Murali Vijay : भारताचा सलामीवीर मुरली विजयचा आंतरराष्ट्रीय क्रिकेटला रामराम

Murli Vijay Retirement: भारताचा सलामीवीर फलंदाज मुरली विजयने आज आंतरराष्ट्रीय क्रिकेटमधून निवृत्तीची घोषणा केली. विजयने स्वत: ट्विटरच्या पोस्ट करत त्याने याबाबतची माहिती दिली. निवृत्तीची घोषणा करताना विजय मुरली भावूक झाल्याचे पाहायाला मिळाले. आपल्या कारकिर्दी दरम्यान सहयोग करणाऱ्या कुटुंब, मित्रपरिवार व चाहत्यांचे त्याने आभार मानले. विजयने त्याच्या कारकिर्दीतील अखेरचा आंतरराष्ट्रीय सामना २०१८ मध्ये ऑस्ट्रेलियाविरुद्ध पर्थमध्ये खेळला होता.

मुरली विजयने निविृत्तीची घोषणा करताना म्हटलंय की “आज मी कृतज्ञता आणि नम्रतेने सर्व प्रकारच्या आंतरराष्ट्रीय क्रिकेटमधून निवृत्ती जाहीर करतो. २००२-२०१८ हा माझा प्रवास माझ्या आयुष्यातील सर्वात आश्चर्यकारक वर्षांपैकी एक असेल. कारण देशाचे प्रतिनिधित्व करणे ही माझ्यासाठी एक अभिमानाची गोष्ट आहे. भारतीय क्रिकेट नियामक मंडळ, तामिळनाडू क्रिकेट असोसिएशन, चेन्नई सुपर किंग्ज आणि केमप्लास्ट सनमार यांनी मला दिलेल्या संधींबद्दल मी त्यांचा आभारी आहे. तसेच माझे सर्व सहकारी, प्रशिक्षक, मार्गदर्शक आणि सपोर्ट स्टाफ तुमच्यासोबत खेळणे, हे माझ्या आयुष्यातील सर्वात अविस्मरणीय क्षण असतील. ज्या क्रिकेट चाहत्यांनी आंतरराष्ट्रीय खेळाच्या चढ-उतारात मला साथ दिली आणि मी तुम्हा सर्वांसोबत घालवलेले क्षण नेहमीच माझ्या लक्षात राहतील. तुमचा पाठिंबा माझ्यासाठी नेहमीच प्रेरणादायी ठरला आहे."

Shafali Verma : अंडर १९ वर्ल्ड कपमध्ये खेळली १९ वर्षे होऊन गेलेली शेफाली वर्मा; कसं झाले हे शक्य?

मुरली विजयने ६१ कसोटी, १७ एकदिवसीय आणि ९ टी-२० सामन्यात भारतीय संघाचे प्रतिनिधित्व केले आहे. कसोटी क्रिकेटमध्ये मुरली विजयच्या नावावर ३ हजार ९८२ धावांची नोंद आहे. ज्यात १२ शतक आणि १५ अर्धशतकांचा समावेश आहे. एकदिवसीय क्रिकेटमध्ये मुरली विजयने ३३९ धावा केल्या आहेत. तर, टी-२० क्रिकेटमध्ये त्याने १६९ धावा केल्या आहेत.