Honda Activa : होंडा अॅक्टिव्हाच्या किंमतीत वाढ, अॅक्टिव्हा १२५ च्या किंमतीत ११७७ रुपयांची वाढ

Honda Activa : होंडा मोटरसायकल अँड स्कूटर्स इंडिया (HMSI) ने अलीकडेच त्याच्या लोकप्रिय मॉडेल अॅक्टिव्हा आणि अॅक्टिव्हा -१२५ च्या किमती कोणत्याही बदलाशिवाय वाढवल्या आहेत. अ‍ॅक्टिव्हा ही भारतीय कुटुंबांची फार पूर्वीपासून आवडीची स्कूटर आहे. अॅक्टिव्हाची किंमत ८११ रुपयांनी वाढवली आहे. तर अॅक्टिव्हा १२५ ची किंमत ११७७ रुपयांनी वाढवली आहे.

अॅक्टिव्हाची सुरुवातीची किंमत ७५,३४७ रुपये आहे. त्याच्या सर्वोच्च व्हेरियंट्स किंमत ८१,३४८ रुपये आहे. शोरूम शुल्क दोन्हीच्या किमतींमध्ये समाविष्ट केलेले नाही.

Activa 125 ची किंमत ७८,९२० पासून सुरू होते

त्याचप्रमाणे, Activa 125 ची सुरुवातीची किंमत ७८,९२०रुपयांपर्यंत वाढवण्यात आली आहे आणि त्याच्या सर्वोच्च व्हेरियंटची किंमत आता ८६,०९३ (एक्स-शोरूम शुल्क) आहे. टॉप-एंड Activa 125 H-Smart च्या किमतींमध्ये कोणताही बदल झालेला नाही आणि त्याची किंमत अजूनही ८८,०९३ रुपये (एक्स-शोरूम) आहे.

होंडा अॅक्टिव्हा ११० सीसीसाठी स्पर्धक

Honda Activa मध्ये १०९ सीसी, एअर-कूल्ड, सिंगल-सिलेंडर इंजिन आहे, जे जास्तीत जास्त ७.७३ पॉवर आउटपुट आणि ८.९० एनएमचा पीक टॉर्क जनरेट करते. अॅक्टिव्हा भारतीय बाजारपेठेतील टीव्हीएस ज्युपीटर, सुझुकी अॅक्सेस, यामाहा रेज झेडआर आणि हिरो प्लेजर प्लससारख्या लोकप्रिय मॉडेलला टक्कर देते.