Raj Thackeray: राज ठाकरेंची भूतदया; जखमी म्हैस पाहून थांबवली गाडी, म्हशीच्या अंगावर पांघरली भगवी शाल

रायगड - मनसे अध्यक्ष राज ठाकरे आणि त्यांच्या पत्नी शर्मिला ठाकरेआज रायगड दौऱ्यावर होते. आज राज ठाकरेंनी सपत्निक अष्टविनायकांपैकी एक असलेल्या बल्लाळेश्वराचं दर्शन घेतलं. या दौऱ्यात राज ठाकरे (Raj Thackeray) यांच्या पशूदयेचे दर्शनघडलं. पालीहून बल्लाळेश्वराचे दर्शन घेऊन परत येताना त्यांनी पाहिले की, रस्त्यात एका म्हशीचा अपघात झाला होता. राज यांचा ताफा अपघातग्रस्त म्हैशीच्या जवळ येताच त्यांनी चालकाला गाडी थांबवण्याच्या सूचना दिल्या. त्यानंतर राज गाडीतून खाली उतरले व त्यांनी जखमी म्हैशीच्या अंगावर शाल पांघरली. (raj Thackeray puts orange shawl on injured buffalo) राज यांनी म्हैशीच्याअंगावर जी शाल पांघरली ती भगव्या रंगाची होती. म्हशीच्या मालकालाही राज ठाकरे यांनी आर्थिक मदत केल्याचे सांगण्यात येत आहे.

राज ठाकरे आणि त्यांच्या पत्नी शर्मिला ठाकरे यांनी बल्लाळेश्वराचं दर्शन घेतल्यानंतर पाली येथील कोनजाई देवीचे दर्शन घेतले.राज ठाकरे दरवर्षी नवरात्रीच्या काळात कोनजाई मातेचे आशीर्वाद घेण्यासाठी येत असतात. कोनजाई देवी ही ठाकरेंची कुलदेवता असल्याची बोलले जात आहे.

पालीवरुन मुंबईला परतत असताना रस्त्यावर म्हशीचा अपघात झाल्याचं पाहून राज यांनी आपली गाडी थांबली. अज्ञात गाडीच्या धडकेत म्हैस जखमी झाली होती. वेदनेने विव्हळणारी म्हैस पाहून राज ठाकरेंना गहिवरुन आले. त्यांनी विचारपूस करुन म्हैशीच्या मालकाला आर्थिक मदत केली, तसेच म्हशीच्या अंगावर पांघरण्यासाठी भगवी शाल दिली.