Tata Nexon Dark edition : टाटा नेक्साॅन ईव्ही मॅक्सचे डार्क एडिशन दाखल, पहा फिचर्स

Tata Nexon Dark edition : टाटा मोटर्सने त्यांच्या सर्वात लोकप्रिय इलेक्ट्रिक एसयूव्ही नेक्साॅन ईव्ही मॅक्सचे नवीन डार्क एडिशन लॉन्च केले आहे. नेक्साॅन इव्ही प्राईमचा ऑल-ब्लॅक पर्याय आधीच उपलब्ध आहे. आता त्याच रंगाचा पर्याय नेक्साॅन ईव्ही मॅक्समध्ये देखील ग्राहकांना निवडता येणार आहे.

नवीन नेक्साॅन ईव्ही मॅक्स डार्क एडिशन दोन प्रकारांमध्ये उपलब्ध आहे. नेक्साॅन ईव्ही मॅक्सची भारतात किंमत १६.४९ लाख ते१९.५४ लाख (एक्स-शोरूम दिल्ली) आहे. डार्क एडिशनची किंमत नियमित व्हेरियंटपेक्षा ५५ हजार रुपयांनी जास्त आहे. एक्सझेड प्लस व्हेरियंटच्या तुलनेत ही किंमत २ लाखांनी जास्त आहे.

त्याच्या एक्सझेड प्लस लक्स व्हेरियंट्सची किंमत १९.०४ लाख रुपये आहे आणि एक्सझेड प्लस लक्सची ७.२ किलोव्हॅट एसी फास्ट चार्जरसहित येणाऱ्या गाडीची किंमत १९.५४ लाख रुपये आहे.

Tata motors : टाटा मोटर्सच्या ‘या’ गाडीने रचला इतिहास, ५ लाखावी एसयूव्ही गाडी प्रकल्पाबाहेर

फिचर्स

नेक्साॅन ईव्ही मॅक्स डार्क एडिशनमध्ये वायरलेस अँड्रॉइड ऑटो आणि अॅपल कार प्लेने सुसज्ज असलेली १०.२५-इंच टचस्क्रीन आणि ६ प्रादेशिक भाषांमध्ये १८० हून अधिक व्हॉइस कमांड यांसारखी वैशिष्ट्ये आहेत. नेक्साॅन ईव्ही मॅक्स डार्क एडिशनची ग्लोबल एनकॅप चाचणी बाकी आहे, परंतु पेट्रोल व्हेरियंट्सला ५ -स्टार सुरक्षा रेटिंग मिळाले आहे.

सुरक्षेसाठी, कारमध्ये ड्युअल फ्रंट एअरबॅग्ज, रियर पार्किंग कॅमेरा, इलेक्ट्रॉनिक स्टॅबिलिटी प्रोग्राम, ट्रॅक्शन कंट्रोल, इलेक्ट्रॉनिक पार्किंग ब्रेक आणि टायर प्रेशर मॉनिटरिंग सिस्टम, चारही चाकांवर डिस्क ब्रेक, एबीएस आणि ईबीएस पूर्वीप्रमाणेच देण्यात आली आहेत.

tata motors : टाटा मोटर्सच्या या गाड्या १ मे पासून होणार महाग, कंपनीने केली घोषणा

नेक्साॅन ईव्ही मॅक्सला इतर डार्क एडिशन मॉडेल्सप्रमाणे सर्व नियमित फिचर्स देण्यात आले आहेत. याला मिडनाईट ब्लॅक कलर फिनिशिंग आणि लोखंडी जाळी आणि खिडकीच्या ओळीच्या खाली जाणारी साटन काळी पट्टी आणि फेंडर्सवर #डार्क बॅजिंग मिळते.

कारला मिडनाईट ब्लॅक कलरसह चारकोल ग्रे रंगाचे अलॉय व्हील आणि ट्राय-एरो डीआरएलसह प्रोजेक्टर हेडलॅम्प देण्यात आले आहेत. इतर बाह्य बदलांमध्ये ट्राय-एरो एलईडी टेल-लॅम्प, शार्क फिन अँटेना आणि रूफ रेलचा समावेश आहे.