Ayurveda Tips: तुमची वेट लॉस जर्नी सोपी करु शकतात 'हे' आयुर्वेदिक उपाय, कोणतेही दुष्परिणाम नाहीत

Best Ayurvedic Tips for Weight Loss: अतिलठ्ठपणामुळे व्यक्तीचे व्यक्तिमत्त्व तर बिघडतेच, शिवाय त्याचा आत्मविश्वासही डळमळतो. आजच्या काळात प्रत्येक दुसरी व्यक्ती लठ्ठपणाच्या समस्येने त्रस्त आहे. यातून सुटका मिळवण्यासाठी ते कधी डायटिंग तर कधी तासनतास जिममध्ये घाम गाळत असतात. असे असूनही काही वेळा निराशाच होते. जर तुम्ही वेळीच लक्ष दिले नाही तर तुम्ही इतर अनेक गंभीर आजारांना बळी पडू लागतो. अशा वेळी स्वत:ला निरोगी आणि तंदुरुस्त ठेवण्यासाठी वजनावर नियंत्रण ठेवणे खूप महत्वाचे ठरते. जर तुम्ही वजन कमी करण्यासाठी अनेक पद्धती ट्राय करून थकला असाल तर तुमच्या डाएट आणि वर्कआऊट व्यतिरिक्त हे ५ आयुर्वेदिक उपाय ट्राय करा. विशेष म्हणजे वजन कमी करण्याचे हे आयुर्वेदिक उपाय तुम्ही कोणत्याही टेन्शनशिवाय अवलंबू शकता कारण त्यांचे कोणतेही दुष्परिणाम होत नाहीत.

World Kidney Day: हे ५ फूड आहेत तुमच्या किडनीचे बेस्ट फ्रेंड, आजच करा आहारात समावेश

वजन कमी करण्यासाठी आयुर्वेदिक उपाय

दालचिनी

वजन कमी करण्यासाठी तुम्ही दालचिनीला आपल्या आहाराचा भाग बनवू शकता. हे शरीराचा चयापचय दर वाढवून वजन कमी करण्यास मदत करते. हा उपाय करण्यासाठी तुम्ही त्याचा चहा किंवा आहारात समावेश करू शकता. दालचिनीचे पाणी शरीरातील चरबीच्या पेशी नष्ट करण्यास मदत करते. दालचिनीचे नियमित सेवन केल्याने शरीरातील चरबी बर्न होण्यास मदत होते.

आलं

आल्याचा वापर केवळ जेवणाची चव वाढवण्यासाठीच नाही तर वजन कमी करण्यासाठीही केला जाऊ शकतो. यामध्ये असलेले अँटी ऑक्सिडेंट आणि अँटी इंफ्लेमेटरी गुणधर्म फ्री रॅडिकल्सशी लढून शरीराची जळजळ कमी करण्यास मदत करतात. आल्याचे पाणी नियमित घेतल्याने वजन कमी होण्यास मदत होते.

सतीश कौशिक यांचे हार्ट अटॅकने झाले निधन, धोक्याच्या काही महिन्यांपूर्वी दिसतात 'ही' लक्षणे

हळद

हळद त्याच्या औषधी गुणधर्मांसाठी ओळखली जाते. हळदीचा मुख्य घटक कर्क्युमिन फॅट टिश्यूच्या वाढीस प्रतिबंध करतो. याव्यतिरिक्त, हळदीच्या चहाचे नियमित सेवन केल्याने आपल्या पाचन तंत्रावर आणि चयापचयवर सकारात्मक परिणाम होतो.

गिलॉय

गिलॉयचा उपयोग केवळ प्रतिकारशक्ती वाढवण्यासाठीच नाही तर आतड्यांचे आरोग्य सुधारण्यासाठी देखील केला जातो. गिलॉय शिलाजीत किंवा कोरफड सोबत घेतल्यास ते पचनसंस्था सुधारते आणि वजन कमी करण्यास देखील मदत करते.

World Obesity Day: लठ्ठपणा वेळीच करा कंट्रोल, अन्यथा 'या' ४ समस्या करु शकतात हल्ला

मेथी

वजन कमी करण्यासाठी मेथीचे दाणे खूप फायदेशीर मानले जातात. तुमची पचनक्रिया सुधारण्यासोबतच शरीरातील चयापचय क्रियाही मजबूत करते. वजन कमी करण्यासाठी मेथीचे दाणे ग्लासभर पाण्यात भिजवा. दुसऱ्या दिवशी सकाळी या पाण्याने दिवसाची सुरुवात करा.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)