GST Racket: मुंबईत जीएसटी रॅकेट उघडकीस, ४१ कोटींची बनावट बिले
Aug 19, 2022, 12:02 PM IST
- सीजीएसटीच्या पथकाला तपासात ४१ कोटी रुपयांच्या खोट्या बिलांच्या आधारे १८ कोटींच्या आयटीसीचा लाभ घेतल्याची माहिती मिळाली आहे.
सीजीएसटीच्या पथकाला तपासात ४१ कोटी रुपयांच्या खोट्या बिलांच्या आधारे १८ कोटींच्या आयटीसीचा लाभ घेतल्याची माहिती मिळाली आहे.
- सीजीएसटीच्या पथकाला तपासात ४१ कोटी रुपयांच्या खोट्या बिलांच्या आधारे १८ कोटींच्या आयटीसीचा लाभ घेतल्याची माहिती मिळाली आहे.
GST Racket: सीजीएसटीच्या मुंबईतील भिवंडी आयुक्तालयाच्या पथकाने आयटीसीसाठी खोटी बिले दाखवणाऱ्या रॅकेटचा पर्दाफाश केला आहे. सध्या याप्रकरणी ४१ कोटी रुपयांच्या खोट्या बिलांच्या आधारे १८ कोटींच्या आयटीसीचा लाभ घेतल्याची माहिती समोर आली आहे. या प्रकरणी एका कंपनीतील एकास अटक केली आहे.
याबाबत सीजीएसटी भिवंडीचे आयुक्त सुमित कुमार यांनी सांगितले की, बनावट पावत्यांच्या माध्यमातून टॅक्स क्रेडीटचा फायदा घेणारं हे रॅकेट होतं. या रॅकेटशी संबंधित एका कंपनीने १४.३० कोटी रुपयांच्या बनावट बिलांच्या माध्यमातून २.५७ कोटी रुपये आयटीसीचा फायदा घेतला. हे प्रकरण उघडकीस येताच कंपनीच्या मालकाला अटक केली आहे.
सीजीएसटीच्या पथकाने ज्या कंपनीच्या मालकाला अटक केलीय त्या कंपनीचे नाव विश्वकर्मा एंटरप्रायजेस असं आहे. त्यांनी १४.३० कोटी रुपयांच्या खोट्या पावत्या दाखवून २.५७ कोटी रुपयांच्या आयटीसीचा फायदा घेतला. आरोपीला सीजीएसटी कायदा २०१७ च्या कलम ६९ आणि कलम १३२ अंतर्गत नियमांचे उल्लंघन केल्या प्रकरणी अटक करण्यात आली आहे. भिंवडीच्या सीजीएसटी आयुक्तांनी जामिनावर त्याची सुटका केली आहे.
कर चुकवेगिरी आणि फसवणूक करणारे तसंच बनावट आयटीसी रॅकेटविरोधा सीजीएशटी मुंबई विभागाने विशेष मोहिम उघडली आहे. गेल्या वर्षभरात सीजीएसटी भिवंडीकडून करण्यात आलेली ही १५ अटक आहे. आता या प्रकरणाचा तपास सुरू आहे.