Curry Masala Powder: आरोग्याची काळजी घेण्यासाठी घरीच बनवा हा करी मसाला, जेवण चविष्ट बनवेल ही रेसिपी
Curry Masala Powder: जेवणाची चव वाढवण्यासाठी त्यात विविध मसाले टाकले जातात. बाजारातील मसाल्यांऐवजी तुम्ही घरीच मसाला पावडर बनवू शकता. जाणून घ्या करी मसाला कसा बनवायचा
Curry Masala Powder Recipe: मसाल्यांमध्ये आढळणाऱ्या हानिकारक रसायनांमुळे तुम्हाला तुमच्या कुटुंबाची काळजी वाटत असेल आणि तुम्हाला बाजारातून तयार मसाले विकत घ्यायचे नाहीत. पण मग जेवण चवदार कसे लागणार? घरगुती करी मसाला पावडर तुमची ही चिंता दूर करेल. हा मसाला कोणत्याही भाजीमध्ये घातल्यास घट्ट करी तर बनवता येतेच पण त्याची चवही अप्रतिम असते. चला तर मग जाणून घेऊया घरी चविष्ट करी मसाला पावडर कसा तयार करता येईल.
करी मसाला पावडर बनवण्यासाठी साहित्य
- दोन ते तीन सुक्या लाल मिरच्या
- अर्धी वाटी धणे
- एक ते दोन तमालपत्र
- दोन दालचिनीच्या काड्या
- १० हिरव्या वेलची
- ३ काळ्या मोठ्या वेलची
- एक चमचा काळी मिरी
- एक टीस्पून हळद
- तीन चमचे जिरे
- अर्धा चमचा पिवळी मोहरी
- एक चमचा हरभरा डाळ
- एक चमचा लवंग
- एक चमचा खसखस
- दोन चमचे कांद्याची पावडर
- चिमूटभर काळे मीठ
- एक चमचा सुका लसूण किंवा लसूण पावडर
- चिमूटभर कसुरी मेथी
करी मसाला पावडर बनवण्याची कृती
सर्वप्रथम एक फ्राय पॅन घ्या आणि या पॅनमध्ये सर्व मसाले एक एक करून कोरडे भाजून घ्या. हळद, लाल तिखट, लसूण पावडर असे पावडर मसाले ग्राउंड करायचे नाही हे लक्षात ठेवा. मसाले भाजताना लक्षात ठेवा की ते जास्त भाजले जाऊ नये. नाहीतर जळलेली चव येईल. सर्व मसाले भाजून झाल्यावर बाजूला ठेवा आणि थोडे थंड होऊ द्या. थंड झाल्यावर हे सर्व मसाले ग्राइंडरच्या भांड्यात ठेवा. नंतर बारीक पावडर करा. दोन ते तीन वेळा बारीक करा. जेणेकरून सर्व मसाले चांगले बारीक होतील. आणि कोणतेही मसाले जाड राहू नयेत. आता हे सर्व मसाले चाळणीने गाळून घ्या. जेणेकरून उरलेले खडे मसाले वेगळे होतात.
हे मसाले पुन्हा ग्राइंडरच्या भांड्यात टाकून बारीक करा. तुमची करी मसाला पावडर तयार आहे. ही एअर टाइट डब्यात भरून ठेवा. हे मसाले चवदार असण्यासोबतच आरोग्यासाठीही हानिकारक नाहीत.
संबंधित बातम्या