Fauzia Khan Home Cidco : खासदार फौजिया खान यांच्या घरात चोरी, औरंगाबादेत खळबळ; चोरट्यांचा तपास सुरू

Cidco Aurangabad Crime News : राष्ट्रवादीच्या खासदार फौजिया खान यांच्या औरंगाबादेच्या सिडकोतील घरात चोरी झाल्याचा धक्कादायक प्रकार समोर आला आहे. या घटनेमुळं शहरात मोठी खळबळ उडाली असून या प्रकरणात आता बेगमपूरा पोलिसांनी चौकशी सुरू केली आहे. सणासुदीच्या काळात एका खासदाराच्याच घरात चोरी झाल्याचा प्रकार समोर आल्यानं आश्चर्य व्यक्त केलं जात आहे.

मिळालेल्या माहितीनुसार, राष्ट्रवादीच्या खासदार फौजिया खान यांचं औरंगाबादेतील सिडको एन-१३ परिसरात निवासस्थान आहे. मध्यरात्री एका चोरट्यानं मागच्या दाराचं कुलूप तोडून खासदार फौजिया खान यांच्या घरात प्रवेश केला. त्यावेळी चोरट्यानं पाच भांडी आणि तीन हजार रुपयांची कॅश चोरून नेली आहे. या प्रकरणाची माहिती खासदार खान यांच्या नातेवाईकांना कळताच त्यांनी याबाबात बेगमपूरा पोलीस ठाण्यात तक्रार दाखल केली आहे. त्यानंतर आता पोलिसांनी अज्ञात व्यक्तीविरोधात चोरीचा गुन्हा दाखल केला असून त्याचा तपास सुरू केला आहे.

Andheri Bypoll : निवडणूक अंधेरीत आणि प्रचार संपूर्ण मुंबईत; बीएमसी निवडणुकीसाठी शिवसेनेची तयारी

सणासुदीत शहरातील कायदा व सुव्यवस्थेचा प्रश्न ऐरणीवर...

दिवाळीच्या सणासाठी अनेक लोक हे औरंगाबाद शहरातून गावाकडे जात असतात. दिवाळीच्या सणांसाठी लोक घरं बंद करून गावाकडे जात असल्यानं अनेक चोरीच्या घटना समोर आलेल्या आहेत. त्यामुळं आता रात्रीच्या वेळी शहरात पोलिसांची गस्त वाढवण्याची मागणी केली जात आहे. काही दिवसांपूर्वी औरंगाबाद शहरात बाहेरच्या राज्यातून अंमली पदार्थ आणले जात असल्याचा धक्कादायक प्रकार समोर आला होता. त्यानंतर पोलिसांनी या प्रकरणात एका आरोपीलाही अटक केली होती. त्यानंतर आता चक्क एका खासदाराच्याच घरात चोरी झाल्यानं पोलिसांच्या कार्यक्षमतेवर प्रश्नचिन्ह उपस्थित केलं जात आहे.

Jayalalitha Death : जयललितांचा मृत्यू नाही तर हत्या झाली; माजी न्यायाधीशांच्या दाव्यानं खळबळ