Live News Updates 20 March 2023 : पार्श्वगायिका उषा मंगेशकर यांनी घेतली राज्यपाल रमेश बैस यांची भेट

मुंबई : पुणे जिल्ह्यातील सन १९६१ च्या पानशेत पुरानंतर विस्थापित झालेल्या लोकांच्या पुनर्वसित सहकारी सोसायट्यांना भाडेपट्याने देण्यात आलेल्या जमिनीसंदर्भात शासन सकारात्मक आहे. याबाबत मालक आणि भाडेकरू यांचे हक्क अबाधित ठेवून लवकरच योग्य तो निर्णय घेण्यात येईल, असे उच्च व तंत्र शिक्षण मंत्री तथा पुण्याचे पालकमंत्री चंद्रकात पाटील यांनी सांगितले.

देशांतर्गत शेअर बाजार सोमवारी घसरणीसह बंद झाले. बीएसई सेन्सेक्स ३६१ अंकांनी म्हणजेच ०.६२ टक्क्यांनी घसरला आणि ५७,६२८.९५ अंकांच्या पातळीवर बंद झाला. त्याचप्रमाणे एनएसई निफ्टी १११.६५ अंकांच्या घसरणीसह म्हणजेच ०.६५ टक्क्यांच्या घसरणीसह १६,९८८.४० अंकांच्या पातळीवर बंद झाला. एफएमसीजी क्षेत्र वगळता इतर सर्व क्षेत्रीय निर्देशांक लाल चिन्हाने बंद झाले. रिअल इस्टेट, आयटी, मेटल आणि पीएसयू बँक १-२ टक्क्यांनी घसरून बंद झाले.

आंतरराष्ट्रीय पातळीवर झालेल्या कमकूवत संकेतांच्या पार्श्वभूमीवर आज आठवड्याच्या पहिल्याच सत्रात निर्देशांकांची सुरुवात खराब झाली आहे. सेन्सेक्समध्ये आज सुरुवातीलाच २१६. ३५ अंश (०.३७ टक्के) घसगुंडी नोंदवत तो अंदाजे ५७७७३.५५ अंश पातळीवर खुला झाला आहे. निफ्टीतही आज ३३.४५ अंशांची (०.२० टक्के) घट नोंदवत तो १७,०६६.६० अंश पातळीवर खुला झाला.

अर्थसंकल्पीय अधिवेशनाचा शेवटचा आठवडा सुरु होतोय. अर्थसंकल्पीय अनुदानाच्या मागण्यावरती चर्चा आणि उत्तर होईल. मुंबईच्या चर्चेवरती सत्ताधारी आमदारांनी अनेक गंभीर आरोप केले आहेत. यावरती नगरविकास विभागाचे प्रमुख म्हणून मुख्यमंत्री उत्तर देतील.

महापालिकेने केलेली कर दरवाढ, स्वच्छतेचा प्रश्न, महापालिकेच्या प्रशासनाचा उडालेला बोजवारा या सर्व मुद्द्यांविरोधात वंचित बहुजन आघाडीचा आज मोर्चा काढणार आहेत. आगामी महापालिका निवडणुकीच्या अनुषंगाने या मोर्चाद्वारे शक्तिप्रदर्शन करण्याचा वंचितचा प्रयत्न आहे.

जी २० परिषदेच्या सिव्हिल ट्वेंटी या उपसमितीची दोन दिवसीय बैठक आजपासून नागपुरात सुरू होतीये. सकाळी ९ वाजता बैठकीला सुरुवात होणार असून सकाळच्या सत्रात विकास आणि पर्यावरणीय समतोल या विषयावरील चर्चासत्र होणार आहे. दुपारी ३ वाजता सिव्हिल ट्वेंटी (c20) बैठकीचा औपचारिक उद्घाटन होणार असून त्यामध्ये आध्यात्मिक नेत्या माता अमृतानंदमयी या अध्यक्ष असणार आहे. उद्घाटन सोहळ्यात नोबल शांतता पारितोषिक विजेता कैलास सत्यार्थी यांच्यासह उपमुख्यमंत्री देवेंद्र फडणवीस ही उपस्थित राहणार आहे.