Kailash Kher: कर्नाटकातील कार्यक्रमादरम्यान गायक कैलाश खेरवर हल्ला; आरोपीला पोलिसांकडून अटक

Attack On Kailash Kher : आपल्या आवाजामुळे आणि वक्तव्यांमुळे नेहमीच चर्चेत राहणारे प्रसिद्ध गायक कैलाश खेर आज वेगळ्याच कारणामुळे प्रसिद्धी झोतात आले आहेत. कर्नाटकमध्ये एका कॉन्सर्टदरम्यान कैलाश खेर यांच्यावर जीवघेणा हल्ला झाला आहे. मीडिया रिपोर्टनुसार कर्नाटकात एका कॉन्सर्टदरम्यान गायक कैलाश खेर यांच्यावर हल्ला करण्यात आला आहे. या कॉन्सर्टदरम्यान कैलाश खेर यांना बाटली फेकून मारण्यात आली होती. मात्र, घटनास्थळी उपस्थित असलेल्या पोलिसांनी तातडीने कारवाई करत कैलाश खेर यांच्यावर हल्ला करणाऱ्या व्यक्तीला अटक केली.

कर्नाटकातील हम्पी शहरात कैलाश खेर यांच्या म्युझिक कॉन्सर्टमध्ये प्रचंड गर्दी जमली होती. याच दरम्यान त्यांच्यावर हल्ला झाला. कैलाश खेर यांनी आपल्या ट्विटर अकाऊंटवर हम्पीतील या कार्यक्रमाची माहिती दिली होती.

Bigg Boss 16: शिव ठाकरे आणि प्रियांका चौधरीला मागे टाकत ‘ही’ स्पर्धक ठरली पहिली फायनलिस्ट!

हंपीमध्ये सुरू असलेल्या कॉन्सर्टमध्ये झालेल्या हल्ल्यानंतर गायक कैलाश खेर यांच्या प्रकृतीबाबत कोणतीही माहिती समोर आलेली नाही. कैलाश आणि त्याचा बँड या मैफिलीत सहभागी झाले होते. या हल्ल्यामागचे प्राथमिक कारण देखील समोर आले आहे. या कॉन्सर्टदरम्यान एका व्यक्तीने कैलाश यांच्याकडे कन्नड गाणे गाण्याची वारंवार मागणी केली होती. मात्र, त्याची विनंती कैलाश खेरपर्यंत न पोहोचल्याने सदर व्यक्तीने त्याच्या दिशेने बाटली भिरकावून लावली होती. पोलिसांच्या चौकशीतही हल्लेखोराने असेच वक्तव्य केले आहे.

Taraka Ratna: ज्युनियर एनटीआरच्या भावाची प्रकृती खालावली; तारक रत्न अजूनही कोमामध्येच!