मुक्ता हिला इंद्राने काढले घराबाहेर, कार्तिकचा डाव त्याच्यावरच उलटणार का? प्रेमाची गोष्ट मालिकेत काय घडणार

मुक्तावर अतिप्रसंग करण्याचा कार्तिकचा प्रयत्न

क्लिनिकमधून मुक्ता घरी येते तेव्हा संपूर्ण घरात अंधार असतो. एका कोपऱ्यात कार्तिक बसलेला असतो. कार्तिक मुक्ताशी लगट करण्याचा प्रयत्न करत असतो. त्यावेळी मुक्ता त्याच्या तीन वेळा कानशिलात लगावते. पहिली आरतीला फसवल्यासाठी, दुसरी माझ्यावर वाईट नजर टाकण्यासाठी आणि तिसरी कुटुंबीयांना फसवल्यामुळे मारत असल्याचे सांगते. मुक्ता कार्तिकला सतत लांब करत असताना देखील तो मुक्ताशी लगट करण्याचा प्रयत्न करतो.
वाचा: लक्ष्मीकांत बेर्डे, विजय चव्हाण, रमेश भाटकरांच्या आठवणीत मिलिंद गवळी भावूक, केली सोशल मीडियावर पोस्ट

पुढे मालिकेत मुक्ताला प्रचंड राग आल्याचे पाहायला मिळते. पण कुटुंबीय तुझ्यावर जराही विश्वास ठेवणार नाही असे कार्तिक मुक्ताला सांगतो. पण मुक्ता तेथून रागाच्या भरात निघून जाते.
वाचा: सोशल मीडियावर व्हायरल होत असलेल्या व्हिडीओमुळे आमिर खान याची पोलिसात धाव, एफआयआर दाखल

मुक्ता तुरुंगात असते

कोळी कुटुंबिय चित्रपट पाहून घरी येतात तरीही मुक्ता घरी आलेली नसते. त्यामुळे सर्वजण चिंता व्यक्त करत असतात. तेवढ्यात अचानक सागर येतो आणि सगळ्यांना जागे पाहातो. तो विचारतो काय झाले तेव्हा मुक्ता घरी नसल्याचे कळते. त्यानंतर सागर मुक्ताला शोधण्यासाठी बाहेर पडतो. पोलिसात तक्रार करण्यासाठी सागर जातो. तेवढ्यात तेथे त्याला मुक्ता लॉकअपमध्ये असल्याचे दिसते. तो मुक्ताला धीर देतो आणि वकीलांकडून जामीन मिळवून घेतो. माझा तुमच्यावर पूर्ण विश्वास आहे असे सागर बोलतो.

मुक्ताने सांगितले सत्य

मुक्ता घरी येते आणि सागर ती तुरुंगात असल्याचे सर्वांना सांगतो. त्यानंतर मुक्ता कार्तिकने जबरदस्ती केल्याचे सांगते. पण ते ऐकून इंद्रा चिडते. तिला घराबाहेर काढते. तेवढ्यात मुक्ताची आई तेथे येते आणि तिला घेऊन घरी जाते.
वाचा: घरावर गोळीबार झाल्यानंतर सलमान खान याने केली सोशल मीडिया पोस्ट, व्हिडीओ शेअर करत म्हणाला...