मराठी बातम्या  /  क्रिकेट  /  Sachin Tendulkar: विराट दुसऱ्यांदा झाला बाबा; खास मेसेज लिहून सचिन तेंडुलकरनं केलं अभिनंदन

Sachin Tendulkar: विराट दुसऱ्यांदा झाला बाबा; खास मेसेज लिहून सचिन तेंडुलकरनं केलं अभिनंदन

Ashwjeet Rajendra Jagtap HT Marathi
Feb 21, 2024 12:13 PM IST

Sachin Tendulkar Congratulate Virat Anushka: विराट आणि अनुष्का शर्माने त्यांच्या दुसऱ्या बाळाला जन्म दिल्यानंतर भारताचा माजी क्रिकेटपटू सचिन तेंडुलकर यांनी या जोडप्याला शुभेच्छा दिल्या आहेत.

Sachin Tendulkar congratulated Virat Kohli and Anushka Sharma
Sachin Tendulkar congratulated Virat Kohli and Anushka Sharma

Virat Kohli, Anushka Sharma welcome baby Akaay: टीम इंडियाचा माजी कर्णधार विराट कोहली आणि त्याची पत्नी अनुष्का शर्मा यांनी मंगळवारी आपल्या दुसऱ्या मुलाच्या जन्माची घोषणा केली. सोशल मीडियावर या मोठ्या घोषणेनंतर महान फलंदाज सचिन तेंडुलकरने ट्विटरवर एक सुंदर नोट लिहून या जोडप्याचे अभिनंदन केले.

कोहली आणि अनुष्काने आपापल्या सोशल मीडिया हँडलवर एक पोस्ट शेअर करत वामिकाचा 'छोटा भाऊ' अकायचे स्वागत केले आणि या क्षणी प्रायव्हसीची विनंतीही केली. “आम्हाला सर्वांना हे सांगताना आनंद होत आहे की, १५ फेब्रुवारी रोजी आम्ही आमचा धाकटा मुलगा अकाय आणि वामिकाच्या लहान भावाचे या जगात स्वागत केले! आमच्या आयुष्यातील या सुंदर काळात आम्ही तुमचा आशीर्वाद आणि शुभेच्छा आमच्यासोबत आहेत." याचबरोबर जोडप्यांनी त्यांची गोपनीयता जपण्याचेही विनंती केली.

भारताचा माजी क्रिकेटपटू सचिन तेंडुलकरने कोहली आणि अनुष्काला त्यांच्या सुंदर कुटुंबात मौल्यवान भर घातल्याबद्दल शुभेच्छा दिल्या आहेत. सचिन तेंडुलकर यांनी आपल्या ट्विटमध्ये लिहिले आहे की, अकायच्या आगमनाबद्दल विराट आणि अनुष्काचे अभिनंदन, आपल्या सुंदर कुटुंबात एक मौल्यवान भर! ज्याप्रमाणे त्याच्या नावाने घर उजळून निघते, त्याचप्रमाणे तो तुमचे जग अनंत आनंदाने आणि हास्याने भरून टाकेल. येथे असे साहस आणि आठवणी आहेत ज्या आपण कायम जपून ठेवाल. जगात तुमचे स्वागत आहे, लिटिल चॅम्पियन!"

कोहली आणि अनुष्का २०१७ मध्ये विवाहबंधनात अडकले होते आणि जानेवारी 2021 मध्ये वामिकाच्या जन्मानंतर ते पहिल्यांदा आई-वडील बनले होते. ऑस्ट्रेलियात परदेशात मालिका सुरू असलेल्या कोहलीने वामिकाच्या जन्माच्या वेळी अनुष्कासोबत राहण्यासाठी क्रिकेटमधून विश्रांती घेतली होती. २०२०- २१ मालिकेतील अॅडलेडमधील पहिली कसोटी संपल्यानंतर भारताचा स्टार फलंदाज मायदेशी परतला. कोहलीच्या ऑस्ट्रेलिया दौऱ्यापूर्वीच या जोडप्याने अनुष्काच्या गरोदरपणाची घोषणा केली होती, यावेळी त्यांनी ही बातमी माध्यमांपासून दूर ठेवण्याचा निर्णय घेतला होता.

Watch : सानियाचं नाव ऐकताच सना जावेद चिडली! PSL सामन्यात पाकिस्तानी चाहत्यांनी दिल्या सानिया मिर्झाच्या घोषणा

घरच्या मैदानावर पाच सामन्यांच्या इंग्लंड कसोटी मालिकेत अनुपस्थित राहण्यामागचे वैयक्तिक कारण कोहलीच्या या पोस्टवरून स्पष्ट झाले आहे. तो सुरुवातीला पहिल्या दोन सामन्यांसाठी १७ जणांच्या संघाचा भाग होता आणि सलामीसाठी हैदराबादला ही गेला होता. मात्र, त्याने मालिकेतील पहिल्या दोन सामन्यातून माघार घेतली. बेन स्टोक्स आणि त्याच्या सहकाऱ्यांविरुद्धच्या शेवटच्या तीन सामन्यांसाठी तो पुनरागमन करेल, अशी अपेक्षा होती, परंतु तो खेळला नाही. २०११ मध्ये क्रिकेटमध्ये पदार्पण केल्यानंतर कोहलीने पहिल्यांदाच घरच्या कसोटी मालिकेला मुकावे लागले आहे.

गेल्या महिन्यात घरच्या मैदानावर अफगाणिस्तानविरुद्ध च्या टी-२० मालिकेत भारताकडून शेवटचा सामना खेळलेला कोहली आयपीएल २०२४ च्या मोसमात रॉयल चॅलेंजर्स बेंगळुरूकडून पुनरागमन करण्याची शक्यता आहे. जूनमध्ये होणाऱ्या टी-२० विश्वचषकाच्या तयारीसाठी ही स्पर्धा फलंदाजांसाठी महत्त्वाची ठरणार आहे.

IPL_Entry_Point