Bigg Boss 16: टीना दत्तासाठी शालीनचा थेट सलमान खानशी पंगा! इशारा देत म्हणाला...

Bigg Boss 16 latest Update: ‘बिग बॉस १६’मध्ये आता मोठा राडा पाहायला मिळाला आहे. यावेळी टीना दत्तासाठी शालीन भानोत थेट सलमान खानशी भांडताना दिसला आहे. दोघांमधील हा वाद आता चांगलाच चर्चेत आला आहे. ‘बिग बॉस १६’च्या घरात टीना दत्ता आणि शालीन भानोत हि जोडी चांगलीच गाजली आहे. कधी हे दोघे एकमेकांच्या प्रेमात दिसतात. तर, काही वेळा एकमेकांशी कडाक्याचे भांडण करताना दिसतात. यामुळे नेहमीच या शोला रंगत चढताना दिसते. आतापर्यंत शालीन अनेकांशी पंगा घेताना दिसला. मात्र, यावेळी त्याने थेट सलमान खानशी वाद घातला आहे.

‘वीकेंड का वार’मध्ये सलमान खान टीना दत्ताची शाळा घेताना दिसला. यावेळी त्याने टीना दत्ताला चांगलेच बोल लगावले. सलमान खान टीनाला म्हणाला की, 'टीना, तू कोणता गेम खेळत आहेस आणि कोणासोबत खेळत आहेस?' यावर उत्तर देताना टीना म्हणाली की, ‘सर, मी ड्रामा करत नव्हते. मला असा गेम खेळायचा नाही.’ यावेळी टीना दत्ता म्हणाली की, ती आणि शालीन कधीच एकमेकांच्या प्रेमात पडू शकत नाहीत. यावर सलमान चांगलाच संतापला आणि टीनाला म्हणाला की, तुम्ही दोघे भांडता आणि घरात गाणी वाजू लागताच लगेच दोघे एकत्र येऊन नाचू लागता.

Prajakta Mali: अभिनेत्री प्राजक्ता माळीचं ‘या’ क्षेत्रात पदार्पण; राज ठाकरेंच्या हस्ते झालं वेबसाईटचं अनावरण!

सलमान खान टीना दत्ताला म्हणाला की, 'तुला या घरात एकत्र डान्स करण्यासाठी किंवा चिकटण्यासाठी दुसरं कुणीच दिसलं नाही का?’ सलमान खानचे हे बोल ऐकून शालीन भानोतला राग आला. तो कठोर स्वरात सलमान खानला म्हणाला की, टीना दत्ताशी नीट बोलायचं. यावर सलमान खानने देखील त्याला विचारले की, शालीन काय बोलत आहेस? मात्र, यावर त्याची बोलती बंद झाली आणि त्याने सलमानची माफी मागितली.

‘बिग बॉस १६’चा खेळ आता अंतिम टप्प्यात आला आहे. या घरातील स्पर्धक रोजच घरात नवे राडे घालताना दिसतात. कधी मैत्री, तर कधी वाद यामुळे ‘बिग बॉस १६’मधून प्रेक्षकांना नवा मनोरंजन मसाला मिळत आहे.

Irrfan Khan Birthday: बॉलिवूडच नव्हे तर हॉलिवूडमध्येही गाजवलं नाव; इरफान खानबद्दल ‘या’ गोष्टी माहितीयेत का?