली. व्यसन सोडा फुलेल जीवन, नशा छोडो बोतल तोडो, व्यसनमुक्त समाज घडवूया आनंददायी जीवन जगूया... अशा आशयाचे फलक असलेली दहीहंडी बांधण्यात आली होती. यावेळी जल्लोषात ही दहीहंडी फोडण्यात येऊन आनंदवनमध्ये एका नव्या जीवनाची सुरवात करण्याचा संकल्प संकल्प सर्वांनी केला.

&nbsp; आनंदवन व्यसनमुक्ती केंद्राचे अध्यक्ष डॉ. अजय दुधाणे माहिती देतांना म्हणाले, व्यसनमुक्तीचा संदेश देण्यासाठी या दहीहंडीचे आयोजन करण्यात आले होते. यासाठी संतोष पटवर्धन, प्रमोद शेळके, गणेश गावडे, केतन जैन, विशाल शिंदे, प्रकाश धिडे,नंदु हरपळे यांच्या पुढाकाराने हा उपक्रम पार पडला कोणत्याही प्रकारची नशा न करता देखील सण-उत्सवांचा आनंद घेता येतो. व्यसनाधिन तरुणांमध्ये सकारात्मक उर्जा निर्माण करण्याच्या उद्देशाने हा उपक्रम घेण्यात आला. व्यसनमुक्तीची दहीहंडी फोडून व्यसनांमुळे काय अपाय होतात, त्याचे दुष्परिणाम काय आहेत, हे समाजाला या माध्यमातून कळते, असे दुधाने म्हणाले.

<ul><li>पुण्यात सर्वत्र दहीहंडीचा महोत्सव साजरा होत असताना चंदननगर येथे एक आगळी वेगळी दहीहंडी फोडण्यात आली.</li></ul>

pune crime : दंड आकरल्याने वाहतूक पोलिसाला चौघांनी केली मारहाण; पुण्यातील धक्कादायक घटना

पुणे : विरुद्ध दिशेने दुचाकीवरून येणाऱ्या महिलेवर कारवाई करणाऱ्या पोलिसावर विनयभंगाची तक्रार करण्याची धमकी देत वाहतूक पोलिसाला मारहाण केल्याचा धक्कादायक प्रकार उघडकीस आला आहे. हा प्रकार टिळक चौकात उघडकीस आला आहे. या प्रकरणी आरोपी महिला आणि तिच्या पतीवर विश्रामबाग पोलिस चौकीत चौघांविरोधात गुन्हा दाखल करण्यात आला आहे.

या प्रकरणी सृष्टी राऊत, प्रेम राऊत, रोहन बाबासाहेब जावळे आणि शशिकला राऊत (सर्व राहणार शिवाजीनगर) अशी गुन्हा दाखल करण्यात आलेल्या आरोपींची नावे आहेत. प्रेम राऊत आणि रोहन जावळे या दोघांना अटक करण्यात आलेली आहे. या प्रकरणी वाहतूक कर्मचारी संपत गुलाबराव करवंदे यांनी फिर्याद दिली आहे.

पोलिसांनी दिलेल्या माहितीनुसार केळकर रस्ता ते टिळक चौक हा मार्ग वाहतुकीसाठी एकेरी करण्यात आला आहे. या ठिकाणी वाहतुकीचे नियोजन करण्यासाठी संपत करवंदे हे तैनात होते. यावेळी आरोपी महिला सृष्टी राऊत ही तिच्या दुचाकीवरुन टिळक चौकाच्या दिशेने येत होत्या. त्यांनी वाहतूक नियमांची पायमल्ली केली. हे करवंदे यांच्या लक्षात आल्याने त्यांनी त्यांना अडवले आणि ऑनलाईन दंड आकरला. यावरून सृष्टी राऊत यांना राग आला. त्यांनी करवंदे यांच्याशी वाद घातला. तसेच बघून घेण्याची धमकी दिली आणि निघून गेल्या. पुन्हा काही वेळानंतर पती, भाऊ आणि आजी या तिघांना घेऊन त्या आल्या आणि करवंदे यांच्याशी वाद घालण्यास सुरुवात केली. चौघांनीही करवंदे यांना मारहाण केली. तसेच तक्रार केल्यास विनयभंग केल्याची खोटी तक्रार करण्याचे धमकावले. या घटनेनंतर वाहतूक पोलिस कर्मचारी संपत गुलाबराव करवंदे यांनी दिलेल्या तक्रारीनुसार चौघांविरोधात गुन्हा दाखल केला आहे. तर, प्रेम यशवंत राऊत, रोहन बाबासाहेब जावळे यांना अटक केली आहे. या प्रकरणाचा अधिक तपास सुरू असल्याचे विश्रामबाग पोलिसांनी सांगितले.

