DSSSB recruitment 2024: सरकारी नोकरीची संधी, डीएसएसएसबीमध्ये मल्टी टास्किंग स्टाफ पदासाठी भरती

Jobs 2024: दिल्ली सबऑर्डिनेट सर्व्हिसेस सिलेक्शन बोर्ड म्हणजेच डीएसएसएसबी येथे मल्टी टास्किंग स्टाफ पदासाठी अर्ज मागविण्यात आले आहेत.  अर्ज प्रक्रियेला ८ फेब्रुवारी २०२४ पासून सुरुवात झाली. अर्ज करण्यासाठी इच्छुक उमेदवारांनी dsssb.delhi.gov.in या अधिकृत संकेतस्थळाद्वारे ऑनलाइन अर्ज करू शकतात.

डीएसएसएसबीमध्ये मल्टी टास्किंग स्टाफच्या ५६७ जागा भरण्यासाठी ही भरती मोहीम राबविण्यात येत आहे. अर्ज करण्याची अंतिम तारीख ८ मार्च आहे. यानंतर उमेदवारांचे अर्ज स्वीकारले जाणार नाहीत.

शैक्षणिक पात्रता:

• उमेदवार यूजीसीद्वारे मान्यताप्राप्त संस्थेकडून बॅचलर पदवी घेतलेला असावा.
• उमेदवार सीटीईटी पेपर II उत्तीर्ण असणे आवश्यक आहे.

अर्ज शुल्क: 

उमेदवारांना १०० रुपये अर्ज शुल्क म्हणून भरावे लागेल. अनुसूचित जाती, अनुसूचित जमाती, दिव्यांग आणि माजी सैनिक प्रवर्गातील महिला उमेदवार आणि उमेदवारांना अर्ज शुल्क भरण्यापासून सूट देण्यात आली आहे.

वयोमर्यादा:

काही विभागांच्या पदांसाठी वयोमर्यादा १८- २५ वर्षे आहे. तर, काहींसाठी १८- २७ वर्षे ठेवण्यात आली. ओबीसींना कमाल वयोमर्यादेत तीन वर्षांची आणि एसटी एससीला पाच वर्षांची सूट मिळेल.

पगार: 

१८ हजार- ५६ हजार ९०० रुपये

निवड प्रक्रिया:

उमेदवारांना २ तासांच्या परीक्षेत २०० एमसीक्यू प्रकारचे प्रश्न विचारले जातील. ज्यात सामन्य ज्ञान, बुद्धिमता चाचणी, अंकगणित आणि संख्यात्मक गणित, हिंदी भाषेची चाचणी, इंग्रजी भाषा चाचणी (प्रत्येकी ४० गुण) असेल. प्रत्येक चुकीच्या उत्तरासाठी एक चतुर्थांश गुण वजा केला जाईल.

IDBI Recruitment: पदवीधरांना बँकेत नोकरीची संधी; आयडीबीआयमध्ये ‘या’ पदांसाठी भरती

अर्ज करण्याची प्रक्रिया

• सर्वप्रथम उमेदवारांनी dsssb.delhi.gov.in येथे अधिकृत वेबसाइटला भेट द्यावी.
• होमपेजवर ऑनलाइन अर्ज या पर्यायावर क्लिक करावी.
• त्यानंतर फॉर्म भरून आवश्यक कागदपत्रे अपलोड करावी.
• अर्ज शुल्क भरून अर्जाची भविष्यातील संदर्भासाठी प्रिंट घ्यावी.

अधिक माहितीसाठी उमेदवारांनी डीएसएसएसबीच्या अधिकृत वेबसाईटला भेट द्यावी.