भाषा निवडा

विभाग

मराठी बातम्या / धर्म / Hanuman Jayanti Wishes: अंजनीच्या सुता, तुला रामाचं वरदान… हनुमान जयंतीच्या शुभेच्छा देण्यासाठी पाठवा ‘हे’ खास संदेश

Hanuman Jayanti Wishes: अंजनीच्या सुता, तुला रामाचं वरदान… हनुमान जयंतीच्या शुभेच्छा देण्यासाठी पाठवा ‘हे’ खास संदेश

Harshada Bhirvandekar HT Marathi

Updated Apr 23, 2024 09:53 AM IST

Hanuman Jayanti Wishes 2024 In Marathi: हनुमान जयंती म्हणजेच पवनपुत्र हनुमानाचा जन्मदिवस. दरवर्षी चैत्र महिन्याच्या पौर्णिमेला हनुमान जयंती साजरी केली जाते.

अंजनीच्या सुता, तुला रामाचं वरदान! हनुमान जयंतीच्या शुभेच्छा देण्यासाठी पाठवा ‘हे’ खास संदेश

Hanuman Jayanti Wishes 2024 In Marathi: येत्या २३ एप्रिल रोजी हनुमान जयंती साजरी केली जाणार आहे. भगवान श्रीरामाचा परमभक्त म्हणून भीमरूपी, बलवान बजरंगबलीची पूजा केली जाते. हनुमान जयंती म्हणजेच पवनपुत्र हनुमानाचा जन्मदिवस. दरवर्षी चैत्र महिन्याच्या पौर्णिमेला हनुमान जयंती साजरी केली जाते. भगवान हनुमानाला बजरंगबली, पवनपुत्र, अंजनीपुत्र, केसरीनंदन, मारुतीनंदन, पवनसुत, महावीर, कपिश आणि अंजनेय या नावांनीही संबोधले जाते. हनुमानाची उपासना केल्याने दुःख, रोग, भय, दारिद्र्य, जडत्व आणि मूर्खपणाचा अंत होतो, असे मानले जाते. हनुमान जयंतीच्या दिवशी पवनपुत्र मारुती नंदन यांची शुद्ध मनाने पूजा केल्याने सर्व संकटे दूर होतात.

बजरंगबलीचे भक्त त्यांचा जन्मदिवस म्हणजेच हनुमान जयंती मोठ्या थाटामाटात साजरी करतात. या दिवशी हनुमान भक्त दिवसभर उपवास ठेवतात आणि संकटमोचन हनुमानाला प्रसन्न करण्यासाठी हनुमान चालिसाचे पठण करतात. यानिमित्ताने लोक एकमेकांना हनुमान जयंतीच्या शुभेच्छा देखील देतात. या शुभ प्रसंगी, जर तुम्हालाही तुमच्या नातेवाईकांना, मित्र आणि प्रियजनांना शुभेच्छा संदेश पाठवायचे असतील, तर तुम्ही हे खास संदेश त्यांना पाठवू शकता.