Cricket Record : अविश्वसनीय! ३ षटकात एकही धाव न देता ७ विकेट घेतल्या… १७ वर्षीय गोलंदाजानं रचला इतिहास, पाहा
rohmalia rohmalia bowling : इंडोनेशियाच्या रोहमालिया रोहमालियाने (Rohmalia Rohmalia) मंगोलियाविरुद्ध घातक गोलंदाजी केली. रोहमालियाने ३ षटकात एकही धाव न देता ७ विकेट्स घेतल्या.
Indonesian bowler Rohmalia Rohmalia : इंडोनेशियाची गोलंदाज रोहमालिया रोहमालिया हिने T20I क्रिकेटमध्ये अविश्वसनीय अशी कामगिरी केली आहे. रोहमालियाने गोलंदाजीत नवा इतिहास रचला आहे. १७ वर्षीय रोहमालियाने एकही धाव न देता ७ विकेट घेतल्या आहेत.
रोहमालिया रोहमालियाने ३.२ षटकात एकही धाव दिली नाही. तिने ७ फलंदाजांची शिकार केली. याआधी असा विक्रम नेदरलँड्सच्या फ्रेडरिक ओव्हरडिकच्या नावावर होता, तिने २०२१ मध्ये आयसीसी महिला टी-२० विश्वचषक पात्रता सामन्यात फ्रान्सविरुद्ध ४ षटकात ३ धावा देत ७ विकेट्स घेतल्या होत्या.
रोहमालिया रोहमालियाने मंगोलियाविरुद्ध ही कामगिरी केली आहे. मंगोलिया आणि इंडोनेशिया यांच्यात ५ सामन्यांची टी-20 मालिका खेळली जात आहे. मालिकेतील शेवटचा सामना उदयन क्रिकेट मैदानावर खेळला गेला. या सामन्यात तिने ७ विकेट घेतल्या.
रोहमालियाने ३.२-३-०-७ अशी विलक्षण कामगिरी करून इतिहास रचला. रोहमालिया रोहमालिया टी-20 आंतरराष्ट्रीय क्रिकेटमध्ये ७ विकेट्स घेण्याचा पराक्रम करणारी चौथी गोलंदाज ठरली आहे. रोहमालियाने नेपाळच्या अंजली चंदचाही २०१९ मध्ये केलेला एक खास विक्रम मोडला. अंजली चंदच्या नावावर पदार्पणाच्या सामन्यात २ धावा देत ६ विकेट घेण्याचा विक्रम होता. आता रोहमालियाने शुन्य धावात ७ विकेट घेऊन अंजली चंदचा विक्रम मोडला
T20I मधील सर्वोत्तम गोलंदाजी आकडेवारी (पुरुष आणि महिला)
रोहमालिया रोहमालिया (इंडोनेशिया महिला): मंगोलिया विरुद्ध ३.२-३-०-७, २०२४
फ्रेडरिक ओव्हरडिक (नेदरलँड महिला): फ्रान्स विरुद्ध ४-२-३-७, २०२१
ॲलिसन स्टॉक्स (अर्जेंटिना महिला): पेरू विरुद्ध ३.४-०-३-७, २०२२
स्याझरुल एजात इद्रास (मलेशिया पुरुष): चीन विरुद्ध ४-१-८-७, २०२३
इंडोनेशियाने सामना जिंकला
सामन्याबद्दल बोलायचे झाले तर इंडोनेशियाने प्रथम फलंदाजी करताना ५ विकेट गमावून १५१ धावा केल्या होत्या. यजमान संघाकडून नी पुटू आयु नंदा साक्रीनीने ४४ चेंडूंत ६ चौकार आणि १ षटकाराच्या मदतीने ६१ धावा केल्या. तर मंगलोलियाकडून मेंडबायर एन्खाझुलने शानदार गोलंदाजी करत ४ षटकांत २९ धावांत ४ बळी घेतले.
मंगोलिया २४ धावांत गारद
१५२ धावांचा पाठलाग करताना मंगोलियाचा संघ ४४ धावांत गारद झाला. रोहमालियाच्या गोलंदाजीच्या जोरावर इंडोनेशियाने मंगोलियाला १६.२. षटकांत २४ धावांत गुंडाळले आणि सामना १२७ धावांनी जिंकला.