Maharashtra Politics : महाविकास आघाडीत सामील व्हायचं की स्वबळावर लढायचं? प्रकाश आंबेडकरांनी दिली नवी डेडलाईन
Mar 26, 2024, 09:07 PM IST
Prakash Ambedkar News : महाविकास आघाडीसोबत जायचं की नाही, यावर चर्चा करण्यासाठी वंचित आघाडीची आज रात्री बैठक होत असून याचा निर्णय उद्या जाहीर केला जाणार आहे.
Prakash Ambedkar News : महाविकास आघाडीसोबत जायचं की नाही, यावर चर्चा करण्यासाठी वंचित आघाडीची आज रात्री बैठक होत असून याचा निर्णय उद्या जाहीर केला जाणार आहे.
Prakash Ambedkar News : महाविकास आघाडीसोबत जायचं की नाही, यावर चर्चा करण्यासाठी वंचित आघाडीची आज रात्री बैठक होत असून याचा निर्णय उद्या जाहीर केला जाणार आहे.
ऱाज्यात लोकसभा निवडणुकीसाठी महाविकास आघाडी तसेच महायुतीमध्येही जागावाटपाचा घोळ सुरूच आहे. महायुतीचं कोडं काही प्रमाणात सुटत आलं असलं तरी वंचित महाविकास आघाडीसोबत जाणार की, स्वबळावर लढणार याचा निर्णय गुलदस्त्यात आहे. प्रकाश आंबेडकरांनी महाविकास आघाडीने दिलेल्या ४ जागांचा प्रस्ताव फेटाळून लावल्यानंतर २६ मार्च रोजी अंतिम निर्णय जाहीर करण्यार असल्याचे म्हटले होते. आता महाविकास आघाडीसोबत जायचं का नाही याची घोषणा प्रकाश आंबेडकर उद्या (बुधवार) सकाळी करणार आहेत.
Uddhav Thackeray: …अन्यथा तुमचे शटर बंद करू; मराठी माणसांना नोकरी नाकारणाऱ्या कंपनीला उद्धव ठाकरेंचं अल्टिमेटम!
Viral Video: राष्ट्रवादीच्या कार्यकर्त्याला धमकावणाऱ्या आमदाराचा व्हिडिओ व्हायरल, निवडणूक आयोगाकडे तक्रार!
Devendra Fadnavis: धुळ्यात देवेंद्र फडणवीस यांना दाखवले काळे झेंडे, प्रलंबित प्रश्नांवरून आदिवासी, कोळी बांधव आक्रमक!
Summon to BJP chief Nadda: वादग्रस्त व्हिडिओप्रकरणी भाजप अध्यक्ष जेपी नड्डांना पोलिसांनी बजावली नोटीस
वंचित बहुजन आघाडीच्या राज्य कार्यकारिणीच्या कोअर कमिटीची बैठक आज पार पडली. यामध्ये आगामी लोकसभा निवडणुकीत महाविकास आघाडीसोबत जायचं की नाही, यावर सविस्तर चर्चा झाली.
बैठकीनंतर वंचितचे मुख्य प्रवक्ते सिद्धार्थ मोकळे यांनी माध्यमांशी संवाद साधताना म्हटले की, वंचित आघाडीची मंगळवारी रात्री १० वाजता पुन्हा बैठक होणार आहे. ही बैठक महाविकास आघाडीच्या मुद्द्यावरील अंतिम बैठक असणार आहे. यात वंचितची आगामी रणनिती ठरवली जाईल. या बैठकीतील निर्णय उद्या सकाळी जाहीर केला जाईल.
दरम्यान शिवसेना ठाकरे गटाचे नेते व खासदार संजय राऊत यांनी सांगितले की, वंचित सोबत नसली तर महाविकास आघाडीचा फॉर्म्युला ठरला आहे. संजय राऊत म्हणाले की, वंचित सोबत असो की नसो महाविकास आघाडीचा विजय होणार आहे. आमची इच्छा आहे की, प्रकाश आंबेडकरांनी आमच्यासोबत यावं, मात्र त्यांनी आमचा ४ जागांचा प्रस्ताव फेटाळला आहे. आम्ही अजूनही आशावादी आहोत की, ते महाविकास आघाडीमध्ये सामील होतील.
तसेच महाविकास आघाडीने सर्व शक्यतांचा विचार करून वंचित बहुजन आघाडीशिवाय आपल्या जागावाटपाचा फॉर्म्युला निश्चित केला आहे. शिवसेनेत यादी जाहीर करण्याची परंपरा नाही. संभाव्य उमेदवारांना कामाला लागण्याच्या सूचना दिल्या आहेत. मात्र आम्ही महाविकास आघाडीत असल्याने उद्या शिवसेना ठाकरे गटाची यादी जाहीर केली जाईल. संजय राऊत म्हणाले की, उद्धव ठाकरेंनी सर्व उमेदवार निश्चित केले असून काँग्रेस आणि राष्ट्रवादीचीही तयारी पूर्ण झाली आहे. सर्व जागांवरील वाद मिटवण्यात आले आहेत.