Parenting Tips: उन्हाळ्यात मुले आजारी पडू नयेत त्यांना खायला घाला हे ५ पदार्थ!
Summer Snacks: असे काही पदार्थ आहेत जे उन्हाळ्यात मुलांना खाऊ घातल्यास त्यांचे शरीर थंड राहते. त्यामुळे अशा पदार्थांचा आहारात समावेश करणे फायदेशीर ठरते.
Summer Foods: उन्हाळ्यात, कडक उन्हाचा परिणाम प्रौढांवरच नाही तर लहान मुलांवरही होतो. या ऋतूत मुले शाळेत जा किंवा घरी राहा, उन्हाचा तडाखा मुलांपर्यंत पोहोचतो. अशा परिस्थितीत मुलांना बाहेरूनच नाही तर आतूनही थंडावा मिळेल याची विशेष काळजी घेणे आवश्यक आहे. यासाठी मुलांच्या आहाराची विशेष काळजी घेणे गरजेचे आहे. येथे असे काही उन्हाळी स्नॅक्स दिले जात आहेत जे मुलांचे आरोग्य चांगले ठेवतात आणि उन्हाळ्यातील उन्हापासून आणि उष्माघातापासून त्यांचे संरक्षण करतात. हे स्नॅक्स खाल्ल्याने मुलांना थंडावा मिळतो.
कलिंगड
रसाळ कलिंगड हे उन्हाळ्यातील सुपरफूड आहे हे सगळेच मानतात. कलिंगडमध्ये पाण्याचे प्रमाण जास्त असते जे उन्हाळ्यात उष्माघात दूर ठेवते आणि शरीराला निर्जलीकरण होण्यापासून वाचवते. कलिंगड मुलांना तसेच खायला देऊ शकता किंवा त्यावर छान चाट मसाला टाकून देऊ शकता. कलिंगडला पिझ्झाच्या स्लाइसप्रमाणे कापूनही मुलांनाही देता येईल.
Cold Coffee Recipe: मलईदार, फेसाळलेली कोल्ड कॉफी मशीनशिवाय घरीच बनवा, नोट करा रेसिपी!
फ्रूट पॉप्सिकल
उन्हाळ्यात आइस्क्रीम किंवा पॉप्सिकल खाण्यात एक वेगळाच आनंद असतो. फ्रूट पॉप्सिकल बनवण्यासाठी वेगवेगळी फळे कापून त्यात थोडी साखर घालता येते. साच्यात ठेवा आणि गोठवा. चविष्ट आणि मस्त फळ पॉप्सिकल तयार आहे.
Summer Pregnancy Tips: गरोदर मातांनी काय करावे आणि काय करू नये? जाणून घ्या टिप्स!
बेरीज आणि दही
स्ट्रॉबेरी, ब्लूबेरी, ब्लॅकबेरी आणि रास्पबेरी इत्यादी बेरी दह्यात घालून मुलांना खायला दिल्या जाऊ शकतात. प्रथिनेयुक्त या स्नॅक्समुळे मुलांचे पोट भरलेले राहते आणि त्यांचे आरोग्यही चांगले राहते. त्याच वेळी, बेरीमध्ये भरपूर प्रमाणात अँटी-ऑक्सिडेंट असतात जे हानिकारक मुक्त रॅडिकल्स काढून टाकतात.
Saunf Juice Recipe: बडीशेपचा ज्यूस कडक उन्हात शरीराला देईल थंडावा, जाणून घ्या बनवण्याची पद्धत!
काकडी सँडविच
काकडी सँडविच हायड्रेटिंग मुलांना सकाळी किंवा संध्याकाळी कधीही खाऊ घालू शकता. काकडी, पुदिना, कोथिंबीर, चीज, टोमॅटो आणि इतर भाज्या ब्रेडमध्ये घालून सँडविच बनवता येतात. हा एक उत्तम स्नॅक पदार्थ आहे.
स्मूदी बाऊल
मुलांसाठी चविष्ट स्मूदी बाऊल बनवता येईल. स्मूदीसोबतच त्यात वेगवेगळी फळे, बिया आणि ड्रायफ्रुट्स टाकता येतात. या स्मूदी बाऊलमुळे मुलांचे पोट जास्त काळ भरलेले राहते आणि शरीराला पुरेसे हायड्रेशन मिळते.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)