ICG Recruitment 2024: भारतीय तटरक्षक दलात भरती; नाविक पदांच्या २६० जागांसाठी अर्ज सुरू

भारतीय तटरक्षक दलात नाविक पदाच्या भरतीसाठी कालपासून (१३ फेब्रुवारी २०२४) अर्ज प्रक्रियेला सुरुवात झाली आहे. इच्छुक उमेदवार joinindiancoastguard.cdac.in येथे अधिकृत संकेतस्थळाद्वारे ऑनलाइन अर्ज करू शकतात. अर्ज भरण्याची अंतिम तारीख २७ फेब्रुवारी २०२४ आहे.

भारतीय तटरक्षक दलात नाविक (जनरल ड्युटी) पदाच्या 260 रिक्त जागा भरण्यासाठी ही भरती मोहीम राबविण्यात येत आहे. या भरतीसाठी शैक्षणिक पात्रता, वयोमर्यादा आणि नोकरीचे ठिकाण याबाबतची माहिती जाणून घेऊयात.

वय:

उमेदवारांचे वय १८ ते २२ वर्षे दरम्यान असावे. नाविक पदासाठी अर्ज करणाऱ्या उमेदवारांचा जन्म ०१ सप्टेंबर २००२ ते ३१ ऑगस्ट २००६ दरम्यान झालेला असावा.

अर्ज शुल्क:

 उमेदवारांना (एससी / एसटी उमेदवार वगळता, ज्यांना शुल्क भरण्यापासून सूट देण्यात आली आहे) नेट बँकिंग किंवा व्हिसा / मास्टर / उस्ताद / रुपे क्रेडिट / डेबिट कार्ड / यूपीआय वापरुन ३०० रुपये शुल्क ऑनलाइन भरणे आवश्यक आहे. परीक्षा शुल्क यशस्वीरित्या भरलेल्या आणि सवलतीस पात्र असलेल्या उमेदवारांनाच परीक्षेसाठी ई-प्रवेशपत्र देण्यात येणार आहे.

SBI Recruitment 2024 : एसबीआयमध्ये मॅनेजरसह विविध पदांसाठी भरती; आजपासून अर्ज प्रक्रियेला सुरुवात

अर्ज कसा करायचा?

• सर्वप्रथम उमेदवाराने भारतीय तटरक्षक दलाची अधिकृत वेबसाइट joinindiancoastguard.cdac.in भेट द्यावी.
• पुढे 'आयसीजी रिक्रूटमेन्ट' वर क्लिक करा.
• त्यानंतर स्वत:ची नोंदणी करा आणि अर्ज भरून आवश्यक कागदपत्रे अपलोड करा.
• त्यानंतर अर्ज शुल्क भरुन फॉर्म डाऊनलोड करा

अधिक माहितीसाठी इच्छुक उमेदवारांनी भारतीय तटरक्षक दलाच्या अधिक वेबसाईटला भेट द्यावी.