मराठी बातम्या  /  लाइफस्टाइल  /  Cucumber Benefits: उन्हाळ्यात आरोग्यासाठी वरदान आहे काकडी, वेट लॉस पासून बीपीपर्यंत ठेवते नियंत्रित

Cucumber Benefits: उन्हाळ्यात आरोग्यासाठी वरदान आहे काकडी, वेट लॉस पासून बीपीपर्यंत ठेवते नियंत्रित

Hiral Shriram Gawande HT Marathi
May 01, 2024 09:42 PM IST

Summer Health Tips: काकडीचा प्रभाव थंडावा देणारा असून त्यात ९० टक्के पाणी असते. हे शरीराला डिहायड्रेट होण्यापासून तर वाचवतेच पण वजन कमी करण्यातही खूप मदत करते. चला जाणून घेऊया उन्हाळ्यात काकडी खाण्याचे फायदे

Cucumber Benefits: उन्हाळ्यात आरोग्यासाठी वरदान आहे काकडी, वेट लॉस पासून बीपीपर्यंत ठेवते नियंत्रित
Cucumber Benefits: उन्हाळ्यात आरोग्यासाठी वरदान आहे काकडी, वेट लॉस पासून बीपीपर्यंत ठेवते नियंत्रित (freepik)

Health Benefits of Cucumber in Summer: उन्हाळ्यात लोकांना अशा गोष्टींचा आहारात समावेश करायला आवडते ज्यामुळे शरीराला थंडावा तर मिळतोच पण त्याचबरोबर अनेक आजारांपासून दूर राहण्यास मदत होते. असेच एक उन्हाळ्याचे अन्न म्हणजे काकडी. काकडीचा प्रभाव थंड असतो आणि त्यात ९० टक्के पाणी असते. जे शरीराला डिहायड्रेट होण्यापासून वाचवतेच पण वजन कमी करण्यातही खूप मदत करते. काकडीमध्ये व्हिटॅमिन ए, व्हिटॅमिन सी, व्हिटॅमिन के, पोटॅशियम, फायबर आणि ल्युटीन यांसारखे अनेक पोषक घटक आढळतात. जे आरोग्यासाठी अनेक आश्चर्यकारक फायदे देतात. चला तर जाणून घेऊया उन्हाळ्यात काकडी खाल्ल्याने आरोग्याला कोणते फायदे मिळतात.

ट्रेंडिंग न्यूज

हे आहेत उन्हाळ्यात काकडी खाण्याचे फायदे

शरीराला हायड्रेट ठेवते

उन्हाळ्यात लोकांना डिहायड्रेशनचा त्रास होतो. अशा स्थितीत काकडीत असलेले ९० टक्के पाणी शरीराला हायड्रेट ठेवण्यास मदत करते. काकडीचे सेवन केल्याने शरीरातील पाण्याची कमतरता तर दूर होतेच पण शरीरात साचलेले टॉक्सिन्सही बाहेर काढण्यास मदत होते.

वजन कमी करण्यासाठी फायदेशीर

काकडीचे सेवन केल्याने वजन कमी होण्यासही मदत होते. काकडीत मुबलक प्रमाणात फायबर असल्याने पोट दीर्घकाळ भरलेले राहण्यास मदत होते. याशिवाय काकडीत कॅलरीजचे प्रमाणही खूप कमी असते. हे तुमचे वजन कमी करण्याचे मिशन पूर्ण करण्यात मदत करू शकतात. तुम्ही तुमच्या आहारात काकडीचा समावेश सॅलड किंवा ज्यूसच्या स्वरूपात करू शकता.

रक्तदाब नियंत्रणात ठेवते

उच्च रक्तदाबाच्या समस्येमध्ये काकडीचे सेवन फायदेशीर ठरू शकते. काकडीत असलेले पोटॅशियम रक्तदाब नियंत्रित ठेवण्यास मदत करते. याशिवाय हे शरीरातील कोलेस्टेरॉलची पातळी राखण्यासाठी देखील मदत करते. ज्यामुळे हृदयाशी संबंधित आजारांचा धोका कमी होतो.

बद्धकोष्ठतेपासून आराम

काकडीत फायबरचे प्रमाण भरपूर असल्याने पोटातील गॅस आणि बद्धकोष्ठतेची समस्या दूर राहते.

त्वचेसाठी फायदेशीर

काकडी केवळ आरोग्य राखण्यासाठीच नाही तर त्वचा आणि केसांचे सौंदर्य टिकवून ठेवण्यासही मदत करते. काकडीचे नियमित सेवन केल्याने केसांची वाढ सुधारते आणि त्वचेवरील डागही दूर होतात. त्यामुळे त्वचा चमकदार दिसते.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel