Complaint against Gadkari : नागपुरात मते मागण्यासाठी नितीन गडकरींकडून प्रभू रामाचा गैरवापर; उमेदवारी रद्द करण्याची मागणी

हेही वाचाः 'मुनगंटीवारांना आम्ही 'शिलाजित' देऊ...' गडकरींच्या वक्तव्यावर काँग्रेसची टीका

 ‘नितीन गडकरी यांनी निवडणूक प्रचार मोहिमेमध्ये धर्माचा आधार घेत मतदारांवर प्रभाव टाकण्याचा प्रयत्न केला आहे. भगवान श्रीराम दर्शविणारी पोस्टर्स वापरली गेली आहेत, ज्यामुळे आदर्श निवडणूक आचार संहितेचे उल्लंघन झाले आहे. भाजपाचा हा प्रकार अनैतिक असून धार्मिक मतदारांचे ध्रुवीकरण करणारा आहे. भाजपाने या पोस्टर्सचा वापर काँग्रेस पक्षाविरुद्ध द्वेष पसरवण्यासाठीही केला आहे. भाजपा व नितीन गडकरी यांनी केलेला प्रकार आचार संहितेचे उल्लंघन करणारा असून निवडणुक आयागाने तात्काळ नितीन गडकरी यांची उमेदवारी रद्द करावी तसेच भाजपवर योग्य दंड ठोठावण्याची त्वरित कारवाई करावी.’ अशी मागणी लोंढे यांनी केली आहे.

राहुल गांधींवर कारवाई; भाजपला सूट

भारतीय जनता पक्षाचे नेते सर्व नियम धुडकावत असताना निवडणूक आयोग मात्र सत्ताधारी भाजपावर कोणतीच कारवाई करत नाही. सरकारी यंत्रणा भाजपाच्या कठपुतळ्या बाहुल्या झाल्या आहे. निवडणूक आयोगाकडून काँग्रेस नेते राहुल गांधी यांच्या हेलिकॉप्टरची तपासणी केली गेली. परंतु भाजपा नेत्यांवर कारवाई करण्यास निवडणूक आयोग मात्र घाबरते. यावरून निवडणुका पारदर्शी घेण्याच्या जबाबदारीपासून निवडणूक आयोग दूर पळत असून केवळ विरोधकांसाठीच आचारसंहितेचे नियम आहेत का, असा सवालही लोंढे यांनी केला आहे. 

‘शिलाजीत’ वरून झाली होती गडकरींवर टीका 

नितीन गडकरी यांनी चंद्रपूर जिल्ह्यातील राजुरा येथे भाजप उमेदवार सुधीर मुणगंटीवार यांच्या प्रचार सभेत आक्षेपार्ह वक्तव्य केलं होतं. मुणगंटीवार यांनी 'शिलाजीत' देऊ असं वक्तव्य गडकरी यांनी केलं होतं. 

हे वाचाः 

पुन्हा सत्ता आल्यास कोणत्या खात्याचा मंत्री व्हायला आवडेल?; नितीन गडकरी काय म्हणाले पाहा!

नितीन गडकरींच्या संपत्तीत पाच वर्षात ५१ टक्क्यांची वाढ, किती आहे एकूण संपत्ती?