Pooja Bhatt: पुरुषांपेक्षा महिला जास्त दारू पिऊ शकतात! ‘हे’ काय म्हणाली अभिनेत्री पूजा भट्ट?
Pooja Bhatt: पुरुषांपेक्षा महिला जास्त दारू पिऊ शकतात! ‘हे’ काय म्हणाली अभिनेत्री पूजा भट्ट?
Apr 25, 2024 08:43 PM IST
Pooja Bhatt: 'टिप्सी' या चित्रपटामध्ये एका मद्यधुंद मुलींची कथा दाखवण्यात आली आहे. पूजा भट्टने या चित्रपटाच्या ट्रेलर लाँचच्या वेळी दारूबद्दल भाष्य केलं आहे.
(1 / 5)
बॉलिवूड अभिनेत्री-दिग्दर्शिका पूजा भट्ट नेहमीच तिच्या वक्तव्यांमुळे चर्चेचा विषय राहिली आहे. आता ती तिचा मित्र दीपक तिजोरी याच्या आगामी 'टिप्सी' या चित्रपटाच्या ट्रेलर लॉन्चमध्ये दिसली होती. या चित्रपटाच्या ट्रेलर लॉन्चदरम्यान पूजा भट्ट पुन्हा एकदा तिच्या व्यसनाबद्दल बोलली आहे. एवढेच नाही, तर काळ बदलला असून, आता चित्रपटांमध्ये महिलांना कमकुवत दाखवले जात नाही, असेही ती म्हणाली. वाचा काय म्हणाली पूजा भट्ट…
(2 / 5)
'टिप्सी' या चित्रपटामध्ये एका मद्यधुंद मुलींची कथा दाखवण्यात आली आहे. पूजा भट्टने या चित्रपटाच्या ट्रेलर लाँचच्या वेळी दारूबद्दल बोलताना म्हटले की, 'मी या मंचावर उभी आहे आणि मी न डगमगता सांगू शकते की, मी एकेकाळी मद्यपी होते, मी गेल्या साडे सात वर्षांपासून दारूला हात लावलेला नाही. दारू पिणे आणि नंतर दारू सोडणे ही केवळ पुरुषाची मक्तेदारी नसून, ती महिलांचीही सवय असू शकते. हेच यातून दिसून येते.
(3 / 5)
पूजा भट्ट पुढे म्हणाली की, ‘आम्हीही मद्य पिऊ शकतो, आपण मद्यधुंद होऊन, पुन्हा स्वतःला सावरू देखील शकतो. आम्हालाही तितक्याच वेदना आणि एकटेपणा जाणवतो. आणि हो…आम्ही स्त्रीया बहुतेक पुरुषांना दारू पिण्याच्या बाबतीत मागे टाकू शकतो. कारण आमची वेदना सहन करण्याची क्षमता त्यांच्यापेक्षा जास्त आहे.’
(4 / 5)
यानंतर ‘टिप्सी’ या चित्रपटाविषयी बोलताना पूजा भट्ट म्हणाली की, ‘आजच्या काळात लोक खूप तणावाखाली आहेत, त्यांच्यावर कामाचा ताण आहे आणि अनेक समस्या आहेत. मग, तो व्यवसाय कोणताही असो, अशा परिस्थितीत दारू सगळ्यांची दोस्त बनली आहे.’
(5 / 5)
ताणाच्या दरम्यान अनेक लोक दारूच्या आहारी जातात. मात्र, ही सवय तुमच्यासाठी धोकादायक देखील ठरू शकते. मला आनंद आहे की, या चित्रपटात स्त्रिया लीड भूमिकेत आहेत आणि यात पुरुषांच्या दृष्टीकोनातून कोणत्याही गोष्टी दाखवल्या गेल्या नाहीत’, असे पूजा भट्ट म्हणाली.
इतर गॅलरीज