<ul><li>Pune traffic police beaten up पुण्यात एका वाहतूक पोलिसाने दंड मागितला म्हणून त्याला विनय भंगाची केस दाखल करण्याची धमकी देत मारहाण केल्याचा प्रकार उघडकीस आला आहे.</li></ul>

pune dahi handi: दहीहंडी उत्सवासाठी पुण्यातील वाहतूक व्यवस्थेत बदल; 'हे' मार्ग राहणार बंद

pune dahi handi 2022: पुण्यात आज दहीहंडीचा सोहळा रंगणार आहेत. या सोहळ्यासाठी होणारी गर्दी पाहता आज वाहतूक व्यवस्थेत बदल करण्यात आला आहे. सायंकाळी पाच पासून शहरातील प्रमुख मार्गावरील वाहतूक ही बंद ठेवली जाणार आहे. यामुळे नागरिकांनी पर्यायी रस्त्याचा वापर करावा, असे वाहतूक विभागाचे पोलिस उपायुक्त राहुल श्रीरामे यांनी केले आहे.

पुण्याच्या मध्यवर्ती भागात दहीहंडीचा महोत्सव हा मोठा असतो. हा सोहळा पाहण्यासाठी मोठ्या प्रमाणात नागरिक येत असतात. नवी पेठ, साहित्य परिषद चौक, मंडई चौक बाबू गेनू, बुधवार चौक ते आप्पा बळवंत चौक, बेलबाग चौक ते सेवासदन, बुधवार चौक ते दत्त मंदिर चौक या परिसरात प्रामुख्याने गर्दी असते. यामुळे या ठिकाणी होणारी गर्दी पाहता हा वाहतूक व्यवस्थेत बदल करण्यात आला आहे.

पोलिसांनी दिलेल्या माहितीनुसार, सोन्या मारुती चौककडून लक्ष्मी रस्त्याने सरल सेवासदन चौकाकडे जाणारा रस्ता बंद ठेवण्यात येणार आहे. या रस्त्यावरील वाहने ही सोन्या मारुती चौकातून उजवीकडे वळून फडके हौद चौकातून पुढे जातील. रामेश्वर चौक ते शनिपार चौकाकडे येणारी वाहतूक बंद करण्यात येणार आहे. या साठी पर्यायी मार्गाचा वपर करण्याचे आवाहन करण्यात आले आहे. तर बुधवार चौकाकडून आप्पा बळवंत चौकाकडे एकेरी वाहतूक सोडण्यात येणार आहे. आप्पा बळवंत चौकातून बुधवार चौकाकडे येणारी वाहतूक बाजीराव रस्त्याने सरळ पुढे सोडण्यात येणार आहे. स. गो. बर्वे चौकातून पुणे मनपा भवनकडे शिवाजी रस्त्याने जाणारी वाहने ही स. गो. बर्वे चौकातून जंगली महाराज रस्त्याने जशी राणी चौकत डावीकडे वळून पुढे जाणार आहे.

