interest Rates : कर्ज घेण्यापूर्वी पहा कोणत्या बॅकांचे किती आहेत व्याजदर, बॅकांच्या व्याजदरात वाढ
Nov 08, 2022, 07:52 PM IST
- loan interest Rates : सरकारी आणि खाजगी क्षेत्रातील बँकांनी सर्व प्रकारच्या कर्ज दरात वाढ केली आहे. त्यामुळे कर्जासाठी अर्ज करण्यापूर्वी व्याजदर तपासा.
loan interest Rates : सरकारी आणि खाजगी क्षेत्रातील बँकांनी सर्व प्रकारच्या कर्ज दरात वाढ केली आहे. त्यामुळे कर्जासाठी अर्ज करण्यापूर्वी व्याजदर तपासा.
- loan interest Rates : सरकारी आणि खाजगी क्षेत्रातील बँकांनी सर्व प्रकारच्या कर्ज दरात वाढ केली आहे. त्यामुळे कर्जासाठी अर्ज करण्यापूर्वी व्याजदर तपासा.
loan interest Rates : रिझर्व्ह बँक ऑफ इंडियाने ३० सप्टेंबर रोजी रेपो दर ५.९ टक्के केला आहे. त्यामुळे सरकारी आणि खाजगी क्षेत्रातील बँका सर्व प्रकारच्या कर्जाचे दर वाढवत आहेत. आयसीआयसीआय बँक, एचडीएफसी, इंडियन बँक आणि बँक ऑफ बडोदा यांनीही एमसीएलआर दर वाढवले आहेत. त्यामुळे सर्व प्रकारच्या कर्जांच्या व्याजदरात पूर्वीपेक्षा वाढ झाली आहे.
Ratan Tata : शेवटच्या टप्प्यातील मतदानाच्या पार्श्वभूमीवर प्रसिद्ध उद्योगपती रतन टाटा यांचा मुंबईकरांना खास आवाहन
Silver rate today : चांदीच्या भावानं मोडला आतापर्यंतचा उच्चांक, सोन्याच्या किंमतीत घसरण, मुंबईत आजचा भाव काय?
narayana murthy on AI : आर्टिफिशल इंटेलिजन्समुळं नोकऱ्या जाणार?; प्रसिद्ध उद्योजक नारायणमूर्ती काय म्हणाले पाहा!
stocks to buy or sell : शेअर बाजारात आज आठवड्याचा शेवटचा दिवस! 'या' ५ स्टॉक्सवर ठेवा नजर
एचडीएफसी बँक
एचडीएफसी बँकेने तीन वर्षांच्या कालावधीच्या कर्जावरील मार्जिनल कॉस्ट लेंडिंग रेट (MCLR) दरांमध्येही वाढ केली आहे. हे वाढीव दर ७ नोव्हेंबरपासून लागू करण्यात आले आहेत. बँकेने एका रात्रीच्या कालावधीसह कर्जावरील एसीएलआर ७.९० टक्क्यांवरून ८.२० टक्के केला आहे. एक महिन्याच्या मुदतीच्या कर्जावरील एमसीएलआर ८.२५ टक्के आणि ३ ते ६ महिन्यांच्या कर्जावरील व्याजदर ८.३० वरून ८.४० टक्के करण्यात आला आहे. एक वर्षाच्या मुदतीच्या कर्जावर एमसीएलआर दर ८.५५ टक्के करण्यात आला आहे. तर २ वर्षांच्या कालावधीत तो ८.३० टक्क्यांवरून ८.६५ टक्के करण्यात आला आहे. बँकेने ३ वर्षांच्या मुदतीच्या कर्जावरील एससीएलआर दर ८.४० टक्क्यांवरून ८.७५ टक्के केला आहे.
बँक ऑफ बडोदा
बँक ऑफ बडोदाने एक वर्षाच्या कालावधीसाठी एमसीएलआर ७.९५ टक्क्यांपर्यंत कमी केला आहे. तर तीन महिने आणि ६ महिन्यांच्या कालावधीसाठी मार्जिनल कॉस्ट लेंडिंग रेट (MCLR) अनुक्रमे ७.६५ टक्के आणि ७.८० टक्के करण्यात आला आहे. त्याच वेळी, बँकेने एका रात्रीसाठी एमसीएलआर ७.१० टक्के केला आहे. बँकेने १२ ऑक्टोबरपासून ८.६० टक्के बेस रेट लागू केला आहे.
इंडियन बँक
इंडियन बँकेने एमसीएलआरमध्ये ३५ बेसिस पॉईंटने वाढ केली आहे. बँकेच्या म्हणण्यानुसार, एका रात्रीसाठी एमसीएलआर ३५ बेसिस पॉइंट्सने वाढून ७.४० टक्के झाला आहे. यासह, वार्षिक एमसीएलआर ८.१० टक्के झाला आहे. इंडियन बँकेचे नवीनतम वाढलेले दर ३ नोव्हेंबर २०२२ पासून लागू आहेत. या वाढीमुळे बँकेच्या कर्जधारकांना आता अधिक रक्कम भरावी लागणार आहे. त्याचबरोबर ईएमआयची रक्कमही वाढण्याची शक्यता आहे. सर्वात मोठा तोटा फ्लोटर व्याजदरासह कर्जधारकांना होणार आहे.
आयसीआयसीआय बँक
आयसीआयसीआय बँकेने या महिन्यात १ नोव्हेंबर रोजी सर्व प्रकारच्या कर्जाच्या कालावधीसाठी २० आधार गुणांच्या आधारे एमसीएलआर दर वाढवले आहेत. एमसीएलआर ८.१० टक्के आहे जो आता ८.३० टक्के झाला आहे. त्याच वेळी, बँकेने ६ महिन्यांच्या कर्जाच्या कालावधीवर एमसीएलआर ८.२५ टक्के केला आहे. गेल्या जूनमध्ये बँकेने सर्व प्रकारच्या एमसीएलआरचे व्याजदर २० बेसिस पॉइंट्सने वाढवले होते. बँकेने एका रात्रीच्या कालावधीसाठी एमसीएलआर ७.३० वरून ७.५० टक्के कमी केला होता. यानंतर ऑगस्ट महिन्यातही एमसीएलआर १५ बेसिस पॉईंटने वाढवण्यात आला होता. त्यानंतर एमसीएलआर दर ७.५० टक्क्यांवरून ७.६५ टक्के करण्यात आला आहे.
विभाग