Yoga Mantra: रोमँटिक मॅरिड लाइफसाठी उपयोगी पडतील 'हे' योगासन
Yoga for Couple: तंदुरुस्त राहण्यासाठी योगासनाचे महत्त्व तर तुम्हाला माहित आहे. पण तुम्हाला माहित आहे का, तुमचे मॅरिड लाइफ अधिक रोमँटिक करण्यासाठी देखील योगा उपयोगी आहे. तुमच्या वैवाहिक जीवनात आनंद वाढवण्यासाठी हे योगासन ट्राय करा.
Yoga Poses For Romantic Married Life : शरीर आणि मन निरोगी ठेवण्यासाठी योगासने करण्याविषयी तुम्ही अनेक लोकांकडून ऐकले असेल. पण तुम्हाला माहित आहे का की अनेक योगासनांचा वैवाहिक जीवन सुधारण्यात मोठा हातभार लागतो. बर्‍याच वेळा बिझी लाइफस्टाइलमुळे आणि जास्त स्ट्रेस मुळे व्यक्तीला शारीरिक कमजोरी जाणवू लागते, ज्याचा परिणाम त्याच्या वैवाहिक जीवनावरही होतो. याने नात्यात दुरावा येऊ लागतो. अशा परिस्थितीत तुमच्या वैवाहिक नात्यात नवीनता आणि आनंद टिकवून ठेवण्यासाठी तुम्ही काही योगासने ट्राय करु शकता.
ट्रेंडिंग न्यूज
पद्मासन
पद्मासन केल्याने स्नायू, पोट, मूत्राशय आणि गुडघे प्रभावित होतात. हे आसन केल्याने ताण जाणवतो आणि लैंगिक शक्तीही वाढते. हे करण्यासाठी पाठीचा कणा सरळ ठेवून पाय पुढे पसरवा. आता दोन्ही पाय विरुद्ध मांड्यांवर ठेवा. लक्षात घ्या टाच पोटाच्या दिशेने असावी. आता मुद्रेच्या स्थितीत हात गुडघ्यावर ठेवा. दीर्घ श्वास घेत राहा.
भद्रासन
भद्रासन हे असे योगासन आहे, ज्यामुळे व्यक्तीमध्ये संयम आणि एकाग्रता वाढते. या आसनाचा तुम्हाला जीवनाच्या अनेक भागात फायदा होतो. हे आसन करण्यासाठी प्रथम वज्रासनात चटईवर बसावे. गुडघे दूर ठेवा. पंजे असे असावेत की ते जमिनीला स्पर्श करतील. दरम्यान हिप्स देखील जमिनीला स्पर्श करत राहतील. गुडघ्यांवर हात ठेवा.
चक्रासन
चक्रासनमध्ये कंबरेला भरपूर विश्रांती मिळते. मनही वेगाने काम करते आणि सकारात्मकता वाढते. या आसनात शरीराचा आकार वर्तुळासारखा होतो. म्हणून त्याला चक्रासन म्हणतात. चक्रासनाच्या सरावाने शरीर आणि मणक्याला लवचिक बनवण्यासोबतच अनेक कामांमध्येही मदत होते.
सर्वांगासन
सर्वांगासनाच्या नियमित सरावाने थायरॉईड ग्रंथी सक्रिय आणि निरोगी होतात. हे आसन एड्रिनल, शुक्राणूजन्य कॉर्ड आणि बीजांड ग्रंथी मजबूत करते. त्यामुळे हा प्रजनन क्षमता वाढवणारा योग मानला जातो. हे आसन करण्यासाठी सर्वप्रथम योगा चटईवर पाठीवर झोपा आणि खांद्यावर थोडा आधार ठेवा. आता पाय हवेत वर करा. यावेळी, कंबरेमध्ये हात ठेवा. यामध्ये खांदे, पाठीचा कणा आणि नितंब एकाच ओळीत येतात. ३० सेकंद ते ३ मिनिटे या स्थितीत रहा. या आसनानंतर शवासन करणे आवश्यक आहे.
अनुलोम विलोम प्राणायाम
पद्मासन करताना सुखासनात बसून नाकपुड्यातून श्वास घ्यावा. डाव्या नाकपुडीत भरा आणि उजवीकडून बाहेर काढा. हे दोन्ही नाकपुड्याने करा. या प्राणायामाच्या १५ ते २० चक्रांचा सराव केल्याने उत्तेजना, तणाव संतुलन तसेच लैंगिक जीवन सुधारते.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या
विभाग