मुलांना अशा प्रकारे शिकवा पैशांची किंमत करायला, बचत करायला शिकतील
Parenting Tips: जर तुमच्या मुलाला एक चांगली आणि प्रामाणिक व्यक्ती बनवायचे असेल तर त्याला लहानपणापासूनच पैशाची किंमत करायला शिकवा. यासाठी तुम्ही या सोप्या टिप्स फॉलो करू शकता.
Tips to Teach Value of Money to Child: मुलांना चांगले संगोपन देण्यासाठी पालकांना अनेक गोष्टींची काळजी घ्यावी लागते. ज्यामध्ये मुलांना पैशाशी संबंधीत समज देणे देखील समाविष्ट आहे. आपल्या मुलाने मोठे होऊन एक चांगला आणि प्रामाणिक माणूस व्हावा असे तुम्हाला वाटत असेल तर त्याला लहानपणापासूनच पैशाची किंमत, बचत करायला शिकवा. यासाठी तुम्ही या सोप्या टिप्सचा अवलंब करू शकता.
ट्रेंडिंग न्यूज
मुलांना मनी मॅनेजमेंट शिकवा
मुलांना मनी मॅनेजमेंट शिकवण्यासाठी त्यांना बाहेर पाठवण्याची गरज नसते. तर तुम्ही त्यांना काही घरगुती कामे करायला लावू शकता. त्या बदल्यात तुम्ही त्यांना काही पैसे ही देऊ शकता. यामुळे मेहनत करून पैसे कसे कमावले जातात आणि त्याच्या आयुष्यात काय महत्त्व आहे हे मुलाला समजेल.
पॉकेट मनी
मुलांना पैसे सांभाळण्याचा गुण शिकवण्यासाठी त्यांच्या खर्चासाठी मर्यादित पॉकेट मनी देण्यास सुरुवात करा. असे केल्याने त्यांना पैशांप्रती असलेल्या जबाबदारीची जाणीव होईल आणि ते शहाणपणाने खर्च करायला शिकतील. मात्र मुलांना पॉकेट मनी देताना तुम्ही त्यांना गरजेपेक्षा जास्त पैसे देऊ नका, याची काळजी घ्या.
पिगी बँक
मुलांना महागड्या वस्तू भेट देण्याऐवजी त्यांना पिगी बँक ठेवायला शिकवणे चांगले. पिगी बँकच्या मदतीने मुले हळूहळू स्वतःचे छंद पूर्ण करायला शिकतात. याशिवाय बाजारातील जंक फूडमध्ये पैसे वाया घालवण्याऐवजी ते जमा करायला शिकतात.
किराणा खरेदी
जेव्हाही तुम्ही किराणा मालाच्या खरेदीसाठी बाजारात जाल तेव्हा तुमच्या मुलाला सोबत घेऊन जा. बाजारातून वस्तू खरेदी करताना मुलाला पैसे खर्च करण्यास सांगा. असे केल्याने, तुम्हाला समजेल की तुमच्या मुलाला किती पैसे समजतात आणि तुम्हाला आणखी किती समजावण्याची गरज आहे.
घराची जबाबदारी द्या
मुलांना पैशांचे व्यवस्थापन शिकवण्यासाठी लहानपणापासूनच त्यांना घराच्या छोट्या जबाबदाऱ्या देण्यास सुरुवात करा. अशा परिस्थितीत खरेदीपासून ते रेशन आणि भाजीपाला खरेदी करण्यापर्यंत मुलांची मदत घ्या. असे केल्याने, तुमचे मूल महागाई लक्षात घेऊन आवश्यक गोष्टी निवडण्यास शिकेल.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
विभाग