बाजीराव रस्त्यावर शिवाजीनगरकडे जाणाऱ्या वाहन चालकांसाठी पुरं चौकातून टिळक रस्त्याने अलका टॉकीज चौक तसेच पुढे एफसी रस्त्याने पुढे जातील. तर पूरम चौकातून सेनादत्त चौकाकडे पुढे जातील. तर शिवाजी रस्त्यावरून स्वारगेटला जाणारी वाहने ही स. गो. बर्वे चौकातून जंगली महाराज रस्त्याने खंडोजीबाबा चौक, टिळक चौक पुढे टिळक किंवा शास्त्री रस्त्याने पुढे जातील.

<ul><li>pune dahi handi 2022 : पुण्यात आज दहीहंडी महोत्सवानिमित्त होणारी गर्दी बघता वाहतूक व्यवस्थेत बदल करण्यात आला आहे.</li></ul>

Pune Crime : परकीय चलनात गुंतवणुकीच्या आमिषाने वृद्धाला गंडवले; एकाला अटक

पुणे : पुण्यात एका वृद्धाला परकीय चलनात गुंतवणूक करण्याच्या बहाण्याने एका ज्येष्ठ नागरिकाची साडेचार लाखांची फसवणूक करण्यात आली आहे. या प्रकरणी अहमदाबादमधून येरवडा पोलिसांनी एकास अटक करण्यात आली आहे. न्यायालयाने त्याला १९ ऑगस्टपर्यंत पोलिस कोठडी ठेवण्याचे आदेश दिले.

पोलिसांनी दिलेल्या माहितीनुसार शशांक दिनेशभाई पराडिया (वय २८, रा. अहमदाबाद) असे अटक करण्यात आलेल्या आरोपीचे नाव आहे. या प्रकरणी पराडिया याच्यासह त्याच्या काही साथीदारांनाविरोधात गुन्हा दाखल करण्यात आला आहे.. या प्रकरणी ज्येष्ठ नागरिकाने दिलेल्या फिर्यादीनुसार येरवडा पोलीस ठाण्यात गुन्हा दाखल करण्यात आला आहे. आरोपींनी ज्येष्ठ नागरिकाच्या मोबाइलवर संपर्क साधत फॉरेक्स फॅक्टरी करन्सी ब्रोकर असल्याची बतावणी या वृद्धाला केली. परकीय चलनात गुंतवणूक केल्यास चांगला परतावा मिळेल, असे आमिष दाखवत ऑनलाइन पद्धतीने त्यांच्या बँक खात्यात २ लाख ८ हजार ५०० रुपये आरोपींच्या बँक खात्यात जमा केली.&nbsp;

गुंतवणूक केलेल्या रक्कमेवरील परतावा देण्यात आला नाही. फसवणूक झाल्याचे लक्षात आल्यानंतर त्यांनी पोलिसांकडे तक्रार दिली. आरोपींनी एकूण मिळून ४ लाख ४२ हजार ७५५ रुपयांची फसवणूक केली. या प्रकरणी येरवडा पोलिसांनी तपास करुन पराडियाला अटक केली. न्यायालयाने त्याला पोलीस कोठडीत ठेवण्याचे आदेश दिले.

<ul><li>पुण्यात एका वृद्धाला परकीय चलनात गुंतवणूक करण्याच्या आमिषाने साडेचार लाखांची फसवणूक केली आहे. या प्रकरणी एकाला अटक करण्यात आली आहे.</li></ul>

Pune Crime : लोणीकाळभोर ऑईल डेपोतून लाखो लिटर पेट्रोल-डिझेलची चोरी

&nbsp;पुणे:पुण्यातील लोणी काळभोर येथील भारत पेट्रोयलियमच्या डेपोतून मोठ्या प्रमाणात ऑइल तस्कर हे पेट्रोल आणि डिझेलची चोरी करत असल्याचा प्रकार गुन्हे शाखेने उघडकीस आणला आहे. ही चोरी कंपनीतील काही कर्मचारी करत असल्याचा संशय असून या प्रकरणी पोलिसांनी १० जणांना अटक केली आहे. या प्रकरणाची दखल घेत पुण्यातील पेट्रोल डिझेल असोसिएशनने याची तक्रार थेट पेट्रोलियम मंत्र्यांकडे केली आहे.

