Pune murder : पुणे हादरले ! वाघोलीत प्रेयसीनं भाजी चिरण्याच्या चाकूने प्रियकराला भोसकलं; कारण अस्पष्ट

पुणे : प्रेमप्रकरणातून प्रेयसीने आपल्याच प्रियकराचा घरातील भाजी चिरण्याच्या चाकूने वार करून खून केल्याची धक्कादायक घटना वाघोली परिसरात उघडकीस आली आहे. या घटनेमुळे परिसरात खळबळ उडाली आहे. किरकोळ वादातून हा खून झाल्याची माहिती आहे.

Pune Fire : पुण्यातील कल्याणीनगर आयटी पार्कच्या पाचव्या मजल्यावर भीषण आग, अनेक कर्मचारी अडकले

यशवंत महेश मुंडे (वय २०) असे खून झालेल्या प्रियकराचे नाव आहे. तर अनुजा महेश पणाळे असे आरोपी प्रेयसीचे नाव आहे. पोलिसांनी दिलेल्या माहितीनुसार प्रियकर आणि प्रेयसी दोघेही काही दिवसांपासून वाघोली परिसरात भाड्याची खोली घेऊन राहत होते. काही दिवस दोघे व्यवस्थित राहिले. मात्र, आज दोघांमध्ये कडाक्याचे भांडण झाले.

Ambernath Murder: पत्नीला मुलबाळ होत नसल्याने पतीने उचललं टोकाचं पाऊल, डोक्यात अवजड वस्तू मारून केला खून

याच वादातून प्रेयसीने प्रियकराची घरातील भाजी चिरण्याच्या चाकुच्या साह्याने वार करून त्याचा खून केला. प्रियकराचा मृतदेह खोलीतच रक्ताच्या थारोळ्यात पडला होता. या घटनेची माहिती नागरिकांना समजताच त्यांनी पोलिसांना पाचारण केले. पोलिसांनी घटनास्थळी येत पंचनामा केला आहे. या प्रकरणी लोणीकंद पोलिस ठाण्यात गुन्हा दाखल करण्यात आला आहे. प्रियकराचा मृतदेह शवविच्छेदनासाठी पाठवण्यात आला आहे.

दोघांच्या भांडणात प्रेयसीही जखमी झाली असल्याचे सांगण्यात आले आहे. पोलिसांकडून या प्रकरणाचा तपास सुरु आहे.