FD rates: जेष्ठ नागरिकांना खूशखबर! ‘या’ सहा बँकांतील एफडीवर ७ टक्क्यांपेक्षा जास्त व्याज
Nov 09, 2022, 06:09 PM IST
- FD rates for Senior citizen : या बँका त्यांच्या ६० वर्षांवरील ज्येष्ठ नागरिकांना आणि ८० वर्षांवरील वरिष्ठ नागरिकांना सर्वाधिक व्याजदर देत आहेत.
FD rates for Senior citizen : या बँका त्यांच्या ६० वर्षांवरील ज्येष्ठ नागरिकांना आणि ८० वर्षांवरील वरिष्ठ नागरिकांना सर्वाधिक व्याजदर देत आहेत.
- FD rates for Senior citizen : या बँका त्यांच्या ६० वर्षांवरील ज्येष्ठ नागरिकांना आणि ८० वर्षांवरील वरिष्ठ नागरिकांना सर्वाधिक व्याजदर देत आहेत.
FD rates for Senior citizen : तुमच्या ठेवींवर सुरक्षित परतावा मिळवण्यासाठी मुदत ठेव (FD) करणे हा अजूनही सर्वोत्तम पर्याय मानला जातो. जेव्हा तुम्ही मुदत ठेवीमध्ये पैसे जमा करता तेव्हा तुम्हाला ठराविक कालावधीनंतर हमी परतावा मिळतो. गेल्या काही महिन्यांत आरबीआयने रेपो दरात वारंवार वाढ केली आहे. तेव्हापासून देशातील अनेक मोठ्या सार्वजनिक आणि खाजगी क्षेत्रातील बँकांनी त्यांचे एफडी दर वाढवले आहेत. या बँका त्यांच्या ६० वर्षांवरील ज्येष्ठ नागरिकांना आणि ८० वर्षांवरील अतिज्येष्ठ नागरिकांना सर्वाधिक व्याजदर देत आहेत. आपल्या ज्येष्ठ नागरिक ग्राहकांना ७% पेक्षा जास्त परतावा देणार्या या ६ बँकांवर एक नजर टाकूया -
युनिटी बँक 8.30% व्याज देत आहे
युनिटी बँकेच्या ज्येष्ठ नागरिक ग्राहकांना १ वर्षाच्या एफडीवर सर्वाधिक ८.३०%, १ वर्ष, १दिवस ते १८ महिन्यांच्या एफडीवर ७.८५%, १८ महिने ते २ वर्षांपर्यंतच्या 7.९०%,२ वर्षे ते ५ वर्षे प्रति ८.१५ व्याज मिळते. एफडीवर टक्के आणि ५ वर्षे ते १० वर्षांच्या एफडीवर ७.५०% उपलब्ध आहे.
RBL बँक सुपर सिनियर सिटीझन ग्राहकांना अतिरिक्त ०.७५% व्याज देत आहे
खाजगी क्षेत्रातील कर्जदार आरबीएल (RBL) बँक आपल्या ज्येष्ठ नागरिक ग्राहकांना ७२५ दिवसांच्या मुदत ठेवींवर सर्वाधिक ७.५०% व्याज देत आहे. याशिवाय, बँक आपल्या अति ज्येष्ठ नागरिक ग्राहकांना २ कोटी रुपयांपेक्षा कमी एफडीवर ०.७५ टक्के अतिरिक्त व्याज देत आहे.
ईएसएएफ (ESAF) बँकचे सर्वाधिक ८.५०% व्याज
ESAF स्मॉल फायनान्स बँक आपल्या ज्येष्ठ नागरिकांना ७ दिवस ते १० वर्षांच्या एफडीवर ४.५०% ते ८.५०% व्याज देत आहे. ही स्मॉल फायनान्स बँक आपल्या ज्येष्ठ नागरिकांच्या ग्राहकांना २ वर्षे ते ९९८ दिवसांच्या एफडीवर ७.७५% आणि ९९९ दिवसांच्या एफडीवर ८.५०% व्याजदर देत आहे. तर ही स्मॉल फायनान्स बँक आपल्या ज्येष्ठ नागरिकांच्या ग्राहकांना १००० दिवसांपासून ते ३ वर्षांपेक्षा कमी कालावधीच्या एफडीवर ७.७५% व्याज देत आहे.
आयडीबीआय (IDBI) बँक ७०० दिवसांच्या एफडीवर ७.५०% व्याज देत आहे
आयडीबीआय़ बँक आपल्या ज्येष्ठ नागरिकांच्या ग्राहकांना ७०० दिवसांच्या FD वर ७.५०% आणि ५५५ दिवसांच्या एफडीवर ७% व्याज देत आहे. वाढलेले नवे व्याजदर १ नोव्हेंबरपासून लागू होणार आहेत.
उज्जीवन स्मॉल फायनान्स बँक ८.५०% व्याज देत आहे
उज्जीवन स्मॉल फायनान्स बँक आपल्या ज्येष्ठ नागरिक ग्राहकांना ५६१ दिवस ते ९८९ दिवसांच्या एफडीवर ८.२५%, ९९० दिवसांच्या एफडीवर सर्वाधिक ८.५०%, ९९१ दिवस ते ६० महिने आणि ६० महिन्यांच्या एफडीवर ७.९५% व्याज देते.
बंधन बँक ६०० दिवसांच्या FD वर ८% व्याज देत आहे
बंधन बँक आपल्या ज्येष्ठ नागरिक ग्राहकांना ६०० दिवसांच्या एफडीवर सर्वाधिक८% व्याज देत आहे. दुसरीकडे, बँक १ वर्ष ते ५९९ दिवस आणि ५ वर्षांपेक्षा कमी कालावधीच्या ६०१ दिवसांच्या एफडीवर ७.७५% व्याज देत आहे. तर बँक आपल्या ज्येष्ठ नागरिकांना १ वर्षापेक्षा कमी कालावधीच्या सर्व एफडीवर अतिरिक्त ७५ बेस पॉइंट्सचे व्याज देईल.
विभाग