Shraddha Murder Case : श्रद्धाचा मारेकरी तुरुंगात खेळतोय बुद्धीबळ; आफताबचं वर्तन पाहून अधिकारी भडकले

Shraddha Walker Murder Case : संपूर्ण देशाला हादरवून सोडणाऱ्या श्रद्धा वालकर हत्याकांड प्रकरणात आता पोलीस तपासात दररोज नवनवे आणि धक्कादायक खुलासे होत आहे. आरोपी आफताबनं श्रद्धाची कवटी फोडण्यासाठी हातोड्याचा आणि मृतदेहाचे तुकडे करण्यासाठी करवतीचा वापर केल्याचा खुलासा पोलीस तपासात झालेला आहे. याशिवाय आफताबच्या खोलीतून आणि दिल्लीलगतच्या जंगलातून श्रद्धा वालकरच्या मृतदेहाचे अवशेष जप्त करण्यात आले आहेत. परंतु या प्रकरणाचा तपास सुरू असताना आफताब निवांत आणि चालाखीनं जबाब देत असल्याचं पोलिसांच्या निदर्शनास आलं आहे. त्यातच आता तो दिल्लीतील तिहाड जेलमध्ये बुद्धीबळ खेळत असल्याचीही माहिती समोर आली आहे. श्रद्धाची हत्या करूनही कोणताही पश्चाताप नसल्याचं वक्तव्य आरोपी आफताबनं यापूर्वी केलं होतं.

मिळालेल्या माहितीनुसार, श्रद्धा वालकर हत्या प्रकरणातील आरोपी आफताबच्या पाच पॉलिग्राफी टेस्ट करण्यात आल्या असून नार्को टेस्टही पूर्ण झाली आहे. त्यात त्यानं श्रद्धाची हत्या एकट्यानंच केली असून अन्य कुणाचा यात सहभाग नसल्याचं सांगितलं. त्यानंतर त्याला तुरुंगात पाठवण्यात आलं. परंतु फॉरेन्सिक अधिकाऱ्यांचं विशेष पथक त्याचा जबाब नोंदवण्यासाठी जेव्हा दिल्लीतील तिहाड जेलमध्ये पोहचलं तर त्यांना आश्चर्याचा धक्का बसला. कारण आरोपी आफताब जेलमधील इतर कैद्यांसोबत बुद्धीबळ खेळत होता. त्यामुळं फॉरेन्सिक विभागाचे अधिकारी सुरक्षा रक्षकांवर चांगलेच भडकले होते. त्यानंतर त्याचा जबाब नोंदवण्यात आला आहे.

मविआच्या निर्णयांना दिलेल्या स्थगितीवरून हायकोर्टाचा शिंदे सरकारला दणका; दिले महत्त्वपूर्ण आदेश

आरोपी आफताब पुनावालानं श्रद्धा वालकरच्या मृतदेहांचे तुकडे करण्यासाठी खास चीनी चाकुचा वापर केल्याची माहिती समोर आली आहे. याबाबतही पोलिसांनी तपास सुरु केला आहे. याशिवाय श्रद्धाचा मृतदेह आफताबच्या खोलीत असताना त्याला भेटण्यासाठी एक तरुणी त्याच्या खोलीत आली होती. त्यानंतर आता पोलिसांनी या तरुणीचीही चौकशी केल्याचं समजतं.

Petrol Diesel rates 03 November : मुंबईत पेट्रोल १०६.३१ रुपये तर डिझेल ९७.२७ रुपये, पहा आजचे दर