खळबळजनक.. विमानतळावर पडलेल्या बॅगमध्ये आढळले ७२ साप, १७ किंग कोब्रा अन् ६ माकडं; कस्टम अधिकारीही हादरले

या बॅगमध्ये ६ मृत कॅपुचिन माकडेही मिळाली आहेत. हे सर्व ७८ वन्यजीव संरक्षण अधिनियम,  १९७२ अंतर्गत अनुसूचित प्राणी आहेत. त्याचबरोबर हे CITES अंतर्गतही लिस्टेड आहेत. सीमाशुल्क कायदा, 1962 च्या कलम 110 अंतर्गत प्राणी जप्त करण्यात आले. जिवंत प्राणी मूळ देशात पाठवण्यात आले असून मृत प्राण्यांची विल्हेवाट लावण्यात आली आहे, असं निवेदनात म्हटलं आहे. सध्या या संपूर्ण प्रकरणाचा तपास सुरू आहे. या प्रकरणात अद्याप कोणालाही अटक करण्यात आलेली नाही.

चेन्नई विमानतळावरही जप्त केले होते १२ अजगर
काही दिवसांपूर्वी तामिळनाडूमधील चेन्नई विमानतळावर एका प्रवाशाच्या बॅगमधून १२ अजगर जप्त केले होते. अन्ना आंतराष्ट्रीय विमानतळावर ही कारवाई करण्यात आली. बँकॉकहून आलेल्या एका पुरुष प्रवाशाकडे ११ बॉल अजगर आणि एक पांढरा अजगर मिळाला. त्याच्याकडे एकूण १२ अजगर जप्त करण्यात आले. सीमा शुल्क अधिनियम १९६२ अंतर्गत ही कारवाई करण्यात आली.