Modi in Mumbai : पंतप्रधान मोदी १० फेब्रुवारीला पुन्हा मुंबईत, महिनाभरात दुसऱ्या दौऱ्याचा अर्थ काय?

Narendra Modi: मुंबईच्या अंधेरी पूर्वेतील दाऊदी बोहरा समुदायाच्या अरबी अकादमीच्या उद्घाटनासाठी पंतप्रधान नरेंद्र मोदी १० फेब्रुवारीला मुंबईला येण्याची शक्यता आहे, अशी माहिती सूत्रांनी दिली. यापूर्वी १९ जानेवारी रोजी पंतप्रधान अनेक प्रकल्पांच्या पायाभरणीसाठी मुंबईत आले होते.

सुत्रांकडून मिळालेल्या माहितीनुसार, पंतप्रधान मोदी १० फेब्रुवारीला अंधेरी पूर्व येथील दाऊदी बोहरा समुदायाच्या अरबी अकादमीमध्ये सहभागी होण्यासाठी पुन्हा मुंबई दौरा करणार आहेत. यामुळे परमपूज्य सैय्यदना मुफद्दल सैफुद्दीन आणि नरेंद्र मोदी व्यासपीठावर एकत्र दिसतील. मुंबई दौऱ्यात नरेंद्र मोदी दोन वंदे भारत एक्सप्रेस गाड्यांना हिरवा झेंडा दाखवतील अशी अपेक्षा आहे. यापूर्वी १९ जानेवारी रोजी पंतप्रधान अनेक प्रकल्पांच्या पायाभरणीसाठी मुंबईत आले होते.

YSR News : तांत्रिक बिघाडानंतर विमानाची एमर्जन्सी लँडिंग; आंध्रप्रदेशचे मुख्यमंत्री बालंबाल बचावले

दिल्लीतील राष्ट्रीय कार्यकारिणीच्या बैठकीत मोदींनी भाजप नेत्यांना बोहरा समाज आणि इतर मुस्लिम समुदायापर्यंत पोहोचण्यास सांगितले होते, जरी त्यांनी पक्षाच्या बाजूने मतदान केले नाही. शिवसेनेत फूट पडल्यानंतर भाजप आता उद्धव ठाकरे यांना मोठा धक्का देण्याच्या तयारीत आहेत. जवळपास तीन दशकांपासून मुंबई महानगरपालिकेत शिवसेनेची सत्ता आहे. शिवसेनेकडून सत्ता हिसकावून आणि महापालिकेत झेंडा फडकावण्याचा भाजपचा प्रयत्न आहे.