Kothrud Crime News : पुण्यातील कोथरुडमध्ये थरार, युवकावर कोयत्यानं हल्ला; नागरिकांमध्ये घबराट

Kothrud Pune Crime News Marathi : किरकोळ वादातून पुणे शहरातील कोथरुडमध्ये एका युवकावर कोयत्यानं वार करण्यात आल्याची धक्कादायक घटना समोर आली आहे. त्यामुळं परिसरात खळबळ उडाली असून तरुणावर प्राणघातक हल्ला करण्यात आल्यानं कोथरुडमधील नागरिकांमध्ये घबराटीचं वातावरण निर्माण झालं आहे. त्यानंतर आता पोलिसांनी प्रकरणाची चौकशी करून दोन आरोपींविरोधात गुन्हा दाखल केला असून त्यांना अटक करण्याची कार्यवाही सुरू आहे.

मिळालेल्या माहितीनुसार, यश कालीदास जगताप नावाचा तरुण साईनाथ वसाहतीत मित्रांसोबत गप्पा मारत थांबलेला होता. त्यावेळी त्याच्या ओळखीचे सचिन शंकर कदम आणि प्रवीण शंकर कदम नावाचे दोन तरुण तिथं आले. थोडा वेळ त्यांच्या चर्चा झाल्यानंतर अचानक वादावादीला सुरुवात झाली. सुरुवाताली यशच्या मित्रांनी वाद मिटवण्याचा प्रयत्न केला. परंतु यश आणि आरोपींमध्ये शिवीगाळ झाल्यानंतर प्रकरण हाताबाहेर गेलं. त्यानंतर प्रवीण आणि सचिन यांनी यशवर कोयत्यानं वार करत त्याच्यावर हल्ला करण्याचा प्रयत्न केला. त्यानंतर यशनं आरडाओरड केल्यानंतर आरोपींनी घटनास्थळावरून पळ काढला.

महाराष्ट्रातील ग्रामस्थ पोहचले गुजरातच्या तहसील कार्यालयात; सीमावादाच्या लढाईचा नवा अंक

या हल्ल्याची माहिती समजताच परिसरातील अनेक लोकांनी घटनास्थळी गर्दी केली होती. त्यानंतर या घटनेची माहिती समजताच कोथरूड पोलिसांनी तात्काळ घटनास्थळी धाव घेतली. त्यानंतर उपस्थितांनी जखमी यशला उपचारासाठी रुग्णालयात दाखल केलं असून पोलिसांनी सचिन आणि प्रवीण या दोन आरोपींविरोधात गुन्हा दाखल केला आहे. आरोपींना अटक करण्यासाठी पोलिसांनी शोधमोहीम सुरू केली असून पुढील तपास पोलीस उपनिरीक्षक फडतरे करत आहेत.

Farmer Suicide: सरकार बदललं, शेतकऱ्यांचं नशीब बदललं नाही! जुलैपासून मराठवाड्यात तब्बल ४७५ आत्महत्या