Marcus Stoinis: स्टोईनीसचं १७ चेंडूत अर्धशतक! फिंचची समंजस खेळी; वर्ल्डकपमध्ये कांगारूंचा पहिला विजय

Cricket Score (AUS vs SL) Australia vs Sri Lanka T20 World Cup: T20 विश्वचषक २०२२ मध्ये ऑस्ट्रेलियाने त्यांच्या दुसऱ्या सामन्यात श्रीलंकेचा ७ गडी राखून पराभव केला आहे. ऑस्ट्रेलियाने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना श्रीलंकेने ऑस्ट्रेलियासमोर १५८ धावांचे लक्ष्य ठेवले होते. प्रत्युत्तरात ऑस्ट्रेलियाने ३ गड्यांच्या मोबदल्यात अवघ्या १६.३ षटकांत हे लक्ष्य गाठले. ऑस्ट्रेलियाकडून मार्कस स्टोईनीसने अवघ्या १७ चेंडूत अर्धशतक ठोकले.

तत्पूर्वी, श्रीलंकेच्या १५८ धावांचा पाठलाग करताना ऑस्ट्रेलियाची सुरुवात खराब झाली. सलामीवी डेव्हिड वॉर्नर १० चेंडूत ११ धावा करुन बाद झाला. दुसरा सलामीवीर आणि कर्णधार शेवटपर्यंत खेळपट्टीवर होता. मात्र, त्याला मोठे फटके खेळण्यात अडचणी येत होत्या. त्यामुळे तो ४२ चेंडू खेळून अवघ्या ३१ धावा करु शकला. या खेळीत त्याने केवळ एकच षटकार ठोकला.

T20 World Cup 2022: रोहितनंतर टीम इंडियाचा कॅप्टन कोण? ३ दिग्गजांनी घेतलं एकच नाव

मात्र, त्यानंतर ग्लेन मॅक्सवेल आणि त्यानंतर आलेल्या मार्कस स्टोईनीसने श्रीलंकन गोलंदाजांची चांगलीच धुलाई केली. स्टॉयनिसने १७ चेंडूत अर्धशतक ठोकत विजय साकार केला. त्याने १८ चेंडूत नाबाद ५९ धावा चोपल्या. स्टॉईनिसने आपली खेळी ६ षटकार आणि ४ चौकार मारत सजवली. तर मॅक्सवेलने १२ चेंडूत २३ धावा चोपून विजयाला हातभार लावला. लंकेकडून तिक्षाणा, करूणारत्ने आणि धनंजय डि सेल्वाने प्रत्येकी १ विकेट घेतली.

श्रीलंकेचा डाव-

टॉस हरल्यानंतर प्रथम फलंदाजीला आलेल्या श्रीलंकेच्या संघाची सुरुवात खूपच खराब झाली. आशिया चषक चॅम्पियन संघाला पहिला झटका बसला तो ६ धावांवर. मात्र, त्यानंतर धनंजय डी सिल्वा आणि पाथून निशांकाने दुसऱ्या विकेटसाठी ६९ धावांची भागीदारी केली.

VIDEO: विराटचा तर होताच, कार्तिकचाही नो बॉल होता! पाकिस्तानी खेळाडूंनीच केला खुलासा

श्रीलंकेसाठी सलामीवीर पथुम निसांकाने ४५ चेंडूत ४० धावा केल्या. तर तिसऱ्या क्रमांकावर आलेल्या धनंजय डी सिल्वाने २६ धावा केल्या. श्रीलंकेचा सलामीवीर कुसल मेंडिस, भानुका राजपक्षे आणि कर्णधार दाशून शनाका स्वस्तात बाद झाले. कुसल मेंडिस, भानुका आणि शनाका अनुक्रमे ५, ७ आणि ३ धावा करून पॅव्हेलियनमध्ये परतले.

शेवटी चरित असलंका (२५ चेंडूत ३८ धावा) आणि चमिका करुणारत्ने (७ चेंडूत १४ धावा) यांनी झटपट धावा करत संघाची धावसंख्या सहा बाद १५७ पर्यंत नेली. तर ऑस्ट्रेलियाकडून वेगवान गोलंदाज जोश हेझलवूडने ४ षटकांत २६ धावांत १ बळी घेतला. त्याचवेळी अॅस्टन अगरने ४ षटकात २५ धावांवर १ खेळाडूला पॅव्हेलियनमध्ये पाठवले. मार्कस स्टॉइनिस, मिचेल मार्श आणि ग्लेन मॅक्सवेल यांना यश मिळाले नाही. तर पॅट कमिन्स आणि मिचेल स्टार्क यांना १-१यश मिळाले.