Swapnil Padale: कुस्तीचा सराव करताना पैलवानाचा हार्ट अटॅकमुळं मृत्यू; दुर्दैवी घटनेनं पुण्यात शोककळा
Mar 08, 2023, 04:26 PM IST
- Wrestler Swapnil Padale : गेल्या काही दिवसांपासून स्वप्नील मारुंजीच्या तालिमीत कुस्तीचा सराव करत होता. नवख्या मुलांनाही तो कुस्तीचे धडे देत होता. त्याच्या निधनामुळं पुण्यात शोककळा पसरली आहे.
Wrestler Swapnil Padale : गेल्या काही दिवसांपासून स्वप्नील मारुंजीच्या तालिमीत कुस्तीचा सराव करत होता. नवख्या मुलांनाही तो कुस्तीचे धडे देत होता. त्याच्या निधनामुळं पुण्यात शोककळा पसरली आहे.
- Wrestler Swapnil Padale : गेल्या काही दिवसांपासून स्वप्नील मारुंजीच्या तालिमीत कुस्तीचा सराव करत होता. नवख्या मुलांनाही तो कुस्तीचे धडे देत होता. त्याच्या निधनामुळं पुण्यात शोककळा पसरली आहे.
Wrestler Swapnil Padale Passed Away In Kothrud Pune : मोठ्या जल्लोषात पार पडलेल्या महाराष्ट्र केसरी उत्साह संपत असतानाच आता पुण्यातून कुस्तीक्षेत्रासाठी वाईट बातमी समोर आली आहे. कुस्तीचा सराव करत असताना एका पैलवानाला ह्रदयविकाराचा झटका आल्यामुळं त्याचा मृत्यू झाल्याची घटना समोर आली आहे. स्वप्नील पाडाळे असं हार्ट अटॅकमुळं मृत्यूमुखी पडलेल्या कुस्तीगीराचं नाव आहे. पैलवान स्वप्नीलच्या अकाली निधनामुळं पुण्यासह संपूर्ण महाराष्ट्रात हळहळ व्यक्त केली जात आहे. गेल्या अनेक दिवसांपासून स्वप्नील पुण्यातील मारुंजीच्या मामासाहेब मोहोळ कुस्ती संकुलात कुस्तीचा सराव करत होता. आज सकाळी साडेसात वाजेच्या सुमारास तालिमीत कुस्तीचा सराव करत असतानाच त्याला ह्रदयविकाराचा तीव्र झटका आल्यामुळं त्यानं घटनास्थळीच अखेरचा श्वास घेतला आहे.
Google Doodle Hamida Banu : भारतातील पहिली महिला कुस्तीपटू जिला पुरुष पैलवानही हरवू शकला नाही, जाणून घ्या
Vijay Chaudhari DGP Medal : ट्रिपल महाराष्ट्र केसरी विजय चौधरी यांना 'पोलीस महासंचालक सन्मानचिन्ह'
who is D Gukesh : बुद्धिबळाचा नवा चाणक्य डी गुकेश कोण आहे? वयाच्या १७व्या वर्षी जिंकली कँडिडेट्स चेस टूर्नामेंट
Paris Olympics 2024: पॅरिस ऑलिम्पिकच्या खेळाडूंमध्ये वाटले जाणार ३ लाख कंडोम; 'हे' आहे कारण
मिळालेल्या माहितीनुसार, स्वप्नील पाडाळे हा गेल्या काही दिवसांपासून मारुंजीच्या मामासाहेब मोहोळ कुस्ती संकुलात कुस्तीचा सराव करण्याबरोबर नवख्या तरुणांना कुस्तीचे धडेही शिकवत होता. स्वप्नील महाराष्ट्र चॅम्पियन राहिलेला असल्यामुळं त्याला अनेक कुस्तीगीर वस्ताद मानत होते. नेहमीप्रमाणे पहाटे लवकर उठून तो मारुंजीतील तालिमीत सरावासाठी आला होता. सपाट्या मारताना त्याला हार्ट अटॅकचा झटका आला आणि तो जमीनीवर कोसळला. त्यावेळी तेथील इतर पैलवानांना ही बाब लक्षात येताच त्यांनी स्वप्नीलला तातडीनं उपचारासाठी रुग्णालयात दाखल केलं. परंतु तोपर्यंत त्याचा मृत्यू झालेला होता.
कुस्तीची पंढरी समजल्या जाणाऱ्या कोल्हापुरनंतर राज्यातील अनेक ठिकाणाहून तरुण कुस्तीचे धडे घेण्यासाठी पुण्यात दाखल होत असतात. नामवंत वस्ताद आणि अनेक माजी महाराष्ट्र केसरी कुस्तीपटूंचं मार्गदर्शन मिळत असल्यामुळं तरुणाई मोठ्या प्रमाणात कुस्ती या पारंपरिक खेळाकडे वळत आहे. परंतु आता पैलवान स्वप्नील पाडाळेचं अकाली निधन झाल्यामुळं कुस्तीक्षेत्रावर मोठी शोककळा पसरली आहे.