हवलेली तालुक्यातील लोणी काळभोर येथे भारत पेट्रोलियम, हिंदुस्तान पेट्रोलियम आणि इंडियन ऑइल या तीन सरकारी कंपन्यांचे ऑइल डेपो आहेत. या ठिकाणी ऑइल साठवून येथून पुणे पिंपरी आणि जवळच्या जिल्ह्यांना त्याचा पुरवठा केला जातो. पेट्रोल आणि डिझेलच्या ट्रकमधून ही वाहतून केली जाते. मात्र, या ट्रक मधून काही प्रमाणात पेट्रोल आणि डिझेल काढून त्याची तस्करी होत असल्याची माहिती पोलिसांना मिळाली. त्या नुसार गुन्हे शाखेच्या पथकाने छापा टाकून काहींना रंगे हात पकडले.&nbsp;

या टँकर मधून बादल्यांच्या साह्याने पेट्रोल काढून त्याची चोरी केल्या जात होती. पोलिसांनी या प्रकरणी १० जणांना अटक केली आहे. रोज एका टँकर मधून १ लाख रुपयांच्या पेट्रोलची चोरी होत असल्याची माहिती आरोपींनी पोलिसांना दिली. हिंदुस्थान पेट्रोलियम आणि इंडियन ऑइल या इतर दोन कंपन्यांच्या शेजारीच असलेल्या डेपोमधून देखील चोरी होत असल्याचा संशय पोलिसांना आहे. यात या कंपण्याचे कर्मचारी तथा अधिकारी असल्याचा सांशीही व्यक्त केला जात आहे. दरम्यान, या प्रकरणाची गंभीर दाखल घेण्याची मागणी पेट्रोल पंप चालकांच्या संघटनांनी केंद्र सरकारला केली आहे.

<ul><li>pune crime news update : भारत पेट्रोलिमच्या पुण्यातील लोणीकाळभोर येथील ऑइल डेपोतून रोज लाखो रुपयांच्या पेट्रोल आणि डिझेलची चोरी होत असल्याचे गुन्हे शाखेच्या पथकाने उघडकीस आणले आहे. याप्रकरणी १० जणांना अटक करण्यात आली आहे.&nbsp;</li></ul>

Maharashtra Rain: येत्या २ दिवसात जोरदार पावसाची शक्यता; पुण्यासह विदर्भाला हवामान विभागाचा इशारा

Maharashtra Rain: राज्यात नागपूर विभागात गेल्या २४ तासात मुसळधार पावसाची नोंद झाली आहे. भंडारा, गोंदिया, चंद्रपूर, नागपूर आणि गडचिरोलीत झालेल्या पावसामुळे अनेक ठिकाणी पूरस्थिती निर्माण झाली आहे. गडचिरोलीतील १८ आणि तर भंडारा जिल्ह्यातील अनेक रस्ते पाण्याखाली गेल्यानं वाहतूक बंद केली आहे. दुसरीकडे सध्या कोकण, पुणे, नाशिक, औरंगाबाद, अमरावती याठिकाणी मात्र पावसाने विश्रांती घेतली आहे. पावसाच्या हलक्या सरी पडत असल्यानं पुराची स्थिती नाहीय. दरम्यान, हवामान विभागाने येत्या दोन दिवसात जोरदार पावसाचा इशारा दिलाय.

मध्य भारतात कमी दाबाच्या क्षेत्रामुळे विदर्भासह उत्तर &nbsp;महाराष्ट्र, उत्तर कोकण आणि मुंबईत पाऊस दिसून आला आहे. पुण्यात घाटमाथ्यावर काही ठिकाणी जोरदार पावसाची शक्यता असून यलो अलर्ट दिला आहे. तर विदर्भात विजांच्या कडकडाटासह पाऊस पडेल असं हवामान विभागाने म्हटलं आहे.

