BJP व मुस्लिमांना जवळ आणणार सुफी संत, २०२४ लोकसभा निवडणुकीपूर्वी भाजपची मोठी खेळी

भारतीय जनता पक्ष भारतातील मुस्लिम मतदारांपर्यंत पोहोचण्यासाठी नवीन योजना तयार करत आहे.२०२४च्या लोकसभा निवडणुकीपूर्वी सुफी संतांच्या माध्यमातून मुस्लिम समाजाला पक्षाच्या जवळ आणण्याची तयारी पक्षाकडून सुरू असल्याचे वृत्त आहे.नुकतीच भाजपच्या अल्पसंख्याक आघाडीने यासंबंधीच्या कार्यक्रमाची रूपरेषा तयार केली आहे.पंतप्रधान नरेंद्र मोदीकाहीसुफी संतांचीही भेटघेण्याची शक्यता व्यक्त केली जात आहे.

अल्पसंख्याक मोर्चाच्या माध्यमातून तयार करण्यात आलेल्या या कार्यक्रमातून प्रभावी सुफी संतांना पक्षाची धोरणे सांगितली जाणार आहेत. या अंतर्गत,पक्षाच्या केडरमध्ये उत्तर प्रदेश आणि राजस्थानसह अनेक राज्यांतील सुफी संतांचा समावेश असेल. या कार्यक्रमाचे नाव'सूफी संत संवाद संमेलन'असे असेल. येथे धर्मगुरू सर्व पंथांमध्ये प्रेम आणि बंधुभावाचा संदेश देतील. मार्चपासून या परिषदा सुरू होणार आहेत.

Prithvi Shaw: पृथ्वी शॉ पुरता अडकला.. महिलेने केला मारहाणीचा आरोप, तरुणीबरोबर झटापटीचा VIDEO व्हायरल

भाजप अल्पसंख्याक मोर्चाचे राष्ट्रीय अध्यक्ष जमाल सिद्दीकी यांनी एका वृत्तपत्राशी बोलताना सांगितले की,मोदी सरकारने'सबका साथ,सबका विकास,सबका विश्वास,सबका प्रयास'ही भाजपची केवळ घोषणा नाही,तर तो चालू असलेला प्रकल्प असल्याचे सिद्ध केले आहे. ते म्हणाले, 'मुस्लीम समाजासह अल्पसंख्याक समाजाने हे लक्षात घेतले पाहिजे. त्यांच्या प्रगतीसाठी पक्षाकडून काय कार्यक्रम केले जातात,हे त्यांना सांगावे लागेल.

अजमेर शरीफ आणि हजरत निजामुद्दीन यांसारख्या दर्ग्यांव्यतिरिक्त दिल्लीतील ख्रिश्चन संतांनाही या कार्यक्रमात सामील करण्यात आल्याचे त्यांनी सांगितले. त्यांनी सांगितले की भाजपचा अल्पसंख्याक मोर्चा भविष्यात सुफी संत आणि पंतप्रधान मोदींच्या भेटीची व्यवस्था करेल.

विशेष म्हणजे भाजपच्या वारंवार होणाऱ्या मोठ्या सभांमध्ये समाजातील प्रत्येक घटकापर्यंत पोहोचण्याचा संदेश दिला जात आहे. मुस्लिमांपर्यंत पोहोचण्याची तयारीही पक्ष करत असल्याचे वृत्त आहे.२०२३मध्ये९राज्यांमध्ये निवडणुका होणार आहेत. त्याच वेळी,यानंतर२०२४च्या मध्यात लोकसभेच्या निवडणुका होणार आहेत. निवडणुकीत भाजपला यश मिळाल्यास विजयाची हॅटट्रिक होईल.