Lauki Peel For Skin Care: दुधी भोपळ्याचे साल फेकू नका, अशा प्रकारे चेहऱ्यावर लावल्यास त्वचेला होईल फायदा

वैशाखाच्या कडक उन्हात घरात सुद्धा त्वचेवर परिणाम होतो. तुम्हाला माहित आहे का की या दुधी भोपळ्याची साल त्वचेवर चमक देखील आणू शकते. दुधी भोपळ्याच्या सालीचा वापर करण्यासाठी काही टिप्स पाहा.

उन्हाळ्याच्या दिवसात त्वचा सहज टॅन होते. तसेच उन्हात थकवा अगदी सहज येतो. अशा वेळी त्वचेवरील थकवा दूर करण्यासाठी आणि टॅनच्या समस्येवर मात करण्यासाठी दुधी भोपळ्याच्या सालीचा वापर कसा करावा ते पाहा.

चमक परत मिळविण्यासाठी - उन्हाळ्याच्या दिवसात चेहरा आणि डोळे थकतात. अशावेळी दुधी भोपळ्याची साल त्वचा जिवंत ठेवण्यास मदत करते. चमक परत मिळवण्यासाठी आपण दुधी भोपळ्याच्या सालीचे मिश्रण देखील बनवू शकता. जे तुम्हाला मदत करेल. लाल चंदनासह दुधीच्या सालीचे मिश्रण तयार करा. चेहऱ्यावर लावा आणि १० मिनिटांनी धुवून टाका. हे आठवड्यातून २ ते ३ वेळा करा.

टॅनिंग टाळण्यासाठी - कडक उन्हात टॅनिंग टाळण्यासाठी दुधी भोपळ्याची साल अत्यंत फायदे देऊ शकते. आपण फक्त चेहऱ्यावर दुधी भोपळ्याची साल चोळू शकता. तसेच मिक्सरमध्ये तुम्ही त्याची पेस्टही बनवू शकता. १५ मिनिटे चेहऱ्यावर लावा. नंतर धुवून टाका.

डाग दूर करण्यासाठी - त्वचेवरील डाग दूर करण्यासाठी दुधी भोपळ्याची साल अतिशय उपयुक्त आहे. साल घेऊन गुलाब पाण्यात मिक्स करा. आंघोळीपूर्वी ही पेस्ट चोळा. नंतर कोमट पाण्याने चेहरा धुवावा. यामुळे चेहऱ्यावरील डाग दूर होतील. (ही माहिती सर्व सामान्य ज्ञानावर आधारित आहे. तपशीलासाठी तज्ज्ञांचा सल्ला घ्या.)