Mumbai Coastal Road : मुंबईतील कोस्टल रोड अखेर खुला; कोणत्या वाहनांना परवानगी आणि टोल किती? सविस्तर वाचा

Mumbai Coastal Road Traffic Advisory: महाराष्ट्राचे मुख्यमंत्री एकनाथ शिंदे यांच्या हस्ते आज (११ मार्च २०२४) दक्षिण मुंबईतील वरळी ते मरीन ड्राइव्ह दरम्यानच्या कोस्टल रोडच्या दक्षिणेकडे जाणाऱ्या कॉरिडॉरचे उद्घाटन करण्यात आले. एकनाथ शिंदे यांनी गुरुवारी या महत्त्वाकांक्षी प्रकल्पाच्या बांधकामाची पाहणी केली होती.

मुंबई कोस्टल रोडचे बांधकाम १३ ऑक्टोबर २०१८ रोजी सुरू झाले असून त्याचा अंदाजित खर्च १२,७२१ कोटी रुपये आहे. धर्मवीर संभाजी महाराज कोस्टल रोडलगत ३२० एकरात जागतिक दर्जाचे सेंट्रल पार्क उभारण्यात येणार असल्याची माहिती एकनाथ शिंदे यांनी दिली. पहिल्या टप्प्यात साडेदहा किलोमीटर लांबीचा हा मार्ग वाहतुकीसाठी खुला करण्यात येणार आहे. वरळी सीफेस, हाजी अली इंटरचेंज आणि अमर्सन इंटरचेंज पॉईंटवरून वाहनचालक कोस्टल रोडवर प्रवेश करू शकतात आणि मरीन लाइन्स येथे बाहेर पडू शकतात.

Mumbai Coastal Road : मुंबईकरांचा प्रवास सुखकर करणारा सागरी किनारा मार्ग होणार सुरू, वाचा संपूर्ण माहिती

जलद वाहतुकीसाठी बांधण्यात आलेला मुंबई कोस्टल रोड हा खान अब्दुल गफ्फार खान रोड आणि बिंदू माधव ठाकरे जंक्शन ते मरीन ड्राइव्ह दक्षिण बाउंड येथे वाहतुकीसाठी अंशत: खुला करण्यात येणार आहे. सोमवार ते शुक्रवार सकाळी ६ ते रात्री ८ या वेळेत वाहनांना परवानगी असेल. या मार्गावर वाहने थांबवून वाहनांमधून बाहेर पडण्यास तसेच फोटो काढण्यास किंवा व्हिडिओ काढण्यास सक्त मनाई करण्यात आली आहे.

प्रवेशद्वार

• बिंदू माधव ठाकरे जंक्शन
• रजनी पटेल जंक्शन (लोटस जंक्शन)
• अमरसन्स गार्डन

एक्झिट पॉईंट

• अमरसन्स गार्डन
• मरीन ड्राइव्ह (प्रिन्सेस स्ट्रीट ब्रिज)

samudrayaan : अवकाशानंतर आता समुद्रात भरारी! इस्रोचे समुद्र यान तयार; लवकरच होणार मोहिमेची घोषणा

कोणत्या वाहनांना परवानगी?

बेस्ट व एसटी बस वगळून सर्व प्रकारची अवजड वाहने, ट्रेलर, मिक्सर, ट्रॅक्टर, अवजड मालवाहू वाहने, वाहने वाहून नेणारे प्रवासी आणि सर्व मालवाहू वाहनांना परवानगी नाही. याशिवाय, सर्व प्रकारची दुचाकी, सायकल व अपंग व्यक्तींच्या मोटारसायकल व स्कूटर, सर्व प्रकारची तीनचाकी, जनावरे ओढलेल्या गाड्या, टांगा व हातगाड्यांना परवानगी नसेल.

वेग मर्यादा 

• सरळ रस्त्यावर- ८० किमी/प्रतितास
• बोगद्यात- वळणावर ६० किमी किमी/प्रतितास
• वळणावर आणि प्रवेश किंवा बाहेर पडताना: ४० किमी/प्रतितास

किती टोल भरावा लागणार?

• मुंबई कोस्टल रोडने प्रवास करणाऱ्या वाहनधारकांकडून कोणताही टोल आकारला जाणार नाही.