Kandivali: कांदिवलीत अनैतिक संबंधातून भयानक कांड; उत्तर प्रदेशातून येऊन प्रेयसीच्या पतीचा काढला काटा

Mumbai Police: कांदिवलीत दिवसाढवळ्या एका व्यक्तीची गोळ्या झाडून हत्या करण्यात आली आहे. ही घटना रविवारी कांदिवलीतील एकतानगर महिला आधार केंद्राजवळ घडली. याप्रकरणी पोलिसांनी आरोपीला उत्तर प्रदेशमधून अटक केली आहे. मृताच्या पत्नी आणि आरोपी यांच्यात संबंध होते. याच संबंधातून आरोपीने उत्तर प्रदेशातून मुंबईत आल्यानंतर तिच्या पतीची हत्या केली. आरोपीला लोकल कोर्टात हजर केले असता पोलीस कोठडी सुनावली आहे.

मनोज चौहान असे हत्या झालेल्या व्यक्तीचे नाव आहे. मनोजच्या पत्नी आणि दोन मुले उत्तर प्रदेशात राहतात. तिचे या गावात राहणाऱ्या रोहित पाल (वय, २३) याच्याशी अनैतिक संबंध होते. या संबंधाची माहिती मनोजला समजल्यानंतर त्यांच्यात प्रचंड वाद झाला. यानंतर मनोज मुंबईत आला. येत्या २ जूनला मनोज पुन्हा उत्तर प्रदेशात जाणार होता. मात्र, त्यापूर्वीच रोहितने मुंबईत येऊन त्याची गोळ्या झाडून मनोजची हत्या केली आणि उत्तर प्रदेशात पळून गेला. ही माहिती मिळताच कांदिवली पोलिसांनी उत्तर प्रदेश पोलिसांच्या मदतीने रोहितला प्रयागराज रेल्वे स्थानकातून अटक केली.

Palghar Drown: पालघरच्या डहाणू येथील साखरा डॅमला पोहण्यासाठी गेलेले ३ जण बुडाले

याप्रकरणी पोलीस रोहितची कसून चौकशी करत आहेत. या हत्येत मनोजच्या पत्नीचा सहभाग आहे का? याचाही पोलीस शोध घेत आहेत. लवकरच तिची चौकशी केली जाणार आहे. या चौकशीनंतर पोलीस पुढील कारवाईला सुरुवात करणार आहेत.