बराच वेळ उभं राहून काम करता? सावधान! होऊ शकतात या समस्या
Health Care: जास्त वेळ उभे राहिल्यास हृदयाशी संबंधित आजारांचा धोका वाढू शकतो तसेच स्टॅसिस एक्झिमाचा धोका देखील वाढू शकतो. बराच वेळ उभे राहून काम केल्याने काय होते हे जाणून घेऊया.
Side Effects of Standing For Too Long: ऑफिसची नोकरी असो किंवा प्रोफेशनल करिअर तासनतास उभे राहून काम करत असाल तर आरोग्याबाबत थोडं सावध राहणं गरजेचं आहे. होय, तासनतास उभे राहून काम केल्याने भविष्यात तुम्हाला आरोग्याशी संबंधित अनेक समस्यांना सामोरे जावे लागू शकते. बराच वेळ एकाच स्थितीत उभे राहिल्याने किंवा बसून राहिल्याने व्यक्तीला पाठीचा कणा, पाय दुखणे या समस्यांना सामोरे जावे लागते. परंतु या व्यतिरिक्त, आपल्याला माहित आहे का की जास्त वेळ उभे राहून काम केल्याने हृदयाशी संबंधित आजारांचा धोका वाढू शकतो तसेच स्टॅसिस एक्झामाचा धोका देखील वाढू शकतो. जाणून घेऊया जास्त वेळ उभे राहून काम केल्याने कोणत्या समस्यांचा धोका वाढू शकतो.
उभे राहून काम केल्याने होणारे नुकसान
- बराच वेळ उभे राहून काम केल्याने मणक्यावर परिणाम होतो तसेच पायात दुखणे आणि सूज येण्याची समस्या उद्भवू शकते. ही समस्या टाळण्यासाठी जास्त वेळ उभे राहणे टाळावे.
- स्नायूंच्या ताणानंतर थोडी विश्रांती घ्यावी लागते. पण बराच वेळ उभं राहिल्याने आराम मिळणार नाही आणि पायात ही वेदना सुरू होतील. याचा परिणाम आपल्या गुडघ्याच्या सांध्यावर होतो.
- अमेरिकन जर्नल ऑफ एपिडेमिओलॉजीमध्ये प्रकाशित झालेल्या एका अभ्यासात असा दावा करण्यात आला आहे की जे लोक जास्त वेळ काम करतात त्यांना बसून काम करणाऱ्या लोकांपेक्षा हृदयरोगाचा धोका जास्त असतो.
- क्लिनिकल व्हॅल्युएशनल सायन्सेस आणि इन्स्टिट्यूट फॉर वर्क अँड हेल्थ (आयडब्ल्यूएच) मधील संशोधकांनी हा अभ्यास केला. संशोधकांच्या म्हणण्यानुसार, जे लोक उभे राहून काम करतात त्यांना धूम्रपान करणाऱ्या लोकांपेक्षा हृदयरोगाचा धोका जास्त असतो.
- जे लोक जास्त वेळ उभे राहून काम करतात अशा लोकांमध्ये स्टॅसिस एक्झिमा होण्याचा धोका देखील असतो. स्टॅसिस एक्झिम्मा हे काळे डाग आहेत जे घोट्याभोवती पडतात. हा आजार बराच वेळ उभ्या राहणाऱ्या व्यक्तीमुळे होतो. यामुळे पायाच्या नसांमध्ये (घोट्याजवळ) मोठ्या प्रमाणात रक्त जमा होते. अशावेळी जेव्हा रक्तदाब जास्त असतो, तेव्हा हळूहळू रक्तवाहिन्यांमधून रक्तगळती सुरू होते. ज्यानंतर जेव्हा पायाच्या नसांमधून रक्त गळते तेव्हा काही वेळाने तो काळा डाग म्हणून दिसतो.
सल्ला
जास्त वेळ उभे राहून काम केल्याने माणसाला थकवा जाणवतो आणि आरोग्याशी संबंधित अनेक समस्यांना तो बळी पडतो. हे टाळण्यासाठी, व्यक्तीने कामाच्या दरम्यान विश्रांती घेतली पाहिजे.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या