विदर्भात बुलढाणा, अकोला, वर्धा, वाशीम, अमरावती, वर्धा, नागपूर, चंद्रपूर, भंडारा, गोंदिया, गडचिरोली जिल्ह्यामध्ये वीजांसह पावसाची शक्यता हवामान विभागाने वर्तवली आहे. तर पुण्ाला यलो अलर्ट दिला आहे. याशिवाय कोकणातही पावसाची शक्यता हवामान विभागाने व्यक्त केलीय.

गेल्या दोन दिवसात विदर्भ आणि मध्य महाराष्ट्रासह उत्तर कोकणात मुसळधार पाऊस झाला. तर मंगळवारी विदर्भात पावसाचा जोर कमी झाला होता. मध्य महाराष्ट्रात मध्यम आणि हलक्या स्वरुपाचा पाऊस सुरू आहे. आता उत्तर छत्तीसगढ आणि पूर्व मध्य प्रदेशात असणारं तीव्र कमी दाबाचं क्षेत्र पूर्व राजस्थान आणि पश्चिम मध्यप्रदेशात होतं. याची तीव्रता आता कमी होत आहे. शुक्रवारी उत्तर बंगालच्या उपसागरात नव्यानं कमी दाबक्षेत्राची निर्मिती होण्याची शक्यता कमी असल्याचंही हवामान विभागाने म्हटलं आहे.

<ul><li>Maharashtra Rain: भंडारा, गोंदिया, चंद्रपूर, नागपूर आणि गडचिरोलीत झालेल्या पावसामुळे अनेक ठिकाणी पूरस्थिती निर्माण झाली आहे.</li></ul>

पुणे स्टेशनवर आता नवीन आधार कार्ड मिळवा, अपडेट करा

<ul><li>मध्य रेल्वेच्या विविध रेल्वे स्थानकांवर आता प्रवाशांना आपला आधार कार्ड अपडेट करता येणार आहे. १५ ऑगस्ट पासून पुणे रेल्वे स्टेशनवर ही सुविधा उपलब्ध करण्यात आली आहे.</li></ul>

पुणे-अहमदनगर हायवेवर भीषण अपघात, ट्रकला कार धडकून ५ जणांचा जागीच मृत्यू

<ul><li>Pune Ahmednagar Accident: अचानक ट्रक आडवा आल्याने कारची ट्रकला जोरात धडक बसली. ही धडक इतकी भीषण होती की कारमधील पाच जणांचा जागीच मृत्यू झाला.</li></ul>

Rupali Patil Thombare : 'फडणवीसांचे वडील आणि काकू पण...', रुपाली पाटलांनी थेट यादीच केली शेअर

<ul><li>Rupali Patil Thombare On Devendra Fadnavis : पंतप्रधान नरेंद्र मोदी यांनी देशाच्या ७५ व्या स्वातंत्र्यानिमित्त केलेल्या संबोधनात राजकारणातील घराणेशाहीवर जोरदार टीका केली होती.</li></ul>

Anand Dave : देशातला मतदार आणि कोर्ट हिंदुत्त्ववादी विचारांचेच; आनंद दवेंचं वादग्रस्त वक्तव्य

<ul><li>Anand Dave On Vande Mataram : गेल्या ७० वर्षांत भारतात हिंदूंचा आवाज दाबण्याचा प्रयत्न झाल्याचा दावाही ब्राह्मण महासंघाचे अध्यक्ष आनंद दवे यांनी केला आहे.</li></ul>

Pune News

Maharashtra News in Marathi: Get all the latest news related to politics, cinema and sports of Maharashtra in Marathi. Also read breaking news from all cities of Maharashtra and much more on Hindustan Times Marathi. महाराष्ट्राच्या बातम्या मराठीत HT Marathi