Health Care Tips: पूर्ण दिवस एसीमध्ये राहता का? सावधान! यामुळे होऊ शकतात हे मोठे आजार
Side Effects of AC: आधुनिक जीवनात आरामाची हमी देणारा एसी नकळत तुमच्या आरोग्यासाठी किती धोके निर्माण करत आहे हे तुम्हाला माहीत आहे का? दिवसभर किंवा सतत एसीमध्ये राहिल्याने आरोग्याला कोणते नुकसान होतात जाणून घ्या.
Air Conditioning Can Make You Sick: प्रखर उष्णता आणि उन्हापासून आराम मिळवण्यासाठी लोक एसीची मदत घेतात. आजच्या काळात बहुतेक लोकांसाठी एसीशिवाय जीवनाची कल्पना करणे थोडे कठीण आहे. आधुनिक जीवनात आरामाची हमी देणारा हा एसी नकळत तुमच्या आरोग्यासाठी किती धोके निर्माण करत आहे, हे तुम्हाला माहीत आहे का? जे लोक उष्णतेपासून वाचण्यासाठी संपूर्ण दिवस एसीच्या हवेत घालवतात त्यांना डोकेदुखी, खोकला, मळमळ आणि कोरडी त्वचा यासारख्या इतर अनेक समस्यांचा त्रास होऊ शकतो. एसीच्या हवेच्या जास्त संपर्कामुळे आरोग्याला काय हानी होते ते जाणून घेऊया.
एसी हवेत जास्त वेळ राहण्याचे साइड इफेक्ट
डिहायड्रेशन
एसी हवेत जास्त वेळ राहिल्याने डिहायड्रेशन होऊ शकते. एसीच्या हवेत जास्त वेळ बसल्याने व्यक्तीला तहान लागत नाही. त्यामुळे शरीरात पाण्याची कमतरता होऊ शकते. शरीरात पाण्याच्या कमतरतेमुळे डिहायड्रेशन होते. यामुळे डोकेदुखी आणि मायग्रेनची समस्या वाढू शकते.
ड्राय स्किन
एसीच्या हवेच्या दीर्घकाळ संपर्कात राहिल्याने शरीरातील आर्द्रता नष्ट होऊ लागते. त्यामुळे त्वचा कोरडी होते, भेगा पडतात आणि आकुंचन पावते. त्यामुळे सुरकुत्या आणि फाइन लाइन दिसू लागतात. शिवाय वृद्धत्वाची प्रक्रियाही वेगाने वाढू लागते.
लठ्ठपणा
जर तुम्ही तुमच्या वाढत्या लठ्ठपणामुळे चिंतेत असाल तर एसी हवेची लालसा कमी करा. होय, एसीचा जास्त वापर केल्याने तुमची लठ्ठपणाची समस्या आणखी वाढू शकते. वास्तविक कमी तापमानामुळे व्यक्तीचे शरीर अधिक सक्रिय होऊ शकत नाही. त्यामुळे शरीरातील ऊर्जेचा योग्य वापर होत नाही आणि शरीरात चरबी वाढू लागते.
सांधेदुखी
जास्त वेळ एअर कंडिशनरच्या हवेत राहिल्याने अंगदुखीसह सांधेदुखीचा त्रास होतो. थंड वाऱ्यामुळे सांधे आणि कंबरेमध्ये वेदना होऊन शरीरात क्रॅम्प येतात. द कम्फर्ट अकादमीच्या संशोधनात असे आढळून आले आहे की, सांधेदुखीचा त्रास असलेल्या लोकांमध्ये जास्त वेळ एअर कंडिशनरमध्ये राहिल्यास वेदनांची समस्या वाढते.
मेंदूवर वाईट परिणाम
एसीचे तापमान कमी झाले की मेंदूच्या पेशी संकुचित होतात. त्यामुळे मेंदूची क्षमता आणि कार्यप्रणाली प्रभावित होते. इतकेच नाही तर डोकेदुखीसोबतच तुम्हाला सतत चक्कर येण्याचा त्रास होऊ शकतो.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
