Live News Updates 22 January 2023: मुंबईतील गिरगावात घर कोसळलं, एकाची प्रकृती चिंताजनक

House Collapse In Girgaon : मुंबईतील गिरगावात घर कोसळल्याची धक्कादायक घटना समोर येत आहे. गिरगावातील श्रीपती ज्वेलर्स बिल्डिंगमधील घर कोसळलं असून त्यात एक जण गंभीर झाल्याची माहिती आहे. कृष्णा पटेल असं जखमी झालेल्या मुलाचं नाव असून त्याला उपचारासाठी रुग्णालयात दाखल करण्यात आलं आहे.

समरोली, उधमपूर येथील देवल पुलावर दरड कोसळल्याने जम्मू-श्रीनगर राष्ट्रीय महामार्ग बंद करण्यात आला असून जीर्णोद्धाराचे काम सुरू आहे

Hindu Jan Aakrosh Morcha: धर्मांतर, गोहत्या आणि लव जिहाद आणि धर्मांतरासाठी कडक कायदे करावेत. त्याची कठोर अंमलबजावणी करण्यात यावी. तसेच धर्मवीर छत्रपती संभाजी महाराज यांचा बलिदान दिवस धर्मवीर दिन म्हणून साजरा करावा, अशा मागणींसाठी  हिंदू जन आक्रोश मोर्चाला लाल महाल येथून सुरवात झाली आहे.

Congress: जम्मू-काश्मीरमधील कठुआ जिल्ह्यातील हिरानगर येथून काँग्रेसच्या भारत जोडो यात्रेला सुरुवात झाली आहे.

उत्तर प्रदेशमध्ये रेल्वेतून प्रवास करताना रेल्वे कर्मचाऱ्याने आपला विनयभंग केल्याची तक्रार एका महिला प्रवाशाने दिली आहे. आरोपीला अटक करून कारागृहात पाठवण्यात आले आहे. पुढील तपास सुरू आहे