Condition For Divorce: वैवाहिक जीवनात येतायत हे ४ अनुभव? घटस्फोट घेणे आहे शहाणपणाचे
Married Relationship Tips: या काही गोष्टी जर विवाहित नात्यात घडत असतील तर महिलांनी अशा रिलेशनशिपमधून बाहेर पडण्यास उशीर करु नये. त्यांनी लवकर निर्णय घेणे गरजेचे आहे.
Condition in Marriage when Women Decide for Divorce: वैवाहिक संबंध प्रेम आणि विश्वासावर बांधले जातात. पण भारतात घटस्फोटाबाबत अजूनही काही टॅबू आहे. स्त्रीला स्वेच्छेने घटस्फोट देणे किंवा घेणे अजूनही खूप कठीण आहे. आता या प्रकरणांमध्ये तेजी पाहायला मिळत आहे. दरम्यान अभिनेत्री शालिनीचे घटस्फोटाचा आनंद साजरा करतानाचे फोटो समोर आल्यानंतर यावरून चर्चेला उधाण आले आहे. लग्न, संसार चालवण्याची, टिकवण्याची आणि वाचवण्याची जबाबदारी अनेकदा मुलींवरच असते. मग ती कितीही टॉक्सिक रिलेशनशिपमध्ये जगत असली तरीही. सगळ्यात महत्त्वाची गोष्ट म्हणजे भारतात वैवाहिक नात्याला टॉक्सिक बनवण्यासाठी पतीपेक्षा जास्त त्याच्या कुटुंबीयांचीच भूमिका असते. ज्यामध्ये तिचा नवरा देखील साथ देत असतो. अशा परिस्थितीत घटस्फोटासारखा निर्णय घ्यायचा की नाही हे ठरवणे मुलीला अवघड होऊन बसते. पण वैवाहिक नात्यात अशी परिस्थिती निर्माण होत असेल तर घटस्फोट घेणे शहाणपणाचे आहे.
Dear Love Birds, दोघातील या प्रायव्हेट गोष्टी चुकूनही करू नका शेअर
कौटुंबिक हिंसाचार किंवा शोषण
जेव्हा एखादी स्त्री कौटुंबिक हिंसाचार किंवा शोषणाला बळी पडते तेव्हा तिने एकदाही दुसऱ्या संधीचा विचार करू नये. पण भारतात अशी अनेक घरे आहेत जिथे नवरा शोषण करत नसून कुटुंबातील सदस्य ज्यात सासू-सासऱ्यांपासून नणंद, दीर यांचा सुद्धा सहभाग असतो. अशा वेळी पतीचे मौन म्हणजे शोषणाचा स्वीकार होय. हे लक्षात घेऊन महिलेने तातडीने घटस्फोटाचा निर्णय घ्यावा.
Relationship Tips: आता नातं टिकणार नाही असं दिसतंय? तर या ५ मार्गांनी करा गुडबाय
हुंड्यासाठी छळ
भारतीय कायद्यानुसार हुंडा घेणे हा गुन्हा असला तरी या सर्वांचा भारतीय कुटुंबांवर विशेष परिणाम होत नाही. प्रत्येक घरात मोठ्या हुंडा देऊन मुलीचे लग्न केले जाते. अशा परिस्थितीत लोभी कुटुंब हुंड्याची मागणी करत राहतात. लग्नानंतरही माहेरच्या घरातून पैसे आणि हुंड्याची मागणी होत असेल तर अशा वेळी घरात न राहण्याचा निर्णय योग्य असून या प्रकारातून सुटका करून घेणे आवश्यक ठरते.
Married Life: वैवाहिक जीवनात येणाऱ्या या समस्या बिघडवू शकतात तुमचे नाते
मानसिक शोषण
वैवाहिक नात्यात केवळ शारीरिक इजा होत नाही. कधी कधी मानसिक छळही होतो. शब्दांच्या आणि व्यंगांच्या बाणांनी दिवसरात्र महिलांना टोचले जात असेल तर अशा घरात राहणे कठीण होऊन बसते. वैवाहिक जीवनात मनःशांती नसेल तर घटस्फोट घेणे चांगले.
पतीचे एक्स्ट्रा मॅरिटल अफेअर
अनेक वेळा घरातील सदस्यांच्या दबावाखाली मुले दुसऱ्या मुलीशी लग्न करतात पण लग्नानंतरही त्यांचे अफेअर सुरूच असते. जर नात्यात अशी बेवफाई असेल तर लगेचच नातं संपवणं चांगलं.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
विभाग