Wipro : ‘विप्रो’च्या शेअरधारकांना कमाईची संधी! कंपनीनं घेतला मोठा निर्णय
Wipro Share buyback : आयटी क्षेत्रातील दिग्गज कंपनी विप्रोनं बायबॅक प्लान जाहीर केला असून त्याचा फायदा शेअरधारकांना होण्याची शक्यता आहे.
Wipro Share buyback : माहिती तंत्रज्ञान क्षेत्रातील दिग्गज कंपनी विप्रोनं १२ हजार कोटींच्या बायबॅक प्लानची घोषणा केली आहे. दोन वर्षांत दुसऱ्यांदा विप्रो बायबॅक करत असून नव्या योजनेअंतर्गत प्रति शेअर ४४५ हे मूल्य निश्चित करण्यात आलं आहे. कंपनीच्या या घोषणेचे पडसाद शेअर बाजारात उमटले असून कंपनीच्या शेअर्समध्ये वाढ झाली आहे. शेअर पडल्यामुळं गेल्या अनेक महिन्यांपासून होल्ड करून ठेवणाऱ्या गुंतवणूकदारांना यामुळं कमाईची संधी चालून आली आहे.
ट्रेंडिंग न्यूज
विप्रोच्या संचालक मंडळानं बायबॅक प्लानचा प्रस्ताव मान्य केला असला तरी रेकॉर्ड डेट, टाइमलाइन व अन्य तपशील कालांतरानं जाहीर केला जाणार आहे. यापूर्वी २९ डिसेंबर २०२० ते ११ जानेवारी २०२१ दरम्यान विप्रोनं ९,५०० कोटींच्या बायबॅकची योजना जाहीर केली होती. या अंतर्गत विप्रोनं निश्चित योजनेच्या ९६ टक्के शेअर्स म्हणजे २२,८९,०४,७८५ शेअर बाजारातून पुन्हा विकत घेतले होते. तर, १४ ऑगस्ट ते २८ ऑगस्ट २०१९ दरम्यान १०,५०० कोटींच्या बायबॅकची योजना राबवली होती.
विप्रोच्या नव्या बायबॅक प्लानची ठळक वैशिष्ट्ये:
- विप्रोच्या संचालक मंडळाच्या सदस्यांनी २६,९६,६२,९२१ इक्विटी शेअर्सच्या बायबॅक करण्याच्या प्रस्तावाला मंजुरी दिली आहे. त्यासाठी मोजावी लागणारी रक्कम कंपनीच्या एकूण पेड-अप कॅपिटलच्या ४.९१ टक्के इतकी आहे.
- बायबॅकसाठी ४४५ रुपये प्रति इक्विटी शेअर ही रक्कम निश्चित करण्यात आली आहे. विप्रोच्या सध्याच्या बाजारभावाच्या तुलनेत ही किंमत १८.९ टक्क्यांनी जास्त आहे. सध्या विप्रोचा शेअर ३८५ रुपयांवर ट्रेड करत आहे.
- कंपनीचे प्रवर्तक आणि प्रवर्तक गटाच्या सदस्यांनी बायबॅक ऑफरमध्ये सहभागी होण्याची इच्छा व्यक्त केली आहे.
- प्रस्तावित बायबॅकला शेअरहोल्डर्सची पोस्टल सिस्टिमनं मंजुरी घेण्यात येणार आहे.
- लवकरच कंपनी बायबॅकची प्रक्रिया, रेकॉर्ड तारीख, टाइमलाइन आणि इतर तपशील जाहीर करेल.
Share trading : व्हाॅटसअॅप,टेलीग्रॅमवर स्टाॅक ट्रेडिंग करणाऱ्यांना इशारा; फेक ब्रोकर्सवर सेबीची कारवाई
बायबॅक म्हणजे काय?
‘बायबॅक’ हा खुल्या बाजारात उपलब्ध शेअर्सची संख्या कमी करण्याचा एक मार्ग आहे. अनेक कारणांसाठी कंपन्या असा निर्णय घेत असतात. शेअर्सचे केंद्रीकरण टाळणं हे त्यातील एक महत्त्वाचं उद्दिष्ट असतं. अनेक कंपन्यांनी आतापर्यंत बायबॅक केलं आहे. त्यात टाटा कन्सल्टन्सी सर्व्हिसेस (TCS), इन्फोसिसचाही समावेश आहे.
विभाग